Augustin Zubikarai idazlea eta ohorezko euskaltzaina hil da
Augustin Zubikarai idazle eta ohorezko euskaltzaina gaur zendu da, Galdakaoko Ospitalean. Antzerkia, poesia, narratiba eta kazetaritza landu zituen, bai eta itzultzaile lanak egin ere. Euskaltzaindiako iturriek jakinarazi dutenez, bihar izango da haren aldeko hileta-elizkizuna 19:00etan Ondarroan.
Bere osasun egoera larria zela eta, orain dela egun batzuk ospitaleratu zuten Zubikarai, eta bertan eman du bere azken arnasa, bere familia ondoan zuela.
Gaztetatik idazle
Ondarroan jaio zen 1914ko azaroaren 3an. Euskaltzain urgazlea izan zen, eta 1993an ohorezko euskaltzain izendatu zuten.
Saturraran eta Gasteizko apaizgaitegietan egin zituen ikasketak Zubikaraik eta hamasei urterekin, aldizkarietan kolaboratzen hasi zen. Gerra garaian sorturiko Eguna egunkariko erredakzioburu izendatu zuten eta 1937an eta geroztik aldizkari askotan hartu zuen parte: Zeruko Argia, Karmel, Argia, Egan, etab.
Gerra Zibilean preso
Espainiako Gerra Zibilean, Bilbo galtzeko hiru egun baino falta ez zirenean, Enkarterri aldera joan zen Zubikarai, ihesi. Santoñan, Mieresen eta Escudon egon ostean, Laredora abiatu zen eta italiarrek preso hartu zuten. Ziburun bizi izan zen, denboraldi batez. Azkenean, etxeratzeko baimena lortuta, Kataluniatik sartu zen eta preso hartu zuten. 1940an lortu zuen askatasuna eta Ondarroara itzuli zen.
Euskal idazlerik oparoenetarikoa
Antzerkia, poesia, narratiba eta kazetaritza arloak landu ditu, bai eta itzultzaile lanak egin ere. Berrogei bat antzerki-lan eta beste horrenbeste eleberri eta kontu idatzi ditu.. Nobela ugari zituen eginak eta sarituak eta poesia ere landu zuen inoiz: Urbasatik kantuz (Zangotzako 1967ko saria); Naparroako bideetan (Zangotzako 1968ko saria) eta Koroiko pitxiak (Zornotza saria), besteak beste.
Aldizkari eta egunkari askotan idatzi izan zuen Zubikaraik. Ondarroa aldizkariaren zuzendaria izan zen, bai eta Euskerazaintza, Arranondo eta Boga-Boga aldizkariena ere. Ondarroako Arranondo Kultur Alkarteak sortu zuen 1990ean, herri-euskara aldarrikatzeko asmoz.
Armiarma.com webguneko literatura zubitegian duzue argitaratutako lan nagusien berri.
Erantzunak
Ondarrutarrok beti eskertuko diogu egin duen lana. Nire omenaldi txikia egingo diot gaaur gauean bertan bere libururen bat aukeratu eta irakurriz. Berez ere sarritan eta oso gustora hartzen ditut bere libururak, ohitura oso ona delakoan.
Eskerrik asko ba, Agustin, eta ziur izan gogoan izango zaitugula, merezi duzu eta.
- ZUBIKARAI
S. ARANA KALEA, 4
ONDARROA
Hau idazkiau heldu orduko ez zaz etxin eongo baiñe bertara
bixaltzetsut, hamendik aurreako zure helbide barrixe jakin arte behintzat.
On hurrengo Antxon zure semiai entzun neutsan irratixan, eskas xamar ziñala
ospittalin, oiratute eta ixe berba ein eziñik gaiñea. Gero jakin neban,
barriz, zure hilletak Ondarrun ixatekotan zile.
Zu ziñala ta ez ziñala, kontu asko entzun eta irakurri ixan dot
honek egunetan. Danak edo gehixenak kontu gozuk, egixe esan. Baiñe... ez
dakit pa, nik zelan demontre esan bir doten be... danak be gozuak izan dizen
arren, ez behintzat nere kontzientzixi nasaitzeko lain. Bai, hilda gero
salda bero baiñe...hil aurretik, zer?
Egixe ra bai, Augustin, zuk eta zure sasoikuk itxura batin amaittu
dozuela aguretu ostin baiñe egixe da, baitte, 1965tik 1985ra bittartin,
ikusi biharrik izan ez zenduezan betozko illunak ikusi zenduezala eta hartu
biharrik bako matrailleko eder batzuk be hartu zenduezala.
Nik 18 urte nittun 1963an, euskal letretara estreiñako urreatu
nintzanin eta zuk, ordun, 49 baiño ez. Halanbe, nik on zuk ordun baiño hamar
urte gehixa ixan arren, eztakat neure buru zahartzat; eta zuk nik on baiño
hamar urte gitxia ixan arren, ziharo zahar eta alperrikotzat ziñuazan nik zu
ordun. Lotsagarrixe bada be, ez dogu on gutzat nahi zuentzat ordun erabilli
izan gendun metro berbera.
Bai, Augustin, gero jakin ixan dogu zuen gerrako, aurreko eta
osteko, ahalegiñen barri. Gero ezautu doguz zuen idazlanak, liburuak eta
kurrikulum aberatsak. Dana genkixelakun eta ez genkixen ixe. Dana geuk ein
bir gendualakun, ez gendun aurrekuok eindakoik ikusi be nahi izan.
Abertzaletasunan eta euskeltzaletasunan izenin uste ixan gendun Euzkadi eta
euskeri geugaz batera hasten zile. Aberrixan eta Euskalerrixan izenin
siñistu izan gendun geu giñala danin lelenguk, onenak eta jakittunenak.
Ez, ez giñen bape justuk izan, Augustin. Eta, txarrena gero, ez
giñan sekula barkamena eskatzeko be gauze ixan.
Amatiño
Ondarroan urtero egiten den Augustin Zubikarai sariaren arauak
eta Zubikarairen biografia laburra
eta hemen Augustin Zubikarai Nobela Laburrentzako Saria izeneko azken edizioaren irabazkeak