Goiena.net-ek eta Goienkaria-k aipamena jaso dute diseinu lehiaketan
Society For News Design (SND) elkartearen sail espainolak antolatutako "Lo mejor del diseño periodístico España-Portugal" diseinu lehiaketan, aipamena jaso dute Debagoieneko "Goienkariak" eta "Goiena.net"-ek.
Lehiaketa papereko zein sareko argitalpenei zabaldutakoa da. Papereko atalean argitalpenaren tirada hartu dute kontuan mailaketa egiteko; sarekoetan, berriz, webguneak hilero izandako bisita kopurua.
Goienkaria-ren kasuan, logoaren inguruan edukiak eta kolorea sartzeko modua saritu dute. Goiena.net-i dagokionez, berriz, albisteen testua aurkezteko era.
Aipamenen balioa
La Vanguardia, Heraldo de Aragón eta Granada Hoy izendatu dituzte España eta Portugaleko egunkarien artean ondoen diseinatutakoak. Elpais.es eta Heraldo.es izan dira sarituak sareko egunkarien artean. Sari eta aipamen guztien berri SND-Eren webgunean.
El Correo, Heraldo de Aragon eta halako egunkariekin lehiatu da "Goienkaria", eta haiek dituzten baliabideak kontuan hartuta ez da nolanahikoa aipamena jasotzea. Hain zuzen ere, Heraldo de Aragon, La Vanguardia eta Granada Hoy egunkariek irabazi dute sari nagusia. Eta Goiena.net-ek horrelako aipamen bat jasotzea ere lorpen handia da; izan ere, urtebetez sarean egonda, Espainia eta Portugal mailako lehiaketa baten aipamena jaso du.
Sari banaketa lehiaketaren antolatzaileek azaroan egingo duten kongresu baten barruan izango da.
Erantzunak
Kaixo Maite,
diseinuari buruz esandako zenbaitekin ados egoterik badagoen arren, esan behar da baita "estandarretan oinarrituta" hitzak agian ez direla oso "zehatz" hartu behar ezta?.
Zerrendan aipatzen diren 4 puntutxoei (logoa, menua, etab. bezalako elementuei dagokien puntuak) badagokie tira, estandar bezala aipatu balitezke beti ere, izan ere, gaur egun "web estandarretan" oinarritua egoteak beste zenbait erantzukizun daramatza berarekin.
Egia da, amankomunean orrialde gehienek agian hori dutela beraien egituraren oinarri, eta erabiltzailea horretara ohituta egoteak nolabait egitura hori gomendagarri egiten dutela edukinen irakurketa azkar eta ulerkorrago bat lortzeko. Egia da baita, "usability" delakoari heltzen badiogu, gai horren inguruan idazten duten zenbait adituk hori diotela, ados egon ala ez.
Baina hori bai, "web standards based" bezala ulertu behar bada zure iruzkina agian ez gaude kasurik "estandarrenean"...
Esate baterako, 2 adibide xume, taulaz () diseinatutako orrialdea da ikusten den lehena, irisgarritasun giden arabera ekidin behar den gauzetariko bat, nahiz eta taulen erabilera arin bat eginda ere oraindik erabilgarri izaten jarraitzen duen orrialdeak WACG ezberdinen arabera. Irudiek "alt", "title" edo "longdesc" bezalako deskribapena faltan dute...gomendatzen den lehen gauzetako bat da hau. XHTML ere ez da erabili, honek dituen zenbait abantaila kontutan hartuta.
Beno, gai horiek alde batera utzita, Code&Syntax-ek badu ahalmena orrialdeak "web standards"-etan oinarrituta egiteko...bestela eta adibide soil gisa Hiru.com webgunean egindako lana hor dago, ezta Maite? ;) Posizionamendua taularik gabe eta CSS-az egina dago, XHTML 1.0 Transitional-ez dago "markup" delakoa, etab. Hori bai oinarritzen dela estandarretan hein handi batean...
Ea Goiena.net eta beste webguneetan ere aplikatzerik dagoen pixkanaka, ahaleginak mereziko du.
Ah! Kuriositatez bada ere, honekin zerikusia duen eta euskaraz ikusi dudan lehen edukin bat:
http://www.w3c.es/Consorcio/Puntos/index.html.eu
Ez zait batere erreza egiten nitaz eta nere-gure lanaz horrenbeste dakien pertsona ezezagun bati erantzutea, baina gaizki ulertu bat zuzentzea baino ez dut egingo: Nik "estandarretan oinarrituta" erabili dudanean diseinuetan errepikatzen diren estandarretaz ari nintzen eta elementuen kokapenari buruz batipat, hain zuzen, sariaren aipamenean "albisteen testua aurkezteko era" azpimarratzen bait da.
Euskaraz diozu? Hau euskara al da?
"W3Cko kristaua, Web hagitz ahalmenarantz eragintzea da. Hau egiten du teknologiak garatuz (betekizunak, gidak, software eta instrumentuak). Informazio, merkataritza, suztagarri, burujabe pentsamendu eta guztien arteko ulermenezko forua sortuko du. Laburpen honek zazpi puntutan, W3Cen helburuak eta ebakuntza oinarriak azaltzen ditu."
Eta beste para-agrafo honek zer esan nahi du, ba?
"Deserdirapena era berriko erdibanatuta sistemaren jatorri bat da, gizarteak barne delarik. Sistema zentralizatu batetan, mezu edo ekintza guztiak agintari nagusi bati eman behar diote, itoaldiak eraginiz, trafikoa gehitzen duenean. Horregatik diseinuan guk web-en zervitzu zentralak mugatzen ditugu, Web-en zaurkortasuna murrizteko."
Horrelako mondongoak, hemen: http://www.w3c.es/Consorcio/Puntos/index.html.eu
Kaixo Maite,
lehenik eta behin barkamenak eskatzea aipatutako zeozerk nolabaiteko aztoramena sortu badizu. Ez zen inolaz nire asmoa. Orain ikusi berri dut iruzkina, berandu xamar nabil erantzunetan...
Ez dut ezizen bat askotan erabili, baina erabili badut iruzkinen aurrean zenbaitetan pertsonek erreakzionatzeko eragatik da...askotan identitatearen arabera ere hitzak gaizki edo ondo interpretatu daitezke gainera. Nahiz eta era onean egin aipamen batzu, ez da erraza hitz horien tonoa azalarazten;kasu honetan inolaz ere ez da txarra edo asmo ilunez betea (alde horretatik lasai, arren!) espero dut beraz ez kezkatzea "baldarki" idatzitako hitz horiengatik.
Zuen lanaz, berriz, zuen webgunean ikusten denetik dut soilik, ez dut fijazio berezirik inorekin, asunto ederra bestela. Gaizki ulertua nire aldetik dago. Egia esan termino joku gehiegi egin ohi da diseinu, web, standard, etab. bezalako hitzekin eta ez beti erarik egokienean. Zuk zuzendu duzu nik txarto ulertutakoa. Sentitzen dut hitzak ondo ulertu ez izana. Bestalde, zuen lanari, beste askorenari bezala, errespetua diot eta Hiru.com adibide soil bat bezala jarri nuen.
Euskaratutako dokumentuena berriz ba pixkat anekdotikoa dirudien arren aipatzea gaizki ez zetorrela otu zitzaidan. Besterik gabe,
Zer esango dizut ba, gaizki esanak barkatu...
> Ez zait batere erreza egiten nitaz eta nere-gure lanaz horrenbeste dakien pertsona **ezezagun** bati erantzutea, baina gaizki ulertu bat zuzentzea baino ez dut egingo: Nik "estandarretan oinarrituta" erabili dudanean diseinuetan errepikatzen diren estandarretaz ari nintzen eta elementuen kokapenari buruz batipat, hain zuzen, sariaren aipamenean "albisteen testua aurkezteko era" azpimarratzen bait da.
Goiena.net diseinatzerakoan ahalegin berezi bat egin genuen webgunea erabilterreza izan zedin eta hori da, hain zuzen nere ustez, aipamen honekin saritu nahi izan dutena.
Goiena.net-en diseinua sinplea eta erabilterreza dela esan dezakegu. Gaur egun web-diseinuan errepikatzen diren estandarretan oinarritua.
Informazioa modu erraz batean antolatua dago erabiltzaileak zer nun dagoen momentuoro jakin dezan. Goiena.net erabilgarritasunearen printzipioak kontutan hartuta diseinatuko gunea dela esan dezakegu. Link guztiak kolore urdinarekin bereiztu ditugu klikagarria zer den argi eta garbi gera dadin, testuaren tamaina ez da fijoa, argazkien tamaina egokia da konexioa edozein dela ere hauek kargatzea motelegi gerta ez dadin, testua eta fondoa ondo kontrastatuta daude, eta abar...