Noranahikoak debekatu nahi dituzte Parisen
Parisen noranahikoak errepidean ibiltzeko debekua ezartzekotan dira. 18 hilabete barru, posible da noranahikoek ezin ibili izatea Frantziako hiriburuko kaleetan; Parisko Udalak aurkeztutako ebazpena onartu baita.
Denis Baupin, Berdeak alderdiko zinegotziak aurkeztu zuen ebazpena eta bere hitzetan, noranahikoak ez dira hiriburuetan ibiltzeko egokiak. Noranahikoak modan daude egun. "Kutsatzaileak dira, leku handia hartzen dute, oinezkoentzako eta errepideetako beste erabiltzaileentzako arriskutsuak dira", azaldu du Baupinek.
Kutsaduraren gainean
Onartutako ebazpenaren bitartez, noranahikoen erabilpena debekatzera heldu daitezkeela adierazi du Baupinek; 18 hilabetera. Ebazpenean hiriburuko trafikoa hobetzeko proiektu orokor bat era biltzen da. Parisko Udalak bizikleta eta autobusentzako bide (erreiak) ugari zabaldu ditu.
Gaur egun, autoen merkatuko % 5 osatzen dute noranahikoek eta kopurua gorantz doa; Mendebaldeko Europako batez bestekoa baino baxuagoa da.
Baupinek adierazi du gehien kutsatzen duten autoen zirkulazioa mugatzea dela helburua. Eremu horretan daude noranahikoak, baita kutsaduraren gainean Europan ezarrita dauden baldintzak betetzen ez dituzten beste auto mota asko ere.
Hartuko diren neurriak
- Kutsadura gehiengo orduetan noranahikoen zirkulazioa debekatu nahi da.
- Noranahikoen jabeei ukatu nahi zaie egoiliarrentzako aparkatzeko baimena.
- Hiriburuan babestutako eremuetan ere debekatu nahi dituzte; Bois de Boulogne-n eta Sena ibaiko bankuetan, esaterako.
Datuak
The Guardian egunkariak inkesta baten emaitzak argitaratu ditu. Inkesta horren arabera, noranahikoen 8 erabiltzailetatik batek bakarrik erabili du errepide malkartsuan. Eta 10 erabiltzailetatik seik atera dute noranahikoa hiritik.
The Guardian-ek dio Frantziara berandu iritsi zela noranahikoen moda, herrialdean nagusi diren auto enpresek (Renault, Peugeot eta Citroen) ez baituzte oraindik noranahikoak eskaintzen. Mercedes-Benz, BMW eta Porsche markek merkaturatutako modelo garestiak geroz eta gehiago ikusten dira Parisko kaleetan. Iaz % 11 igo zen noranahikoen salmenta Frantzian.
Erantzunak
Ni ere ezin igarrita nenbilen noranahiko hori. Erantzunaki ikusi aurretik hiztegietan-eta bila hasi naiz (hiztegia.net gunean 3000, elhuyar ...). Hiztegi batuaren atalean ageri zen baina ez zuen jartzen zer esan nahi duen. Orain erantzunetan irakurri berri dudanagatik gazteleraz todoterreno deitzen duten hori da noranahiko. Nik ez dakit nola deituko nuken, baina noranahiko desegokia ikusten dut. Aukera bat auto mota horrentzen izenik ez asmatzea da. Edo egokiago, mendirako auto. Izan ere, traste horiek ez dira nire ustez noranahi eramatekoak. Ez nago Pariseko erabaki horrekin guztiz bat, baina egia da traste horiekin mendiko bide makurrak gutxi zapaltzen dituzten jauntxo asko ibiltzen direla. Esan nahi da (Usabiagak esaten duen moduan), auto bereziak direla, leku berezietan ibili ahal izateko.
Beste kontu bat, 4x4 erabiltzea ekidin nahi al da? izan ere, ia beti batera badoaz ere, mendirako auto berezi horiek eta 4 tik 4 gurpiletan trazioa duten makinak ez dira beti gauza bera. Ezagutzen al tituzue 6x6 kamioiak. Aspaldi ez ditudala ikusi. Egia da, 4x4 ageri den lekuan, ez genukela lau bider lau irakurri behar. Inglesez ez dakit nola irakurtzen duten, baina Espainolez badauka zentzu apurra.
noranahi joatekoa izan eta zertan bidali behar duzu mendira? lehendik ere badu mendiak nahikoa gaitz noranahiko gehiago gabe. halako izena emanez gero berezkoa duela-eta ez ote da ba zaletasun hori areagotuko? 'noranahiko' hobeto, bana dezagun gurpilen arrastoa gehiago lurra urratu baino lehen. :)
aspaldian entzun nuen egia bikain bat, administrazioko mendi-teknikari bati entzuna:
todoterreno (noranahiko) horiek ez direla erabili behar kotxe normal bat erabili ezin daitekeen bideetan.
alegia, noranahikoak dira bide zailetan errazago ibiltzeko, baina kotxe normal batek ezingo balu mendi bide batean ibili (harritsua delako, gorabeheratsuegia, edo putzuz betea) todoterrenoak ere ez lirake hor erabili behar.
kotxeak (eta ondorioz, noranahikoak ere bai) ibiltzeko bideak egoki atonduak baitaude, eta atonduak ez daudenak ez baitira ibilgailuentzat, ez arrunt ez todoterreno.
(Mezu hau todoterrenoak dituztenentzat).
Ez dut ulertzen 'noranahiko' hitz horrekin dagoen eztabaida.
Niri behintzat ondo sortua iruditzen zait, eta erabilgarria.
"Berriak" ere horrela darabil, eta Google-n bilatuz gero, lehenengo emaitzetan bertan, Gipuzkoako, Bizkaiko eta Nafarroako aldundien aginduetan ere agertzen da.
Hiztegietan ez dela agertzen? Arrotza egiten zaigula?
Hori ez ote da gure errua izango?
Hitz horri buruz gas nobleek eguzkiaren azalean duten erreakzio kimikoei buruz besteko informazioa nuen.
Nola bizi ote nintzen hitz hori jakin gabe?
"lanrroberra" "tooterrenue" edo bestelakoekin moldatu naiz lagun artean. Ez zait tokatu ezer idaztea halakoei buruz eta beharbada orduan joko nukeen hiztegira, eta... "Noranahikoa" aurkituz gero, ziur ez nukeela bera bakarrik idatziko. Ez baitzait erruak inori aurpegiratzea gustatzen.
esango dute berriro sustatu "sasi-ilustrauen" gunea dela.
Edonola pozten naiz noranahikoak, nolanahi, sustatu berpiztu izana.
Ez, noranahikoak dira noranahi joan daitezkeelako (teknikoki, gaitasuna dute). Baina, horrek ez du esan nahi teknikoki aukera dugun noranahira (mendi bide taxutugabeetara, zelai libreetara, etab) joan gaitezkeenik traste horiekin, oso kaikuak ez bagara behintzat.
250eko abiaduran ibiltzeko gaitasun teknikoa duen kotxe batean 250eko abiaduran ibili ezin gaitezkeen bezalaxe, oso kaikuak ez bagara behintzat.
Ez zaki(n)at zer dela-eta asaldatu zareten hainbeste "noranahiko" hitza ez ulertzeagatik. Politikan burujabetasuna aldarrikatzen badugu, egin dezagun gauza bera hizkuntzarekin ere. "Noranahiko" hitza oso egokia duk/n eta ederto eratuta euskaratik bertatik abiatuta. Izan gaitezen serioak eta bazter ditzagun erdarekiko morrontzak. Gora Noranahikoa!, Gora Euskara askea!
Noranahikoa litzateke,noranahi doana,edonora joan daitekena.Egokia liteke bidean bizi denarentzat,hots,"karabana"koentzat edo halakoa.
4x4 ibilgailu motako hori azaldu beharrean bagaude,Zergatik ez 4x4? Ez al du Euskerak zenbakirik ala?
Honela nabarmenduko genuke auto honek ibiltzeko daukan ezaugarririk bereziena.Lauretan laurak,lauretatik laurek dutelako indarra.
Nik behintzat "noranahikoa" ikusterakoan "Bohemio" bezalako bidaria ulertu dut.
Esanahia hartuz.
Zer da noranahiko bat?