Bekatua da elizarentzat musika jaistea eta programa piratak erabiltzea, esaterako

Kalean da "hemen"; erlijio gogoetarako aldizkariaren bigarren alea. Gai hauxe dugu: Nazareteko Jesus orduan eta gaur. 100 orrialdetan gogoetak (Arregi, Pagola, Pikaza,...) lekukoak (Arantxa Urretabizkaia, Peio Ospital, Lorea Bilbao etab), jakingarriak eta liburu aipamenak azaltzen dira, euskara hutsean.



Bigarren zenbaki hau Andolin Eguzkitzari eskainia dator, hasiera hasieran izan zen eta aldizkari honen bultzatzaile.



Hona hemen Joxe Arregi zuzendariak aurkezpenean idatzitako atal batzuk:



Adiskidea, gaurko gure munduari bestelako etorkizuna urratzeko, gizartea eraldatzeko, Eliza berritzeko lagungarri izan daitekeelakoan eskaintzen dizu HEMENek Nazareteko Jesusen berri eta hari buruzko zenbait gogoeta(...).



Kristau beroa- bazara, ezpainak eta bihotza beteko dizkizu haren izenak. Eta jokabidea erakutsiko.



Baina kristau ez bazara ere, ez dezazula inolaz pentsa harengana alferrik hurbilduko zarenik. Eta ez dezazula inondik uste, dogma lehor eta mirari bitxi batzuetan sinestea denik harengan sinestea...;



Fran Kafkak: Argiz beteriko leizea da Kristo.



Albert Camus: Piztuerarik ez dut sinesten, baina Kristoren eta bere irakaspenaren aurrean sentitzen dudan hunkidura ezin dut gorde. Beraren eta bere historiaren aurrean, begirunea eta benerazioa besterik ez dut.



Jostein Gaarder: Jesus da niretzat historia osoan izan den filosofo moralik handiena.



Gure Berriak egingo ote deutso aipamenik zenbaki honi?



Hemen jartzen dogu hemen-ekoa, atzo sustatulariei galdu egin jaken biladua edo badaezpada. Aupa Sustatu!

kar kar kar!



Eskerrak Putz-ek utzi digun hutsunea Elizako jatorek betetzen diguten! jajajj mundiala! adibide garbia tripiak eta ostia santuak nahastek sortzen duena....



aX

Sustatu bezalako foro batean gutxieneko errespetuak ezinbesteko baldintza izan beharko luke. Nahiz eta jatorrizko iritziarekiko erabateko desadostasuna izan edo pentsakera edo ideologiaz beste era batera pentsatu, jatorrizko iritziak errespetua merezi du.



Kristaua naiz, baina mindu nauana ez da bere iritzia (??) izan, erabili duen tonua baizik.



Eta horixe da, errespetua, gizalegea, "errukariak" idatzi duenak inondik inora erakutsi ez duena. Eta halaxe adierazi nahi diot berak erakutsi ez duen gutxieneko gizalegetasunarekin.

Izan da hemen errespetu gutxiagoko erantzun eta iruzkinik. Ez behin edo birritan gainera.



Ez da motiboa irriz komentarioak egiteko, egia da, baina...



Albistea bera ongi irakurri eta komentario seriorik merezi duela uste duzu, ala? Eliza interes ekonomikoen zaku handi bat besterik ez da.



Lotsagarria da horrelako kontuei buruz iritzia (ala aginduak fededunentzat?) ematen aritzea, munduan "pekatu" handiagorik ez balego bezala. Batzutan badakite ba isiltzen!



Nola nahi duzu errespetuzko tonuan erantzutea?

Horixe da kontua: zertaz ari garen.



Nik neuk ere oso desegokia deritzot (nolabaiteko kalifikazioa ipintzearren) Sustatuk kaleratutako Eliza Katolikoaren agiriari. Kristaua izan arren, ez dut errotarriekin komulgatzen eta badut (edo saiatzen naiz bederen izaten) jarrera kritikoa azaltzen Elizarekiko.



Baina nik kritikatzen nuen komentarioa ez zihoan Sustatuk kaleratutako albistearen haritik, ondoren beste sustatuzale batek jarritako iruzkin baten inguruan, "Hemen" aldizkariaren inguruan. Irakurri berriro, eta konprobatuko duzu.



Edonola ere, iritzirik edo posizionamendurik okerrenak ere ez du merezi halako erantzunik. Eta horretan nire aurreko idazkian esandakoari eusten diot. Izan daiteke/gaitezke/behar dugu kritikoak, baina beti ere errespetuan eta gizalegean.

Beste Eliza bat ere bada.

Ez da erreza agiri bat labur laburrean emotea, baina beste gai batzuk ere badaukie tokia.

Hona zuzenbide interesgarri bat, gaztelaniaz, latinamerikatik datorkiguna. Izango ete dau sustatularien aipamenik? Hemen edo han!



Dana dala, aupa sustatu eta sustatuzaleak!



Zuzenbidea:

http://www.servicioskoinonia.org/

Baina... nik uste nuen duela urte eta piko Elizak esan zuela infernurik ez zegoela. Nahastuta nago, orain esistitzen da berriro ere?



Nolanahi ere argi dago bekatu larrienak, interneten ere, sexuari dagozkionak direla. Nahiz eta formak aldatu hondoan dagoenak, beti bezala, tinko dirau; larriagoa da kanpaia jotzea, langileak zapalduz aberastea baino

xxi. mendeko sustatutzaleak xix. mendeko elizarekin alkarrizketan...



Danok dotrinara berriro?



Non irakurri dozu hori, ba?



Aupa Sustatu!

Pekataria naiz, galanta gainera. Orain arteko nire pekatu-zerrenda luzeari (kanpaia jotzea, amari gezurra esatea, lagunaren andrea desiratzea...) gehiago gehitu zaizkio orain. Aitortzen dut, orrialde pornografikoak begiratzen ditut kanpaiari eragiten diodan bitartean, ahalik eta programa pirata gehien jaisten ditut, eta txatetan beti gezurrezko izena erabiltzen dut. Ez nau inork ez ezerk infernuaren garretatik libratuko...



... eta kokoteraino nago, elizaz, moralaz, eta nola eta zergatik bizi garen etengabe epaitzen duten horietaz. Egin beza bakoitzak berea, eta jaso beza bakoitzak dagokiona, zeruak eta infernuak ahaztuta. Eliza, kristauak, egin zuek nahi duzuena, baina utz gaitzazue besteok bakean, otoi.

Eliza katolikoko espainiar estatuko gotzaiek, Zapateroren gobernuak abortoari buruz eta ugalketa genetikoari buruz arautzeko zilegitasunik ez duela, adierazi dutela entzun dut.



Ez naiz Euskal Herriko ikuspegitik Zapateroren izaera demokratikoa defendatzen hasiko.



Baina Espainian inork horretaz arautu behar badu, eliza ote da zilegia?



nork aukeratu ditu apaizak?

eta gotzaiak?

gizartea arautzeko zein zilegitasun demokratiko dute?

zergatik ez dute alderdi katolikoa sortzen eta Rouco Varela for president kanpaina egiten?



Arazo txiki bat ikusten diet. Ezingo dituzte preserbatiboak banatu kanpainan....

Nik errespetu falta ez diot ikusten mezuari baina halaere ze errespetu mailaz eska dezake gizateriaren erdia infernura joango dela esaten duen elkarte anonimo batek??