Alfontso Martinez Lizarduikoa atxilotu dute

Hemen ikusten da espainiar demokraziaren neurria!! Ai ene! Noiz arte espainiarren menpe? Zer egin behar ote dute gu esnatu eta etorkizuna behingoz gure esku hartzeko?



Besarkada bat Aliziari eta Gaiak-eko kide guztiei. Animo!!!

Noiz arte? Espainiako poliziak Euskal Herrian lotsagabeki jokatzen du. Nahi dutena egiten dute, inori azalpenik eman gabe. Eta hemen ez da ezer gertatzen.



Euskal Herria pentsatzeagatik denok pasa behar al dugu komisaldegietatik? Geroz eta gutxiago falta gara... Nor izango da hurrengoa?



Egin, Ardi Beltza, Egunkaria, basque-red.net,... Eta aste honetan hau... etab. etab. etab.



Zer gehiago egin behar ote dute, maiz entzuten den ohiu hori "NAHIKOA DA! BAT GEHIAGO ERE EZ! ", ekintzetara bihurtzeko????



Muxu bat Aliziari eta semeari. ANIMO! TA EUTSI GOGOR!

Zer leporatzen diote?, ze frogekin?, zergaitik uste duzue errugabea dela? zergaitik hau ez litzateke gertatuko independienteak bagina?



Konspiranoiko gehiegi gure artean.

Ezer jakin gabe, barruko pena eta amorrazioa isilarazita, bi hitz ateratzen zaizkit: Animo Alfontso!

Eta dei bat Aliziari eta Gaiak argitaletxeko gainerakoei: behar duzuenerako deitu.

X.

Lehenengo eta behin ezagutzen dudalako....



Eta bestetik, erruduna izatea edo ez zertan datzan gaur egun oso desitxuratua dagoelako. Edo bestela, esan diezadakezu zeren erruduna den Iñaki Uria Egunkariakoa?



Konspiraziorik ez dut uste dagoenik. Oso agerikoa baita estatu espainolaren Euskal Herriaren aurkako erasoaren zentzua. Eta konspirazioak ezkutuko operazioak dira...



Paranoikoa ote naizen... Ez dut uste! Agian zu inoxentea zara eta oraindik Espainiako justizian sinisten duzu!! Horretan sinistea, Jainkoaren justizian sinistea baino gatxagoa iruditzen zait niri.



Bestela irakurri azken egunetako periodikoak...

Lotsa gutxi!!



Nondik atera haiz, 'hiheu'?



Nork ffrogatu behar dink zer? Salatzaileak errua ala salatuak errugabetsuna?



Hoa etorri haizen bidetik!!

Betiko lepotik burua. Gure haserrea, gure samina, gure ezintasuna... eta bitartean bertze euskal herritar bat poliziaren eskuetan, errugabea dela frogatu beharrean. Nola egiten da hori. Animo Alfontso, Alizia eta Gaiakeko jendea!

Ser kateak esan du Azkoyen aferan enpresaren eta ETAren arteko bitartekaritza lanak egiteagatik atxilotu dutela.

> Animo Alfonso eta senideok.

Animo Gaiak inguruan zabiltzatenok.

"Polizi iturriek" esaten dutenaren arabera, asko dira zerga-iraultzailea ordaintzen dutenak. Hori horrela bada, asko izango dira seguru bitartekari lana egiten dutenak (bestela Atutxari galdetu) eta orduan zergaitik eraman dute Alfonso? Beste arrazoi batzuegatik jarraitzen ibili direlako? Edo beste arrazoi batzuegatik? Edo Gaiak argitaletxearen inguruan dagoen guztiaren datu ahalik eta zehatzenak izateko?

Eta orain azkenengo galdera; zenbat erakunde, enpresa edo argitaletxe geratzen dira poliziak "ikutu" barik? Hurrengoa zein ote da?

> Eta txarrena ez da hurrengoan ere nahi dutena egingo dutela. Txarrena da, oraindik ere Euskal Herritar batzuk uste duzuela guzti hau paranoia dela.

>

Kaixo:

Alfontso Martinez Lizarduikoaren atxiloketa dela-eta, Gaiak argitaletxekoek, abokatuen aholkuz, ahalik eta Alfontsoren aldeko atxikimendu gehien biltzeko eskatu digute. Honekin batera, komunikatu txiki bat bidaltzen dizuegu. Ados baldin bazaudete, e-mailen bidez erantzun, mesedez. Lehenbailehen (6ak aldera komunikatua publiko egiteko asmoa dute). Abisua zuen lagunei errebotatzen baldin badiezue, hainbat hobe.
Lehenbailehen erantzungo duzuelakoan (abokatuek premia dagoela diote), laster arte:

Alfontso Martinez Lizarduikoaren atxiloketa dela-eta, agiri hau izenpetzen dugunok zera adierazi nahi dugu:

• Atxiloketa bera salatzen dugu. Martinez Lizarduikoa oso pertsona ezaguna da euskara eta euskal kulturaren alde egin duen eta egiten duen lanagatik. Lan hori normal-normal egiten du, egungo argiz eta leku jakin batzuetan, esaterako, Unibertsitatean bertan. Bestalde, aspaldi bizi da leku finko batean, bere familiarekin. Hitz gutxitan: zeharo txertatuta dago euskal gizartean. Beraz, Garzonek zerbait galdetu nahi bazion, deklaratzera deitu baino ez zuen. Martinez Lizarduikoak deialdi horri muzin egingo ziola pentsatzeko inolako arrazoirik ez zegoen eta ez dago.


• Atxiloketa egiteko modua ere salatu nahi dugu, atxiloketa baino gehiago bahiketa baten traza guztiak izan dituelako. Etxera iristear zegoela jarri dizkiote esku-burdinak, atarian, seguru asko balizko lekukoen begirada deserosoak saihesteko. Hala ere, auzokoen bidez andrea eta semea enteratu eta argibideak eskatzera joan dira. Eta, argibideak eman beharrean, atxiloketa burutu duten poliziak ihesi joan dira. Arestian esan bezala, atxiloketa baino gehiago bahiketa-itxura izan du.


• Zoritxarrez, eta hori ere salatu beharrean gara, modu hauek, tartean euskal herritarrak direlarik, ohiko dira Entzutegi Nazionalean, eta bereziki Bartasar Garzonen ekinbidean. Bada, ohiko diren arren, gu ez gara ohitzen, eta Alfontso Martinez Lizarduikoarekin eginiko bidegabekeria salatu nahi dugu.


• Azkenik, atxilotua lehenbailehen kalean, etxean edota Unibertsitatean behar dugula adierazi nahi dugu.

Nora bidali behar da atxikimendua?

Alfontso Martinez Lizarduiko UPV/EHUko irakasle eta euskaltzalearen
atxiloketa dela eta Udako Euskal Unibertsitateak (UEU), bere kezka eta,
aldi berean, bere salaketa helarazi nahi dio gizarteari. Alfontsoren
irakasle eta idazle lanak aski ezagunak dira, bereziki, euskal kulturan
eta euskaltzaleen artean. Azken aldiotako euskaltzale eta euskal
kulturaren aurkako jazarpenak direla eta, arrazoiak badaude egon
aztoraturik egoteko atxilotuak jasan dezakeen tratuaz inkomunikazio
aldian. Horiek guztiak direla, Alfontso eta sendiekiko elkartasuna
adierazi nahi dugu; bere askatasuna eskatzearekin batera euskalgintzaren
aurkako erasotzeari behin betiko uztea eskatzen dugu.

Bilbon 2004ko apirilaren 1ean

Udako Euskal Unibertsitatea

Hasteko, animoak eman nahi dizkiet Alfontso Martinez Lizarduikoaren gertukoei. Baita haren atxiloketaren albistearekin hunkitu diren guztiei ere. Oraintxe irakurri dut Garzonek espetxera inkomunikatuta bidali ote duen... Ez nau gehiegi harritu, berotu baizik.

Eta Alfontsoren izena eta izana zapaltzea nahikoa ez, eta Espainiako indar armatuak GAIAK argitaletxera, euskarazko liburuak ateratzen dituen beste etxe batera sartu ziren atzo. Oker ez banago, Alfontsok ez zuen bulegorik han. Ezta ardurarik ere. Zertarako sartu dira han, beraz? Euskal kulturaren aldeko ekintza ote hori ere?

Martinez Lizarduikoa inkomunikatuta espetxeratzeko agindu du Garzonek

> Nora bidali behar da atxikimendua?

>

>

hortikan galdetu det eta atxikimenduak helbide honetara bidaltzeko esan didate:

manso@gara.net

Logika eta Zientziaren Filosofia Saileko Kontseiluak, gaur goizeko 10:30etan
egindako bileran, honako erabaki hau hartu du Alfontso Martinez Lizarduikoa
irakasle doktorearen polizi-atxiloketa dela eta:

1. Iritzi publikoaren eta unibertsitate komunitatearen aurrean Alfontso
   Martinez Lizarduikoa irakasle doktorearen polizi-atxiloketa salatzen dugu.


2. Atxiloketa egiteko modua ere salatzen dugu, Espainiako ustezko poliziek
   "bahituta" eraman baitute, deliturik larriena egiten ari den gaizkilerik
   okerrena balitz bezala.


3. Alfontso Martinez Lizarduikoa irakasle doktorea berehala aske uzteko eta
   sail honetan duen irakaskuntz lanetara itzultzeko eskatzen dugu.


4. Espainian poliziak atxilotutakoak «noizbehinka baino maizago» torturatzen
   direnez, jakinarazten dugu Alfontso Martinez Lizarduikoa irakasle doktorea
   torturatzen badute, sailak horren kontrako neurriak hartu eta sustatuko
   dituela. Halaber, tortura praktikatzea ahalbidetzen dituzten lege berezi
   guztiak bertan behera uzteko eta atxilotuekiko poliziak duen jokabidea
   kontrolatzeko giza eskubideen aldeko erakundeek proposatutako neurriak
   indarrean jartzeko eskatzen dugu.


5. Alfontso Martinez Lizarduikoa irakasle doktoreari eta bere familiari gure
   babes handiena eskaintzen diogu eta bereziki nabarmendu nahi dugu Alfontsok
   euskararen alde, euskarazko unibertsitate irakaskuntzaren alde eta, oro har,
   euskal kulturaren alde egindako lana.


6. Filosofia eta hezkuntza Zientzien Fakultateko dekanoari eskatzen diogu
   fakultate ez-ohiko batzarra berehala biltzeko eskatzen diogu, Alfontso
   Martinez Lizarduikoa irakasle doktorearen atxiloketa gai bakartzat duela.


7. Filosofia eta hezkuntza Zientzien Fakultateko ate nagusiaren aurrean
   elkarretaratzea deitzen dugu gaur eguerdiko 12etan, honakoak eskatuz:
   "Alfontso askatu!", "Alfontso klasera!", "Torturarik ez!"

LOGIKA ETA ZIENTZIAREN FILOSOFIA SAILA (UPV-EHU)

Donostian, 2004ko apirilaren 1ean

Ezer baino lehen, eskerrik asko Gaiak argitaletxekoen partetik, atzo egin zuten premiazko deialdiari primeran erantzun zenutelako. Hiruzpalau orduren buruan Alfontsoren aldeko berrehun sinadura baino gehiago bildu zituzten.

Gaurkoan, berriz, beste pauso bat eman dezagula eskatu nahi digute. Bihar –hilak 3–, ordubatean, Donostiako Artzai Onaren aurrean, "Alfontso etxera, euskal kultura askatu" lemapean, agerraldi publikoa egiteko asmoa dute. Gonbidatuta gaude, jakina.