Por fin EGA baino lehen, tituloa

Atzo, hilak 30, aurkeztu zuten prentsa aurrean HABEren kreditazio sistema berria euskara maila egiaztatzeko. EGAk baino hizkuntz eskakizun txikiagoa izango duten beste bi agiri eskainiko dizkie HABEk euskara ikasleei; 1. eta 2. mailako egiaztagiriak izango dira. Agiri horiek Administrazioan erabiltzen diren hizkuntz eskakizunen parekoak izateko bidea lantzen ari dira Jaurlaritzako Kultura Sailean.

Matrikulagatik ordaindutako erdia berreskuratzeko aukera

HABEn euskara ikasten ari direnek matrikulagatik ordaindutakoaren erdia berreskuratu ahal izango dute bi ziurtagirietakoren bat lortuz gero.

• Azterketa egiteko baldintzak: Lehen mailako azterketara aurkezteko, ikasturte honetan 6. urratsa gainditua izatea; bigarren mailarako, 9. urratsa edo alfabetatzeko 1. maila gainditua izatea.


• Izena ematea: Apirilaren 26tik maiatzaren 5era, biak barne egin behar da. Horretarako, www.habe.org webgunea erabili.


• Prezioa: 12 euro maila bakoitzeko.


• Azterketak: Ahozkoa, ekainaren lehen hamabostaldian; lehen mailako idatzia, ekainaren 18an eta bigarren mailakoa, 19an.

  Informazio gehiago duzue gaurko Berrian.

  
  

>
> * Azterketa egiteko baldintzak: Lehen mailako azterketara aurkezteko, ikasturte honetan 6. urratsa gainditua izatea; bigarren mailarako, 9. urratsa edo alfabetatzeko 1. maila gainditua izatea.

Adibide bat: Ikasle bat euskara ikasi eta ikasi heldu zen aspalditxo EGAra. EGA prestatzeko talde batean sartu zen orain dela hiru urte. Ezin du, oso zail egiten zaio. Orain bi urte ahozkoraino heldu zen; iaz, ordea, atarikoa penkatu zuen.

Atzo telebista ikustean ikaragarri poztu zen, EGA ez bada, bigarren mailako agiria izango du! Baina ez. Aurten EGA prestatzeko talde batean matrikulatuta dago, eta bigarren mailako azterketa egiteko bigarren mailan matrikulatuta egon behar da. Ez duzue ulertzen? Nik ere ez.

Ez, oraindik ez dira baliokideak, hori nahi dute lortu. Baina atzo Azkuek esan zuena entzunez gero bazirudien hori guztiori tramitatuta eta onartuta zegoela.

Beste alde batetik, matrikularen erdia itzuliko zaie, euskaltegi homologatu eta pribatuetako ikasleei baino ez . Gainera, zein matrikula itzuliko zaie, azken urtekoa ala euren ikas-prozesu osokoak?

Tarteko tituluak benetan konpontzen al du arazoa?



Udaltzain batek EGAren maila izan behar luke.

GUTXIENEZ.



ORain EGA eskatzne den toki askotan ez al dira eskaera-mailak jaitsiko?



Hizkuntz-eskakizunek pareko titulu bat edukitzeari ongi deritzot, baina beldur naiz eskaeren maila jaistea ekarriko ez ote duen.

Aurrikusi al dute titulu horien iraungitasuna? Ala nazioartean parekorik ez duten hizkuntza gaitasunok (uren izaera pobreagaitik, diogu) betirako izango dira?

Ez naiz hasiko eztabaidatzen jendea esaminak egitera "animatze" hori ondo ala gaizki iruditzen zaidan. Esamina gainditzearen truke matrikularen erdia bueltatze horri txantaje usaina hartzen diodan ala ez. Beste bat da nere kezka. Behe mailako esaminak egiteak batzuei ekar diezazkiekeen onurak ez dit axola. Baina, noiz kezkatu behar dugu jendeari euskaraz ondo irakasten? Lotsagarria da, nire ustez, hain laguntza gutxi ematea euskaraz ikasi nahi duen jendeari, borondate osoz bizitza erdia euskaltegian pasatzen duten horiei. Lotsagarri da hainbeste ordu eta nekeren ondoren EGA aprobatzeko mailarik ere ez izatea. Noiz eskaini behar diegu merezi duten formazioa eta irakaskuntza? Noiz hartuko dugu serio herri hau euskalduntzearen erronka?

>

>

> Udaltzain batek EGAren maila izan behar luke.

> GUTXIENEZ.

>



EGA zein zaila den jakingo bazenu, ez zenuke horrelakorik esango. Euskaldunberri batentzat oso zaila da EGA lortzea. Lan izugarria eginda, askok ez dute ateratzen. Tontoak izango dira edo ez aski saiatuak (nahiz egunean 2-5 ordu joan euskaltegira, euskaltegian dabiltzanak euskal telebistaren ikusleriaren %65 edo gehiago izan, eta idazleren batek beraiei esker dirua ere egin duen).



GUTXIENEZ horrek, bestalde, erakusten du zure talantea, oso exijentea, besteekin behintzat.





Euskalduberriari berea aitortu behar zaio, eta EGAk ez du egiten. Erdi titulo horiek egin dezatela, bada. Eta, bide batez, euskaltegiek izan dezatela orain arte Hizkuntz Eskola Ofizialak bakarrik izan duen eskubidea, alegia, beren ikasleei titulu bat emateko aukera.

> Euskaldunberri batentzat oso zaila da EGA lortzea. Lan izugarria eginda, askok ez dute ateratzen. Tontoak izango dira edo ez aski saiatuak (nahiz egunean 2-5 ordu joan euskaltegira, euskaltegian dabiltzanak euskal telebistaren ikusleriaren %65 edo gehiago izan, eta idazleren batek beraiei esker dirua ere egin duen).



Ez dut ukatzen euskaldunberri batentzat oso zaila denik EGA ateratzea, baina euskaldunzahar askok beren hizkuntzarekiko duten utzikeriaren ondorioz ez dute lortzen titulu hori. Eta "betiko" euskaldunak direla eta paper zahar horrek ez duela batere balio etab. esanez dabiltzan askok gabezia hori ezkutatu nahi dute horrekin. Badirudi hemen EGA ez edukitzeak harrotzeko arrazoi bat gehiago ematen diola euskaldunzahar askori (antzeko zerbait gertatzen da irakurzaletasunarekin, adibidez).



Ez dut uste EGA egin daitekeen azterketarik egokiena denik. Baina dagoena da. EGA gainditu eta euskaraz hitz egiteko gai ez den jende asko (edo, gainditu eta euskaraz behar bezala idazki bat aurkezteko gai ez den jende asko) ezagutzen dut. Irakasleetatik hasi eta kazetarietara. Alor guztietan.



EGAk berak (dagoena izanda, besterik ez dugu) jendearen alfabetatzea bermatzen ez badu, EGA baino maila txikiagoko tituluekin, edo are gehiago, titulurik esaktu gabe, nola berma genezake jendearen euskara-maila udaltzain abtek behar lukeenaren parekoa izatea?



Udaltzainek eta jendearekin harreman zuzena duten langile guztiek (lanpostu publikoetan behintzat) EGAren maila izan behar lukete, berriz diot, GUTXIENEZ.



Oharra: exijentea naiz, bai, nirekin ere hala direlako beste tokietan (ala Erresuma batuko postu publiko batean hartuko naute behar adinako ingelera-maialrik gabe? Edo Frantzian, Italian, Katalunian....)

Atzi erantzuteko gogoz geratu nintzen. Euskaltegian lana pilatzen zaigu, HABEk ez duelako kontuan hartu honek euskaltegiei ekar diezaiekeen lan "extra". Baina hori ez duzu jakin. Agian galdera batzuen bitartez hobeto azalduko dut.

* Jakin duzu Helduen Euskalduntze Sailaren %90 baino gejiagok ez zuela nahi proposatzen duten eredu hau aurten aplikatzea? Hobeto ikusten zen datorren urtean hastea eta aurten esperientzia "piloto" moduko batzuk egin eta sor daitezkeen araoei ganoraz aurre egin, datorren urtean arazorik ez izateko.

* Jakin duzu urtetan AEKren (behintzat, beste batzuena ere bai, seguruen. Baina ez Eusko Jaurlatzirlarena) aldarrikapena izan dela tarteko mailetako aitortza sistema hori jartzea ? Nik neuk AEKn 13 urte eman ditut gaur arte eta sartu nintzenetik entzun dut hori. Beraz, HABEri zorionak ematea gehiegitxo iruditzen zait, astakeria bat ez esateagatik, beraiek egin eta egin izan diguten kasuagatik.

* Jakin duzu iaz 6. urratsa gaindituta, horrek ez dizula aurten ezertarako balio ? Datorren urtera arte itxaron behar zure maila egiaztatzeko.

* Jakin duzu, arlo ekonomiko orokorrari begiratuta, Euskararentzat dagoen diru partidatik aterako direla ikasleentzako laguntza horiek eta euren asmoa dela laguntza horiek igo eta euskaltegientzat "de facto" dirulaguntza gutxiago egongo dela ? Horrek epe ertainera, laburrera ez bada, matrikula prezioa igotzera behartuko ditu euskaltegiak, ezinbestean, bizi-irauteko. Beraiek honi buruz eman zituzten irtenbideak horiexek izan ziren: igo egizue matrikularen prezioa. Euskerak berak berdin die.

* Jakin duzu dirulaguntza publiko horiek emango direla azterketa batean ateratzen duzun nota madarikatu baten arabera ? Egindako esfortzuak ez du ezertarako balio. Gaueko 8etatik 10ak arte 3-4 urte eman eta gero, lana amaitu ostean, neke-neke eginda, edo agian langabezian !, azterketa batek esan ahal dizu ez daukazula mailarik dirua eskuratzeko. Eta urte horretan bertan hasi den gaztetxo batek, ahaleginik gabe ( ikasteko ohitura ez duelako galdu, azterketak egiten ohituta dagoelako ...) gaindituko du. Horrek ikasleak etikoki ez ditu maila diferentetan kokatzen: lehengo eta bigarren mailako ikasleak ??!!



Beno, uste dut luzatzeaz gain, apur bat berotu naizela baina txarulertzerik ez egotea nahi dut edo behintzat, esan beharreko hau plazaratu nahi nuen. Ez pentsatu faborerik egiten dutenik eta eta zaitezte azalean geratu: Ahalik eta sakonen aztertu eta pentsatu ondo eafaborea ala txantajea egiten duten.

Nik halako zerbait espero nuen, hainbat lanpostutan ezartzen ari diren hizkuntz-eskakizunak direla eta. Osakidetzan adibidez, Hizkuntz-eskakizunetarako azterketak egin dituzte, pertsonal fijo eta interinoentzat, etorkizun batetan eskatuko direlako. Besteok, behin-behineko langileok, beste alde batetik bilatu behar dugu agiri hori, eta HABEren azterketa berriak hutsune hori beteko du.

Nire kezka zera da, Osakidetzan, orain arte, puntuazio gorena EGA zen (oposizio eta zerrendetan); gaurtik aurrera 2. Hizkuntz-Eskakizuna izango da (EGA baino gutxiago), beraz Administrazioari ez dio axola langileek euskaraz ongi jakitea, zertxobait jakitea baizik, eta inork ez du gehiago ikasiko, ez du puntu gehiago lortuko eta.

Ez dut ezertxo ere ulertzen.

Hau guztiau osasun pertsonalari buruzkoa da (Mediku, Erizain, Erizain-laguntzaile...). Ekonomista, abokatu baten puntuazio gorena 3. edo 4. Hizkuntz-Eskakizuna izango da (EGA edo gehiago).

Inork ulertzen al du?

* Diozun guztian arrazoia duzu, baina bada besterik: Non geratuko dira "prozesuan eta ez produktuan" oinarritutako ikas/irakaskuntza, kalitatea eta halakoak?



* Eta, jakina, denok nahi genuen gauzak ondo pentsatu eta ganoraz hausnartu eta antolatu ostean, azterketa eta tarteko tituluei ekitea, adibidez datorren urtean. Baina batzuk aspalditik dakigunez, HABEko hauek ez dira gauza lehenengoan ezer ondo egiteko.

> * Diozun guztian arrazoia duzu, baina bada besterik: Non geratuko dira "prozesuan eta ez produktuan" oinarritutako ikas/irakaskuntza, kalitatea eta halakoak?



Nire ustez euskaltegiei dagokie horiek guztiak garatzea. HABEk lagundu egin behar du, baina euskaltegien ardura da lehenik.

> Jakin duzu urtetan AEKren (behintzat, beste batzuena ere bai, seguruen. Baina ez Eusko Jaurlatzirlarena) aldarrikapena izan dela tarteko mailetako aitortza sistema hori jartzea ?



> * Jakin duzu dirulaguntza publiko horiek emango direla azterketa batean ateratzen duzun nota madarikatu baten arabera ?



Ados nago bota dituzun zenbait konturekin, are gehiago uste dut ematen ari den informazioa ere ez dela batere zuzena. Guztiz nahasgarria izaten ari da orain arte. Ez badira ezeren baliokide zertarako egin halako azterketak? Dirulaguntza eskuratzeko soilik?



Bestalde, Apaizarena, galdera xume bat egin nahi dizut. Urtetako aldarrikapena izan bada tarteko mailetako aitortzarena zergatik diozu azterketa madarikatuarena?



Euskara ikasten inongo "prisarik" ez motibaziorik gabe dauden askorentzako honako hau (ERE) akuilu izan liteke, ezta?

Motibazio mota bat baino gehiago dago, jakingo duzunez. Gauzak horrela, Eusko Jaurlatxirlak egin izan duena zera da: txantaje ekonomikoa. Dirua nahi baduzu, azterketa gainditu behar. Ez dute kontuan hartu zer esfortzu zer oztoporekin egiten duten topo ikasleek euskara ikasteko orduan. Are gehiago, gure herriaren hizkuntza (suposatzen) dena ikasteagatik ez litzateke ezer ordaindu behar. Ahoa betetzen zaie Herrien Eskubideez berbaz eta gero ekintzekin ez dute ezer erakusten.



Dena dago lotuta. Batzuetan politika baino ez da. PPri Espainian leporatzen diotena egiten dute, kasu honetan, Euskal Herrian: inoren adostasuna lortu gabe ( gogorarazi behar diuzt Helduan Euskaldutze Alfabetatzearen %90etik gora aurten martxan jartzearen kontra zegoela) DEKRETAZO !



Galderari erantzun nahian, azterketa madarikatua diot, ez dituztelako azterketa eta dirua banatzen. Dena delako bat eta hori ez da aldarrikatzen zena. Bestetik, eurentzako "domina" moduan saldu da kontua, gezurra denean, aspertu izan garelako hamaika batzarretan kontua aipatzeaz. Datu bat: hamaika konturen artean 1995eko abenduan, Irakasle eskola eta titulu hauen aitortza eskatu zitzaien. Ederto ! 9 urte baino ez dira pasa. Eta hori diotsut ni gurpil honen barruan nagoenetik ( 13 urte ).



Amaitzeko, akuilua ikasten ez dutenentzat. Hainbat funtzionariori, matrikula ordaintzeaz gain, liberazioak ere ematen zaizkie. Horren gaineko datuak, benetan, negargarriak dira. Oker ez banago, guztien %10rek baino ez du lortzen eskatutako maila. Zenbat diru gastatu da horretan eta zenbat urte pasatu da ? Zergatik ez dago hizkuntz politikan aldaketaik, ikusita bide honek ez duela behar bezalako fruiturik eman ? Zelan motibatu behar da jendea ? Benetan Euskal Herri Euskalduna lortzen ahalegintzen ez, limosnak emanez.

> Motibazio mota bat baino gehiago dago, jakingo duzunez. Gauzak horrela, Eusko Jaurlatxirlak egin izan duena zera da: txantaje ekonomikoa. Dirua nahi baduzu, azterketa gainditu behar. Ez dute kontuan hartu zer esfortzu zer oztoporekin egiten duten topo ikasleek euskara ikasteko orduan.



>Are gehiago, gure herriaren hizkuntza (suposatzen) dena ikasteagatik ez litzateke ezer ordaindu behar. -->

-->ADOS!!!!!!!



Euskalduna naiz, eta hala naizenez axola zaidana euskararen erabilera zabaltzea da. Azterketa gaindituz gero matrikularen erdia itzuliko dutela? Ez dut uste hori txantaje ekonomikoa denik, ez nituzke hain hitz kontundenteak erabiliko, ez dakizu-eta zein asmorekin plazaratu duten "tratu" hori. Behar bada asmo ekonomikoa izango da, edo euskara sustatzekoarena.



"Tratu" horrek jendea azterketa egitera animatzen badu primeran, ez? Ez dakit nolako maila ematen duten agiri horiek, baina zerbait zerbait da, eta beti ere oso onuragarria izango da euskararen ezagutzarentzako. Ez al dugu hori nahi euskaldun guztiok?



Agiriei buruz... nik ez nituzke beste agiri horiek jarriko, EGAko titulua izan beharko litzateke bakarra (nahiz eta frogak aldatuko nituzkeen, idatzizkoari garrantzi gehiago emanez). Nire ama hizkuntza euskara da, eta beraz, ez dakit euskaltegietan igarotako denbora eta bertan utzitako esfortzua ikaragarria izan daitekeela, baina nik ere esfortzu handia egin beharko dut beste hizkuntza bat ikasteko. Hori bakoitzaren borondate eta gaitasunaren arabera dago. Baina agiriren bat lortuta euskara maila baten konfirmazioa izanik, eta horrek lanpostuak lortzeko balio izateak, jendea bertan geratuko litzateke, "agiria atera dut, euskara nahikoa badakit lanpostua lortzeko, zertarako gehiago ikasi?". EGAra euskaldunberri gutxiago iritsiko lirateke eta beraz jende gutxiagok hitzegingo luke euskara garbi eta egokia. (EGAk ematen du maila egokia, tarteko agiriek erdipurdiko euskara maila emango lukete, ala ez?) Ez dakit nik ba....zeharo nahastuta nago!



Ea, laburbilduz...: Ez zait ondo iruditzen tarteko agiri horiek jartzea. Baina hala denez, ba behintzat jendea motibatzeko balio du (nola edo hala) eta... zer egingo diogu!



Muxu bat danoi!