Teknologia albisteak

Bagle.q birusak artxibo erantsirik gabe kutsatzen du

Sustatu - Sustatu

2004-03-23 : 10:03

Bagle.q izena jarri diote Bagle zomorroaren bertsio berriari. Internet Explorer-en zulo batetaz baliatzen da, zizarea saretik deskargatzeko. Artxibo erantsirik gabe iristen da posta elektronikora eta mezua zabaldutakoan automatikoki jaisten du birusa saretik.

Mezuak hiperesteka bat du corpusean eta e-posta irekitakoan Internetetik fitxategi bat deskargatzen du, sistemako artxiboak kutsatzeko gai dena. Horretarako, Outlook-en Object Tag zuloa erabiltzen du. Hauek dira birusaren ezaugarri nagusiak:

SMTP (Simple Mail Transfer Protocol) motor propioa du mezuak bidaltzeko.
Explorerren zulo bat aprobetxatzen du zizarea deskargatzeko, artxibo bat erantsi beharrik gabe.
Kutsatutako sistemak dituen helbide elektronikoak jasotzen ditu.
Bidaltzailearen helbidea faltsifikatuta dago.
Bere buruaren kopiak egiten ditu "shar" karakterezko kateak dituzten direktorioetan, fitxategien trukaketak egiten diren aplikazioetan; KaZaa, Bearshare eta Limewire modukoetan, hain zuzen ere.
Fitxategiak kutsatzeko gaitasuna du, Bagle-n aurreko bertsioek ez bezala.

Bagle.q zizarearen gaineko informazio gehiago.