"Acercandoelmundo" webgunea jada euskaraz, mundua hurbilduz
Orain dala hilabete bi, Sustatuk Eneko Etxebarrieta eta Miyuki Okaberen proiektuaren barri emon euskun, Munduko Itzulia tandemez egin behar dabela, webgunea deukiela... Hilabete bi geroago acercandoelmundo.com euskaraz be irakurri dezakegu.
Sustatuk ilbaltzaren (urtarrilaren)12an argitaratutakoak oihartzuna eduki dau eta, hilabete bi geroaxeago, acercandoelmundo.com euskaraz be posiblea da irakurtzea eta Eneko eta Miyukiren nondik-norakoak jakitea. Dana dan, euskarazko bertsinoa guztiz osatu barik dago, eta hainbat atal oraindino erdaraz agertzen dira.
Jakingo dozuenez, datorren bagilan (ekainean) abiatzekoak dira barriro be Munduko Itzulia egitera. Oraingo honetan biok batera tandemez. Webguneaz baliatuko dira han inguruan bizi izango dituzten esperientziak kontatzeko, beharbada bideo formatoak be erabiliz. Baina horretaz gain, kultur proiektu bat lantzen dabilz ikastoletan eta ikastetxeetan erabiltekoa, umeei kultur arteko ezaugarriak jakinarazteko, heziketa aberats eta xenofobia eta arrazismoatik at garatuko dabena.
Interesatuok badakizue nora jo.
Erantzunak
Beti berdin, hitz jario politak hemendik eta handik urtero, baina azkenean kaka!
Benetako konpromisoa duenak ez du zertan prentsaurreko eskaini beharrik berau agertzeko, pentsatzen duena betetzeko bidea egin besterik ez du. Hor azaldu diren klub eta enpresen artean badira batzuk oraindik ere ikastetxeekin harremanetan jartzeko erdara erabiltzen dutenak naiz idatziz naiz ahoz, hauek ez al dira enteratu ikasleen gehiengoak D ereduan ikasten dutela?
Niri jada talde hauen konpromisoak ez dit ezertarako balio, gezurretan hari dira eta hauetan handienak futbol taldeak (eredugarriak izan behar eta eskasenak izan).
Atzo sinatu zuten konpromisoren bat Kontseiluak eta kirol talde zenbaitek (informazioa Berrian ). Besteak beste, nabarmendu du Kontseiluak ahaleginak egin dituztela klubek euskararen normalizazioaren bidean "beren webguneetan".
Klub edo enpresa hauetako jendea egon omen ziren: Athletic Club, Real Sociedad, Aspe, Bera-Bera rugby taldea, Baskonia, Euskaltel-Euskadi, CD Bidasoa, Bilbao Basket, SDS Eibar eta CD Amurrio.
Kluben ondoren, orain, ea kirolariei ere tokatzen zaien. Hor ditugu, adibidez, Joseba Etxeberria eta Josune Bereziartu, biak webgunearekin, biak puntu-com propioarekin, eta biak gaztelania hutsez: