"Komunikazioaren Gidaliburua", edizio berria
Berrargitaratu berri du Eusko Jaurlaritzak "Komunikazioaren Gidaliburua". Berde kolorekoa da aurtengoa, kuaderno itxurakoa antzekoa. Erabilerraza den aurkibide zenbakiduna dauka. Gainera, EAE-ren gaineko informazioa jasotzen duen CDa dakar.
Eusko Jaurlaritzak 1986 argitaratu zuen lehenengoz gidaliburua. Ordudanik, hainbat aldiz berrargitaratu da; itxura ere aldatu du. Edizioak beraien artean ezberdintzeko edota bereizteko, diseinu aldaketak izaten ditu gidaliburuak.
Gidaliburuaren aurkibidea:
- Eusko Jaurlaritza eta Elkarte Publikoak.
- Legebiltzar Ordezkariak.
- Foru Aldundiak eta Batzar Nagusiak.
- Udalak.
- Zuzentza Administrazioa.
- Gobernu Zentralaren Ordezkaritza eta Ordezkariordetzak.
- Konfesio Erlijiosoak.
- Hezkuntza eta Unibertsitateak.
- Legebiltzarretan Ordezkaritza duten Alderdi Politikoak.
- Giza-ekonomia eta Lan mundua eta Merkataritza Ganbarak, Hiri-jabegoaren ganbara ofizialak, erakustazoka, Bilboko balore-azoka.
- Komunikabideak, Marketing eta Publizitate bulegoak.
- Kontsulatuak.
- Kultura.
- Elkarte Profesionalak.
Gidaliburua Euskadi.net webgunean ere kontsultatu daiteke. Sarean asteroko eguneratzen da gida.
"Euskadi" CDa
CD formatuan, Euskal Autonomi Erkidegoaren gaineko informazioa batzen du gidaliburuak. EAEko erakundeen, ekonomiaren, gizartearen eta kulturaren egoeran gaineko eduki anitza jasotzen da. Bestalde, Eusko Jaurlaritzaren inguruko informazioa ere jasotzen du.
CDaren aurkezpena ikusteko sistemaren beharrezko eskakizunak: S.O. Windows 98 2. edizioa; bistaratzeko behar den konfigurazioa: 800 X 600 pixel; 300 Mhz prozesadorea; 8 Mb Txartel grafikoa; soinu txartela; 64Mb RAM; 24X CdRom irakurlea.
Erantzunak
Eskatu nahi baduzu, hiru aukera dituzu, baina eskaria egin Joseba García Bengoetxeari, bera baita Prentsa eta Komunikazio idazkari nagusia Lehendakaritzan, Eusko Jaurlaritzan.
- Telefonoa: 945 01 80 56 / 58
- Faxa: 945 01 78 34
- e-posta: docu_lehend@ej-gv.es
Nik ere jaso dut Komunikazioaren Gidaliburua, eta inoiz aurretik esan dudan bezala, iruditzen zait erreminta bat dela, komunikazioaren ikuspegitik ezinbestekoa edozein erakundetan.
Aurtengo argitalpenak, ordea, erantzun gazi-gozoa eragin dit. Ondo antolatuta dago, erabilerraza da, baina kale egin du tipografiarekin.
Tipografia eskasa
- Aurrekoan bezala, aukeratu dute letra borobil bat, futura tankerakoa, baina larregi trinkotu dute, erabat zatartzeraino letratipoa bera.
- Lerroartea oso txikia da, eta kontuan hartuta futura estiloko letratipo honek zein luzeak dituen letragainak, bada lerroak ia elkar ukitzen daude.
- Aurten letra larriz idatzi dituzte hedabide edo erakundeen izenak, eta honek, jakina, oztopatu egiten du irakurketa.
- Horregatik, niri behintzat, dezente zailagoa egiten zait aurtengo argitalpena irakurtzea. Erabat itsusitu dute, eta zaildu.
- Horrezaz gain, testu apur bat luzeak erabili dituztenean zerbait azaltzeko CD Euskadi edo Komunikazioaren Liburua bera, aukeratu dutenean letra urdinak erabiltzea fondo berdean, ez da piperrik ere irakurtzen. Euskarazko testurik luzeena, horrela doa, gainera.
Argitalpen digital gutxi
Bigarren puntu batek ere harridura eragin dit: zein argitalpen digital gutxi agertzen diren Komunikazioaren Gidaliburuan, 13 baino ez. Ez dakit den jendeak jakinarazi ez dielako edo zergatik, baina hor oso ordezkaritza pobrea ikusi dut. Hauek agertzen dira:
- @euskadi
- Basque Research
- Divulc@t
- Goiena.net
- Kaixo Internet
- Lauhaizetara.net
- Proyección.TV
- Sustatu.com
- Uribe Kosta Digitala
- Uztarria.com
- Zernola.net
- Zientzia.net
Labur-labur esateko, Komunikazinoaren Gidaliburua niri itzel gustau jat eta gure eguneroko zereginetarako tresna erabilgarria izateaz ganera, diseinuaren aldetik be ahalegin handia egin dabela pentsetan dot.
Beste kontu bat: badaezpada, Sustatuzaleek jakin dagien, argitalpen digitalen atalean, bizkaiera hutsean Interneten dagoan aldizkari bakarra be badago 13ko zerrenda horretan.
> Beste kontu bat: badaezpada, Sustatuzaleek jakin dagien, argitalpen digitalen atalean, bizkaiera hutsean Interneten dagoan aldizkari bakarra be badago 13ko zerrenda horretan.
Egia da, Koldo. Barka diezadatela Bizkaie! webguneko kideek, izen hau itzuri egin zitzaidan eta. Zuri, berriz, mila esker okerra zuzentzearren.
Paperezko edizioa liburudendetan salgai dago edota nonbaiten eskatu behar da?