Konpromisoaren eta elkarlanaren aldeko deia Bai Euskarari Ziurtagiriaren ekitaldian

Izugarria egiten ari zareten lana, urtea joan eta etorri, enpresekin eta. Bada ordua enpresetan-eta euskara kontuan hartu eta erabiltzen hasteko! gure nagusi drogosoak euskararekiko bla,bla,bla-tik haratago joateko asmorik balu...

hori dun eta! Zorionak Kontseiluari egiten ari den lanarengatik. Egunkariaren aurkako erasoaren ondoren esan zenuten ekimen iraunkorrak behar direla, eta hau da adibide benetazkoa. Euskarak bere tokia hartzeko EGINez eta EKINez saiatzen dira batzuk, politikari inpresentable askoren lotsarako (Azkarate eta konpainia).

Merkataritza alorrean euskaraz zerbitzatuak izateko eskubidea dugula esan eta jaso dituzten kritiken aurrean atzera egin duten horiek, badute zer ikasia!

Benetakoak al dira konpromiso horiek? Hainbeste entitatek hainbeste konpromiso betetzen ari direla sinistekoa al da? Benetan kontrolatzen ditu Kontseiluak konpromiso horiek? Ez al dizuete ziria sartzen? Hamaika aldiz ikusi ditugu enpresa eta dendariak hitzarmenak sinatzen eta ez betetzen. Orain ez al zaizue horrelakorik gertatzen?



Hori bai, ziurtagiriaren irudia oso polita, erraz ikusten da eta ondo asmatuta dago hiru mailen historia: "bidean", "zerbitzua euskaraz" eta "lana eta zerbitzua euskaraz". Alde horretatik zorionak, baina goiko zalantzak argitzea nahi nuke. Norbaitek ba al daki nori galdetu behar zaion?

Kontseiluaren helbidea kontseilua@kontseilua.org da eta web orria www.kontseilua.org



Idazten baldin badiezu erantzuten dizute. Nik egin izan dut. Baina nahiago nuke Kontseiluak hemen erantzungo balizu, askok baitauzkagu antzeko zalantzak.



Amaia

nik uste halakorik izango dela, baina kontua beste bat da. Herritar guztiok ohartu behar dugu euskarak bere tokia behar duela egunerokoan, normala dela enpresek beren zerbitzuak euskaraz ematea eta exijitu ahal dugula. Exijentzia horrek normal normala behar du izan. Bestela, eskubideak paperetan baino aitortzen ez zaien bigarren mailako herritarrak izaten jarraituko dugu euskaldunok.

Euskara eskubidea denaz ondo jabetzean, ziria sartzeko gogo gutxi geratuko zaio edozein enpresa edo agintariri.

Gure kasuan, gure enpresan, konpromiso horiek betetzen ari gara. Orain dela 2 urte pasatxo lortu genuen ziurtagiriaren Bidean maila eta orain Zerbitzuarena daukagu. Eta lortu dugu, gurean inplikazio maila altua dagoelako, zuzendaritzarena, langile komitearena eta langileona.



Urtero hartzen ditugun konpromisoak betetzen ditugu. Agian gutxi izango dira, baina benetakoak eta Kontseilukoak etortzen direnean gertutik ikusten dute, beraiek eskatzen digutelako, ahal dela,egiten duguna ondo dokumentatzeko.



Bestalde, egia da irudia erakargarria dela, baina oso gutxi ikusten da oraindik ere... Gure enpresa orain dela hilabete gutxi batzuk hasi da erabiltzen (nahiz eta duela 2 urte lortu). Hori da aurtengorako hartu dugu konpromisoetako bat.



T. Belaki

Jode hi: zergaitik baztertzen dituk kritikak edo zalantzak -bidezkoak- "kontua beste bat da" bezalako "koletillekin"?. Nork erabakitzen du "kontua zein den"? Hik?

> Jode hi: zergaitik baztertzen dituk kritikak edo zalantzak -bidezkoak- "kontua beste bat da" bezalako "koletillekin"?. Nork erabakitzen du "kontua zein den"? Hik?



Lasai. Barkatu hala ulertu baduzu, ez zen nire asmoa. oraingoz, horrek hainbesteko garrantzirik ez duela adierazi nahi nuen, besterik gabe.

Foro honetako aurreko mezu batean, Bai Euskarari Ziurtagiria duten gizarte eragileek hartutako konpromisoak betetzen ote diren galdetzen zuen Mikel Alvarezek, eta hari erantzutera dator honako hau, oso azaletik bada ere.





Bai Euskarari Ziurtagiria eskuratu asmoz, enpresa edota erakunderen batek Kontseilura jotzen duenean edo Kontseiluak beraiengana jotzen duenean, prozedura jakin bat jartzen dugu abian:

1.- Bai Euskarari Ziurtagiria zer den eta zer adieraten duen azaltzen diogu: planifikazio prozesu bat dela, urtez urte euskararen erabileran haratago joan beharra duela, ahalegin hori gizarteak saritzeko tresna dela, eragiteko tresna dela...

2.- Planifikazioa (eta honen segimendua) egiteko aukera diferenteak egon daitezkeela jakinarazten diogu: 1) Enpresak edo erakundeak bere kabuz egindakoa edo Aholkularitza batekin egindakoa; 2) Honelako planik egon ezean, Kontseiluko teknikariek euren esku jartzen duten "Erakundeen hizkuntza egoera aztertzeko eta planifikatzeko fitxa” bete behar dute. Tresna honen bitartez, oraingo hizkuntza egoera aztertu eta hurrengo urterako konpromisoak planifikatu ahal dira; 3) konpromisoak planifikatzeko beste edozein dokumentazio mota, Kontseiluarekin berariaz adostu behar da.

3.- Bai Euskarari Ziurtagiriak 3 maila ditu: “Bidean”, “Guk Zerbitzua Euskaraz”, eta “Guk Zerbitzua eta Lana euskaraz” eta bakoitzak bere irizpideak eta betekizunak ditu (nahi izanez gero, www.kontseilua.org-n ikus daitezke). “Guk Zerbitzua Euskaraz” eta “Guk Zerbitzua eta Lana euskaraz” kasuetan, enpresek eta erakundeek frogatu behar dute aldez aurretik zehazturiko baldintzak betetzen dituztela. Gainera, abisurik eman gabeko bisitak egiteko eskubidea hartzen dugu. Gauza bera egiten dugu ziurtagiriaren maila hauetako edozein duen enpresa edo erakunde batek Behatokian kexaren bat jaso badu. Ziurtagiriaren lehenengo mailan geratzen dira “Guk Zerbitzua Euskaraz”-eko baldintzak betetzen ez, baina gutxieneko konpromisoak hartu dituztenak.



Bai Euskarari Ziurtagiria duten enpresa eta erakunde guztiei, urtebete pasatakoan, hartutako konpromisoen betetze mailaren ebaluazioa egiten diegu, hurrengo urtean konpromiso berriak hartzera gonbidatzen ditugu eta hauen inplementazioaz jarduten dugu. Ebaluazioan ikusten badugu konpromisoren bat bete gabe dagoela, akatsa identifikatu, honen arrazoiak aztertu, eta zuzenketako ekintzak gomendatzen dizkiegu.



Zalantza gehiago izanez gero, jarri gurekin harremanetan.





Rober Gutierrez

Bai Euskarari Ziurtagiriaren arduraduna







,