Bookcrossing: irakurketa eta abentura
Duela hiru bat urte sortu zen bookcrossing proiektua: Liburu bat toki publiko batetan utzi, beste norbaitek hartu dezan. Beste norbait horrek liburua hartu, irakurri eta beste nonbaiten utzi beharko du. Aspaldi Interneten sortutako ideia bat da, oraingoan sistematizatu eta webgune eta guzti datorrena.
Ron Hornbaker programatzailea da ideia horren guztiaren sortzailea. Hasieran proiektu bat baino ez zena, orain mundu guztiko milaka irakurle biltzen dituen "elkartea" da bookcrossing. Joan den urtean sistematizatu egin zuten proiektua eta www.bookcrossing.com webgunea sortu zuten. Datu basea eta liburuei jarraipena egiteko aukera eskaintzen du webguneak, liburu bakoitza nondik nora doan jakiteko.
Liburua erregistratu
Liburu bakoitza webgunean erregistratzen da eta kode bat ematen zaio. Liburua erregistratu baino lehen, webgunean izena eman behar dugu. Azalpen orri bat ere jartzen da liburuan, aurkitzen duenari azaltzeko liburuak zer helburu jarraitzen duen. Liburua erregistratu ondoren jabeak non uzten duen esaten du webgunean.
Liburuaren komunitatea
Abentura honetan barneratu nahi duenak modu erraza du orain: webgunera joan, go hunting atalera sartu eta gure etxetik gertuen dagoen lekua bilatuko dugu. Toki horretara joan, liburua hartu eta journal entry atala beteko dugu, liburua nondik nora doan jakiteko. Journalentry atalean liburu horren gaineko egunkari bat idazteko aukera ere badago; liburua nondik nora joan den, irakurri duenak zein iritzi duen eta horrelakoak aurkituko ditugu.
Partaideentzako foroa, chat-a eta beste hainbat zerbitzu ere badago community atalean.
Gaztelaniaz ere bai
Jatorrizko webgunea ingelesez badago ere, Espainian ere egin dute webgunearen atal batzuk gaztelaniaz jartzeko ahalegina. Ingelesez ez baduzu gehiegi ulertzen, orain baduzu gaztelaniaz atal batzuk ikusteko aukera hemen.
Erantzunak
> Liburuak elkar trukatzea beti egon den ohitura sanoa eta jatorra izan da. Liburugintza Krisian dagoela diote enpresari handiek, baina irakurzaletasuna ez dago krisian.
Kontu honen inguruan Euskadi Irratian jardun zuten atzo nonbait Josu Landak eta Jorge Gimenezek. Berria-n dakar gaur kronika Juan Luis Zabalak.
Zabalak Gimenezen Durango kezkak nola jaso zituen ere atera genuen Sustatun abenduan, hemen
>
> Gaztelaniaz ere bai
>
aukera hemen.
Teknikoki, hizkuntza desberdinetan edo zabalkunde handiagoa lortzeko modu egokiagorik okurritzen zait, Bookcrossing-Spain edo antzekoak sortzea baino.
Eskualde edo toki bakoitzeko liburuen parte-orri bakoitzak, XML erako bertsio bat balu, blog-etatik RDF albisteak sindikatzen diren bezalaxe, webgune anitzetan agertuko ahal zen liburu eskaintza.
Esate baterako, Bizkaiko eskaintzaren orri honek
XML bertsioa balu, Sustatu-n bertan, Armiarmako Bihotz Bakartiaren Klubaren orrian, edo hainbat bazterretan sartu ahal izango zen aukerako liburuen zerrenda automatikoki. Eta Bizkaikoaz gain, beste toki batzuetakoak ere bai, jakina.
Liburuak askatzearena, liburu libreak egitearena gustuko dugu irakurleak garen neurrian.
Liburuak elkar trukatzea beti egon den ohitura sanoa eta jatorra izan da. Liburugintza Krisian dagoela diote enpresari handiek, baina irakurzaletasuna ez dago krisian.
Bihotz Bakartien Klubeko kideok -antolatu barik gauden arren- munduan zehar, irakurzaletasuna sustatzeko dauden ekimen ez instituzionalei begira gabiltza aspaldion, horizontaldak direnak, kalean egindakoak...
Eta Bartzeloanko Carmen auzoan bultzatutako ekimena daukagu aspaldian buruan, ekimen oso oso interesgarria da, eta ekintza zuzena bailitzan planteatu dute auzo horretako kolektibo eta literaturzaleek.
Poesiasalvaje posta zerrendan bidez jasotzen ditugu horrelako ekimen asko. Gogoan izango duzue agian, Irailaren 11an planteatu zen ekintza kulturala, atentatu bitxiak... ezta? Hori ere, horrela jakin genuen, beraz posta zerrenda itzela egin zaigu guri poesia basatiarena.
Ipuin eta mugida zapatistarekin ere gauza anitz egin dute, izan ere irakurtzeak, besteak beste, irudimena astintzea dakar. Eta irakurtzea zorionez ez dago krisian.
Bitartean, segi irakurtzen!
bbk