UPV /EHUn dirua soberan

Informatika Fakultateko kide garen heinean honakoa azaldu nahi dugu:

UPVko gerenteak unibertsitateko konputagailuetan jarri beharreko
softwarearen bateratzeari buruzko mezua bidali du. Bertan Microsoften
aplikazioak erabili beharko direla dio, eta ezingo dela bestelakorik
erabili. Hasteko AZPkoen makinetan ezarriko da hori, baina gerora...

Erabaki hori ongi aztertu ahal izateko zenbait esperientzia azaldu nahi
genituzke, izan ere, asteartean bertan, Gipuzkoako Bazkundeak (Camara de
comercio) Menpekotasun Teknologikoa, software librea eta kode irekiko
softwarea izeneko jardunaldia
antolatu zuen. Bertan, software mota hauek eskaintzen dituzten abantailetaz luze jardun zuten. Hona hemen zenbait puntu:

• 1) Extremadurako Juntako ordezkariek LinEx esperientzia azaldu zuten.
  Proyecto LinEx.../... ...esta propuesta resulta últil, en consecuencia, no sólo en el ámbito educativo, sino en cualquier ámbito de actividad para el que se requiera una herramienta técnológica potente y fiable. En el mundo de la empresa, por ejemplo, está resultando especialmente útil.

Vivernet, un vivero de empresas de la nueva era digital auspiciado por la Junta de Extremadura, puede dar fe del interés que ha suscitado la alternativa que representa. ...LinEx se ha convertido en el modelo en el que se apoyan otras regiones para llevar las nuevas tecnologías a los ámbitos educativo y administrativo.

• 2) Valentzia, Andaluzia eta Aragoiko erkidegoek bide bera jarraitu omen dute. Europatik ere software askea bultzatu nahi da, horrela, lizentzietan gastatuko ez den dirua Ì+G arloan inbertituko da Europan bertan, eta ez da horrelako dirutzarik bidaliko Estatu Batuetara.


• 3) Ben Marx-ek, IBMko Negocio Linux-eko garapenerako arduradunak, bereak bezalako enpresa haundiak Linux eta software librearen aldeko apustua egitearen nondik norakoak azaldu zituen.


• 4) Bilboko Udalaren Elkarteentzako Prestakuntza Eskolak OpenOffice.org software librean oinarrituko dira, eta ez MSOffice softwarean.


• 5) Eusko Jaurlaritzak guztion esku jarri du OpenOffice.org softwarea euskaratuta, bai eta Linuxen banaketa bat ere.


• 6) Mozilla nabigatzailea ere euskaraz erabil daiteke. Beste software libre ona eta fidagarria.

Norabide horretako gero eta berri gehiago iristen zaizkigu, eta gainera jatorri askotatik datozkigu: Erkidegoak, erabiltzaile elkarteak, bazkundeak, gobernuak, udalak, europar elkartea... Alegia, ez dira informatikaren erabiltzaile eroen burutazioak, baizik eta enpresarienak, gobernuenak, eragile ekonomikoenak, ikertzaileenak...

Hala ere, UPVko gerenteak alderantziko bidean doan erabakia hartu du, eta gainera ez du lanerako tresnak aukeratu ahal izateko posibilitatea ere eskaintzen.

Gure ustetan, unibertsitateko konputagailuetan software librearen presentzia bermatu beharko litzateke, arrazoi askogatik:

1) Ekonomikoa

2) Euskaraz lan egin ahal izateko bermea delako

3) Kalitatea

Arrazoi horiengatik softwarearen bateraketa prozesua ondoko programetan oinarritu dezala eskatzen diogu unibertsitateari:

OpenOffice.org (testu prozesatzailea, kalkulu orria, aurkezpenetarako programa...) Linux (sistema eragil.ea) Mozilla (nabigatzailea eta posta kudeatzailea).

Honekin ez dugu beste softwareak erabiltzea oztopatu edo debekatu nahi.

Julio Abascal

F. Xabier Albizuri

Eneko Agirre

Iñaki Alegria

Patxi Angulo

Olatz Arbelaitz

Xabier Arregi

Bertol Arrieta

Ana Arruarte

Andoni Arruti

Xabier Artola

Itziar Baragaña

Kepa Bengoetxea

Blanca Cases

Arantza Diaz de Illarraza

Jon Ander Elorriaga

Izaskun Etxeberria

Aitzol Ezeiza

Nerea Ezeiza

Bittori Fernandez

Kike Fernandez

Isabel Fernandino

Begoña Ferrero

Josune Gallego

Nestor Garay

Montserrat Hermo

Jesus Ibañez

Alberto LaFuente

Mikel Larrañaga

Pedro Larrañaga

Elena Lazkano

Paqui Lucio

Joseba Makazaga

Aingeru Mayor

Iñaki Morlan

Marisa Navarro

Txus Perez

German Rigau

Pepe Rivadeneyra

Txelo Ruiz

Kepa Sarasola

Aitor Soroa

Imanol Usandizaga

Yosu Yurramendi

Xabat Zabala

Ana Zelaia

>

> UPVko gerenteak unibertsitateko konputagailuetan jarri beharreko

> softwarearen bateratzeari buruzko mezua bidali du. Bertan Microsoften

> aplikazioak erabili beharko direla dio, eta ezingo dela bestelakorik

> erabili.



Jerentziaren ohar hori errepikatzerik baduzue hemen? Kuriositatez, ea nola azaltzen duten erabaki hau, nola justifikatzen duten...



Testu original hori interesgarria litzateke.

Jakingo duzue ba zein den soft. librearen aurka borrokatzeko Bill Gatesen sistema, ezta? Gerra irekia da, Mikrotxofek etorkizuna baitauka jokoan, ez soilik monopolio lotsagarria.



Sobornoa edo xantaia, eskala ekonomiko ikaragarrian. Horretarako funtsezkoa izaten da funtzionari eta agintariek mentalitate ultraliberala izatea, hots, software libreari usain subertsiboa antzematea.



Beste abidide bat: Toner eta tinta kartutxoak berziklatzeko denda jarri, eskeini produktu "kloniko" edo birziklatuak erdi-prezioan (bidezko prezioan) eta presta zaitez Epson, HP eta enparauen erasoari aurre egiteko.



Adibidez, multinazional zoragarri hoien Euskadiko ordezkariek tinta maioristei presio ikaragarria egingo diete zuri ezer ez saltzeko.



Eta administrazioan tinta kartutxuak eta tonerrak erosteko ardura dutenek zakurren ipurdira bidaliko dute zure eskaintza, finean aurrekontua erdira jaisten duelako, euren pisua gutxituz (edo kazoa dagoelako?), nolatan ez zauden Osakidetzaren moduan sekulako artaziak erabiltzeko premian.



Kontatu dizuedan hau egia santua da. Aplika iezaiozue soft. libreari. Gauza horiek oso berdea, progresista, zentzunezkoa da... Baina kapitalismoak ez du horrela funtzionatzen.





Zikintzen ez den ehuna asmatzen duen morroiaren pelikula ez al duzue ikusi? Zer egin zuten detergente multinazionalek?



Edo asmatzaile batek urarekin dabilen motorra martxan jarri ezkero, zer egiten dute mundua euren esku duten petrolerek?



Mikrotxofena ez da ohiko xantai edo sobornoa. Dirutza ikaragarriez ari gara, herrialde bat mehatxatzeko modukoak.



Hortik ez dira libratzen Peruren gisako herrialdeak, edo ikusten dugun moduan, Euskal Herriko unibertsitate, hedabide... erakunde publikoak.

Nahi al duzue jakin enpresek zer erantzuten duten software librearen abantailak aipatu eta ildo hori proposatuz gero?



Honatx euskal adibide txiki bat, saretik jasoa:



"Dirua aurreztea posible da. Aukera gero eta hedatuagoa dela ametitu behar dugu eta sistema sailean ari gara aprobak egiten. Baina hona pega batzu: Soft. libreak autore eskubideei eraso egiten die, bere aplikazioak garatzea egile jakin batzuen esku dago eta hoiek ez dira beti trebeenak izaten".





Konklusioa: Soft. librearen aldeko apustuak interes gehiegitxori egiten dio eraso.



Formakuntza eskatzen du, ideologia jakin batzuen hesia botatzea, informatikariak "des-mikrosofizatzea"... eta horrek inertzia askoren aurka borrokatzea esan nahi du.



Argudiorik onartuena diruarena da, baina ez da nahikoa lobby "techie" kontserbadoreok garaitzeko.

Brasilgo gobernuak eskatu die bere meneko departamendu eta langile guztiei erabil dezatela Linux, askoz ere merkeagoa da eta. Urtean Brasilgo gobernuak ordaintzen ditu 34 milioi dolar lizentziatan.

Argibide gehiago nahi duenak, hemen aurkituko du.