Ingelesa-katalana hiztegi librea (bene-benetan publikoa)
Katalanez eta ingelesezko hiztegi berri bat agertu da Interneten. Berritasun nabarmen batekin, kode irekikoa da. Eduki librea, eguneratzen joango dena, eta osorik deskargatzeko modukoa.
Teknikoki XML eta XSLT lengoietan idatzita dagoen kode irekiko catala-english-catala hiztegia hemen aurkituko duzue: http://dacco.sourceforge.net
Bi hiztegi dira, berez, ingelesa-katalana, eta katalana-ingelesa. Eguneraketa jarraitua dauka, erabiltzaileen partehartze zuzenarekin.
Online dauden hiztegi ohikoek dituzten aukerez gain (hau da, hitza, eta parekidea), ingelesezko erabileren adibideak dakartza, ohar lexiko eta gramatikalak, eta soinu fitxategi erantsiak (.wav) ahoskatzea jakiteko. Era berean, Verbix aditz-jokatzailearekin lotuta dago tresna, ingelesezko aditzen formak zuzen ezagutzeko. Eta gainera, hiztegi osoa fitxategi batean jaisteko aukera, oraingoz 0.6 bertsioa. Jaitsitako fitxategiaren formatua estandarra izanik (XML), gainera, beste edozein tresna edo proiektu linguistiko edo informatikotan integratzeko aukera ematen du.
Hemen dago informazio gehiago, Softcatala-ren webgunean
Eta euskaraz?
Noizko euskaraz horrelako zerbait? Noiz izango dira euskal korpus publikoak benetan publikoak, osorik jaitsi eta baliatzeko modukoak, ez orain bezala, terminoak banan-banan kontsultatzeko aukera murritzaren giltzapean gordeak (halaxe baitago Euskalterm sarean...). Duela hilabete batzuk, 2002ko EHUko Euskararen Institutuaren Terminologia Jardunaldietan eta Sustatun egin nuen erreibindikazio txiki bat: Euskararen corpus publikoak, denontzako, libre eta doan. Aldarri bera errepikatzen dut orain, katalanekiko inbidiaz...
Erantzunak
Dacco is a dictionary that is still actively being created. It is not complete but, then again, it does not claim to be. The dictionary's first words were added four months ago, when the team made the decision to 'publish early, publish often'. Dacco has been built from scratch, and is not based on existing dictionaries, therefore entries cannot hope to provide complete information at an early stage.
It was hoped that by providing the dictionary to the Catalan and English-speaking communities at an early stage in its development, the users themselves could help suggest new content and comment on / modify existing content in order to create a tool that was as close to their needs and requirements as possible. As the English saying goes, 'Rome was not built in a day' - and neither, I am sure, was the Morris dictionary ;-)
Kode irekiko EUSKARA-GAZTELANIA hiztegi baten oinarria (10000 hitz) ezarri dut ondoko leku honetan:
www.quill.charitydays.co.uk/sharevoc.htm
Gerora EUSKARA-GAZTELANIA hiztegirik handiena egiteko gogoa dut.
EUSKARA esaten dudanean Euskaltzaindiaren araberako euskara esan nahi dut, zeren lapurtera klasikoaren bidea abandonatua baitut.
Hiztegiak ikusi ahal izateko INTERLEX programa jaitsi behar da aurrenik:
www.quill.charitydays.co.uk/download.htm
Leku berean kode irekiko beste hiztegi batzuk ere badaude.
Oso programa ona, benetan, hiztegiak eta antzeko lanak egiteko.
Bertan ere HIKA ikasteko metodo antzekoa ezarri dut.
Ongi izan!
Josu Lavin
*********
> Katalanez eta ingelesezko hiztegi berri bat agertu
da Interneten. Berritasun nabarmen batekin, kode
irekikoa da. Eduki librea, eguneratzen joango dena,
eta osorik deskargatzeko modukoa.
Alde horretatik ongi dago, baina gauza bat ere
erakusten du: kode irekian lan kaxkarrak ere egin
daitezkeela. Hiztegia, egia esan, oso eskasa da, ia
hitzez hitzekoa, ez du erabilera adibiderik ematen,
eta batzuetan ikaragarri mugatua da.
Adibidez, look galdetzen badiozu, hau erantzuten dizu:
v mirar
Have a look at this book! - Dóna un cop d'ull a aquest
llibre!
Eta look for, look like, look after? Eta aditza ez
denean, baizik izen (bide batez, ematen duten adibide
bakarrean v jartzen dute aurretik, verb, baina hor ez
da aditza izena baizik)? Eta look aditzarekin nahiz
izenarekin ingelesez dagoen esamolde mordoa?
Morris-en ingeles-euskara, euskara-ingeles hiztegia
ez da kode irekikoa, baina eskumen publikoan dago eta alde ederra dauka. Galdetu
look hitza, eta ikusiko duzue:
http://www1.euskadi.net/morris/