Ziberokupak jabetu dira errege ezteiaren gaineko domeinuez
Jakin bezain laster Espainiako printzea ezkondu egin behar zela, ziberokupek erosi egin dituzte ezteiaren inguruko domeinu gehienak, gerora dirua egiteko asmoarekin.
Espainiako Errege Etxeak segurtasun eta komunikazio plan bat eratu zuen printzearen eta haren emaztegaiaren arteko harremana babesteko halaxe dio gaur El País egunkariak, baina Internet ez bide zen sartzen plan horren barruan.
Joan den larunbat arratsaldean atera zutenean komunikatua jakinaraziz erregearen semea ezkonduko zela Letizia Ortiz kazetariarekin, ez zuten domeinu bat bera ere erregistratu Interneten, ekitaldiaren inguruan.
Erantzun berehalakoa
Gaurko Expansión egunkariak dakar nola berria jakin bezain laster, zenbait zibernauta bizkorrek berehala erosi zituzten ahalik eta domeinu gehien ezteiekin lotuta, 30 euroren truke.
Letizia Ortizek nahi izango balu erregistratu domeinu hauetako edozein www.letizia.org, www.letiziaortiz.com, www.letiziaortiz.net, wwwletiziaortiz.org eta www.letiziaortiz.info, ezin izango luke, dagoeneko erregistraturik daudelako, larunbata ezkero.
Larunbatean bertan, arratsaldeko 19:30ean hau da, Errege Etxeak komunikatua plazaratu eta ordu erdira, Jimmy Garrido madrildarrak eta Javier Carrera lleidarrak erosi zituzten emaztegaiaren inguruko domeinu zenbait.
Aukera bakarra du orain Letizia Ortíz kazetariak: erostea www.letiziaortiz.es domeinua, kasu honetan pertsonak berak bakarrik erregistratu bailezake.
Ezteiak.com
Letizia ia domeinurik gabe uzteaz batera, ziberokupak saiatu dira beste domeinu batzuk ere erosten, hala nola www.felipeyletizia.com, zeina erosi baitu Juan Miguel Campanario madrildarrak. Beste hau, berriz, www.bodareal.info, Antonio Scarpellinik erosi zuen, azaroaren 1ean, arratsaldeko 20:42an.
Bada beste bat, www.bodareal.com, erregistraturik dagoena 2001a ezkero, orduan dezente hitz egin baitzen Felipe Borbonekoa ezkon zitekeela Eva Sannum modelo novergiarrarekin.
Zertarako erosi domeinu hauek?
Erraza da domeinu bat erregistratzea Interneten. Nahikoa da gune honetara joatea eta nahi den izena erostea, 30 euroren truke.
Baina zertarako erregistratu norberarekin zerikusirik izan ez eta hain nabermenak diren izenak? Isabela Crespo abokatua da eta espezializatu egin da Internet kontuetan. Berak dioenez gaurko Expansión egunkarian, jende honek erregistratzen ditu domeinu hauek espero dutelako etorkizun hurbilean baten batek eskainiko diela diru asko, domeinuok erosteko.
Domeinuak erostea, ondoren saltzeko asmoarekin, dagoeneko ez da garai batean izan zen mauka, baina baten bat hasten bada porno irudiak erakusten Espainiako erregina izango denaren domeinuan, orduan beste kuku batek joko luke, dio Crespo andreak.
Erantzunak
Eskerrak Federico Jiménez Losantos eta Libertad Digital geratzen diren! Hara zer idatzi duen Federikok: Amor se escribe sin hache y Leticia sin zeta
Baina Libertad Digitalen LetiZia idazten dute gaur behintzat, ai ai ai...
Testuaren gorputza hasieran argi esaten den bezala, aipatzen direnak Espainiako printzipearen eztei kontuak dira. Zertarako hortaz hasieratik argi utzi ez. Egia da penintsulan bizi garenok mediatikoki espainolizatuak zaudetela, Lapurdin bizi direnek aldiz badaukagu espainikoa printzearen eskontzaren berri, baina ez besterik gabe ze herrialdetaz ari garen ez esateko merezimendua izateko haina.
Laister Espainiako presidentea irakurri ordez presidentea irakurriko ote dut ba? edo espainiako konstituzioa irakurri ordez konstirtuzioa? Ez a l ditugu forma horiekin gure bihurtzen.
Ez naiz ondo azaldu, baina kontua da sustatun detaile horiek zaintzen ez direla ikusteak begiko mina ematen dit. Txotxoloegia izango naiz agian.
Bat nator zure kezkarekin, eta egia da mugaz honaldekook oso espainiartuta gaudela, baina albiste honetan inori ez zaio iruzurrik egin, hasieratik garbi utzi baita zertaz ari ginen hizketan.
Izenburuan jar zitekeela Espainiako errege ezteiez ari ginela? Bai. Hori eta beste gauza asko jar zitezkeen, baina Sustatun izenburuak neurri bat izaten du. Sarrerak, gainera, garbi kokatzen du albistea.
Horrezaz gain, Fernando bera baino amezketarrago izan behar ote dugu, eta momentu oro geure buruari gogorarazi nor garen gu, zer garen gu, euskotarrak garela gu
?
Fernando baino amezketarrago?
tira ba, beharbada komeni zaizu zeoze. Zuk aipatu ez bazinu amezketakoaz ari zinela nik nola jakin zein Fernandotaz ari garen?
Zorionez iparralden ez dute gure leti-bonbardeorik izan eta beraz Espainakoak direna esatea berria kokatzea ere, bada.
Edonola Sustatuk ene ustez nahiko ondo zaintzen du lurraldetasunaen kontua, gaur egun mugimendu demografikoez hitzegitea ere arriskutsua denean ;-)
Esteka
honetan
irakurri daitekenez, domeinu gehienak ez zituen "ziberokupa" batek hartu.Hauek
baino lehenago iritsi zen kazetaría bat izan zen. Domeinuak hartu zituen ziberokupengandik
babesteko, eta beraren esanetan oparitu egingo dizkio "borbondarrei" .
Bitxia gero. La Razon Anson ultra monarkikoaren egunkarian Arzalluzen izena Javier da, baina printzesatxoarena ez da Leticia.