Osasun zaila euskararentzat gaztelaniazko Osasun sailarekin
Prestige-ren kontuak direla-eta, Eusko Jaurlaritzako Osasun Sailak zaintzarako aholku batzuk bidali ditu udaletara, gaztelania hutsez.
Joan dan astean Aste Santuko oporraldia eta eguraldi ona zetozela Eusko Jaurlaritzaren Herrizaingo Sailak Larrialdiei aurre egiteko zuzendaritzatik, Osasun Sailak emondako aholkua bialdu egin du zirkularra Udaletara, udalek jar ditzaten aholkuak hondartza inguruetan.
Kostaldeko herriren batzuetan aholkuak bi zutabez agertu badira, euskeraz eta gaztelaniaz, baina orduan, zer dala-ta bialdu dute, Herrizaingokoek edo Osasun sailekoak gaztelania hutsezko testua, hiru orrikoa?
Ohi bezala, aholkuak gaztelaniaz jaso, eta gero euskerara itzuli. Galdetuta bertan, teknikariak oporretan direla erantzun digute, euskeraz.
Heldu zaigu Mikel Zalbidek idatzitako Ahuldutako hizkuntza indarberritzea: teoriak zer dio? (eta II) II. Ahuldutako hizkuntza noraino dago ahuldua?
Ez dakit herri hau dan aurrera doan herria edo dan un pais que avanza.
Erantzunak
Ez dakit zertaz kexatzen zareten.
Zabarkeria, utzikeria, euskararekiko mespretxua negargarria da. Baina egin dezagun irri, joder, lehendik ere badugu sobera motibu negar egiteko.
"Ni hiltzen naizen gauean behintzat eizue lo lasai!".
Zera kontatu nahi nizuen barre piskat egiteko sikiera.
Gasteizko Olagibel anbulatorioan letreroa:
"Atención al paciente y usuario".
Euskaraz segidan:
"Gaiso eta erabiltzailearen ZOROSPENA"!!!!
Ez al da zoragarria?
Mesedez, ez izan hain garbizaleak, horrelako "gazapo"ak behar ditugu!
Niri bizipoza ematen dit, joder:
Pentsa, jende urrikalgarriya anbulatorioan gora ta behera, elkar kutsatzen, ahultzen... akabatzen.
Ba ote leku aspergarriagorik, "yuyu"agorik? Niri behintzat hara gaisorik sartuta, burokrazia eta lejia usainak zorabiatuta, Franco bizirik dagoela iruditzen zait.
Ba horren aurrean erabiltzaileak zorosten (!!!??) dituen zerbitzua antolatu ez digu ba Osakidetzak!!
Sartzeko kriston gogoa, morboa ematen du... ze droga edo masaje erabiltzen ote dute mediku, erizain eta osasun langileek oro gu pozez edo auskalo zerez zoratzen jartzeko...?
Aurrera doan herria, inondik ere!
Eskerrikasko.
Erabat ados zure salaketarekin. Norbaitek esan dezake txikikeriak direla horrelako gauzak, euskaldun erreibindikazale amorratu horietakoa zarela. Izan ere, oso zabaldua dago euskaltzaleok pertsonaia apetatsuak garelako ideia, inor gutxik erabiltzen ez duen hizkuntz baterako etengabe gauzak eskatzen; beste gauzetarako dirua beharko ez balitz bezala....
Bestalde gure agintari askok noizbehinka euskara astintzea gustoko dute, oso jatorra eta 'geurea' geratzen baita edozein gauza euskara ortopediko baten zertzeladaz bustita. Euskara ezpata dantza, harrijasotzea edo irrintzia bezalakoa balitz bezala. Eta noski, hori euskararaz haraindi dagoen besteen teoriak indartzen ditu: barregarria den gauza folkloriko bat dela. Baina ez beza inork pentsa horiek direla arerioak, benetan 'errudunak' -leunago esatearren- aspaldidanik eraikitzen ari den euskal etxe birtual horren eraikitzaileak baitira. Eta beharbada etxea teilatutik hasi zuten arren, geu eta soilik geu, hiztunok, gara etxe horren euskarria. Bestela birtuala eta folklorikoa izaten jarraituko baitu.
Horregatik guztiagatk atzera egin gabe jarraitu beharko duzu (dugu) zirikatzen euskara ez dagoen edozein zirrikituaren aurrean, arrazoi osoa baitauka bere herriko HIZKUNTZA OFIZIALA (eta jarraitu behar dugu hau gogoratzen !) edozein egoeraren aurrean defendatzeko. Euskara ez da inongo hizkuntzaren anai txikia ez handia. Ez Euskal Herrian.