Euskal Herriak Euskal Unibertsitatea
Apirilaren 12an Euskal Unibertsitatearen aldeko ekitaldi nazionala antolatu du "Euskal Herriak Euskal Unibertsitatea" gizarte-mugimenduak.
Euskal Unibertsitatearen alde, Oñatira!
Apirilaren 12an Euskal Unibertsitatearen aldeko ekitaldi nazionala antolatu du "Euskal Herriak Euskal Unibertsitatea" gizarte-mugimenduak. Eguarteko 11:00etan hasiko da, Oñatiko unibertsitate zaharraren aldameneko institutuan. Aretoko saioak manifestazio bati emango dio bidea, eta manifestazioa unibertsitateko klaustroan bukatuko da. Gero, herri-bazkari batez emango zaio amaiera ekitaldiari.
Ekitaldi beroa eta jendetsua izan dadin nahi genuke. Erakutsi nahi dugu Euskal Unibertsitate baten premia dugula, eta aldarrikapen hori ez dagokiela unibertsitarioei soilik, gizarte osoari baizik.
Aspalditik lanean
Euskal Herriak Euskal Unibertsitatea ekimenak duela urtebete eman zuen ezagutzera bere burua. Euskal Unibertsitate baten aldeko gizarte-aldarrikapena zabaltzen dihardu orduz geroztik: sinadurak biltzen (BaiEusUni kanpaina), gizarte-eragileekin harremanak sendotzen, herrietan bilerak egiten...
Zapatuan Oñatira
Oñatiko ekitaldia gizarteratze fasea indartzera dator. Iruditzen zaigu une egokia dela Euskal Unibertsitatearen eskakizuna zabaltzeko eta indartzeko. Herritarrok geure egiten badugu aldarrikapen hori, urrats handia egingo dugu etorkizun hurbilean Euskal Unibertsitate bat eraiki dadin. Beraz, larunbatean, denok Oñatira!
Susmoa dut, nahiz eta baldintza objetiboak inoiz baino hobeagoak izan (20.000 ikasle eta 1600 irakasle euskaldunak) benetan nahi dugun/duten unibertsitariok euskal unibertsitaterik.
Zenbat ari dira helburu horren atzean lanean, 100-200 lagun? UEUkoak, EIREkoak,... hau da, benetako garrantzitsu diren pausuak (Euskal Unibertsitate legea, EHU/UPNA estatutoak) eman behar direnean ez da ageri "masa" kritikorik, ez da bozketan parte hartzen, ez da aginterik hartzen, ez lan egitean.
Noizean behin adierazpenen bat, sinadura bat,... baina unibertsitate diglosikoetan ondo kokaturik eta "integraturik", bestela begira ze erantzun egon zen UPVn Euskotramoak (diruak) galtzeko zirenean (sekulako anabasa, iraultza, protestak,...) eta euskara desagertu zutenean oposaketa meritu moduan.
Masa kritikoa badago bai, baina ganorarik ez.