Gerraren aurkako mobilizazio eguna
Datorren otsailaren 15ean Europa osoan gerraren aurkako mobilizazio eguna izango da. Giza mugimenduak eskubide sozialak, justizia soziala, zapalkuntza mota guztien kontra eta dibertsitatea, askatasuna eta elkarren arteko errespetua aldarrikatzera kaleetara irtengo dira.
Amerikako Estatu Batuetako gobernuak berriz Iraken kontra gerra egitea erabaki du. Golkoko Gerraren ostean, non milaka irakiar erailak izan ziren eta 12 urteko blokeoak 1.500.000 lagunen hilketa eragin ostean (900.000, umeak), Aznarren laguntza osoaz, irakiar herriaren genozidioa handitzera doaz.
Azken garaietan Bushen gobernua inolako zentzurik ez zeukaten aitzakiak asmatzen ibili da Iraki erasotzeko, orain urtebete aldez aurretik jada egoera larrian zegoen Afganistango herria txikitzeko, Bin Laden han zegoela argudiatuz, egin zuen moduan.
Bushen benetako arrazoiek ez daukate zer ikusirik desarmea, demokrazia eta giza eskubide edo nazioarteko legalitatearen aldeko defentsarekin. AEBetako ejertzitoa munduan zehar gerra gehien sortu duena, herri gehien inbaditu duena eta arma gehien erabili duena da, hain zuzen. Azken hamarkadetan AEBetako gobernu guztiek hainbat diktadura lagundu dute eta laguntzen jarraitzen dute. Lurralde hartan aliaturik onena Israel da. Hau, ONUk hartutako ebazpen gehien bete ez duen herria da, egunero, munduko kazetarien kameren aurrean, palestinarren giza eskubideak basatiki zapaltzen dituelarik.
Benetako arrazoia Petrolioa
Iraki erasotzeko benetako arrazoia petrolioaren kontrolean datza. Irakek, petrolio-erreserba izugarriak ditu, munduko bigarrenak, gaur egun multinazional handien kontrolpean ez daudenak. Beraz, hau aldatzea da arrazoi nagusia eta ez besterik.
AEBek Planetan duten nagusitasuna indartzea bilatzen dute, horretarako bere indar militar osoa erabiliz. Europar gobernu eta komunikabide handien laguntzaz, aitzakiak erabiltzen ditu: "gaizkiaren ardatzak" eta "terrorismoa". Honekin, berrarmatzea, ejertzitoen existentzia, gastu militarren handitzea, eraso militarrak eta mundu osoan zehar giza eskubideak eta askatasunak bertan behera uztea justifikatu nahi dituzte.
Gerra erabakita dago, baina ez da saihestezina.
Presioak, erresistentziak eta gizarte mobilizazioek gera dezakete gero eta globalagoa den inperialismoaren gerra-makinaria. Basakeria gelditu ahal izateko premiazkoa da nahiak eta asmoak antolatzea. Gera dezagun gerra!
Sinatzaileak: Gerraren aurkako Gipuzkoako Plataforma
(ESK, USO, STEE-EILAS, LAB, ELA, CCOO, Ezker Batua, Aralar, Zutik, Euskal Herriko Komunistak, PC-EPK, Sozialista Abertzaleak, Gazte Komunistak, MOC-KEM, Komite Internazionalistak, Hemen eta Munduan, Askapena, Plazandreok, Munduan Elkarlanean, Bateginik, Asociación de Emigrantes, Resumen Latinoamericano, ABK)
Erantzunak
Joan zen astean aurkeztu zuten Ermuko Gerrearen Aurkako Herri Ekimena. Gaur bertan batzarra izando dute udal liburutegiko ikus-entzuteko gelan 19:00etan. Horrez gain, manifestazio deia ere egin dute hilaren 21erako, Ermuan.
Herri ekimen horretaz informazio gehiago, ondo helbidean irakurri daiteke: http://www.herriak.info/bizkaia/bizkaia_e.pl?eskualdea=DURANARRATIA
Ez dirudi mezu asko direnik, ezta? Gogoz geratu naiz EAEko lehendakari Ibarretxek zabaldutako webguneak zenbat jasoko zituen jakiteko. Ba al daki norbaitek?
Ibarretxek zioen: Altxa zure ahotsa Euskaditik munduko gerren aurka eta Bakearen alde! Zenbatek altxatuko zuten ahots hori? noraino altxatuko zuten?
Norbait botoa emateko gogoz geratu bada, hemen helbidea.
Helbide nagusira sartuz gero (españolez, nola ez!) kontadore bat ikusiko duzu.
http://www.bakea.euskadi.net
Indymedia Mundu guztia gerraren kontra izeneko ekimenaren jarraipen zehatza egingo du, mundu guztian.
Indymedia Euskal Herriak ere, arratsalde osoan zehar herrialdez herrialdeko kronikak eskainiko ditu, zuzenean, eta mundu mailan gertatuko denaren berri emango du.
Horrez gain, Euskal Herriko kronika bat eskainiko du mundu mailan, euskaraz ez ezik, gaztelaniaz, frantsesez eta ingelesez... mundu guztiak jakin dezan Euskal Herrian ere gerra inperialista honen kontra ari garela.
TIME aldizkaria sondeo bat egiten ari da irakurleen artean, iritzi publikoaren ustez munduko bakearentzat arriskurik handiena sortzen duen estatua aukeratzeko.
Hiru aukera proposatzen ditu inkestak: Ipar Korea, Irak eta Ameriketako Estatu Batuak. Une honetan 350.000 erantzunetik gora dago eta AEBak dira lehenak % 81etik gorako emaitzekin. Geure eginkizuna bete eta lagun diezaiegun irabazten!
OSO ERRAZA DA, OSO AZKARRA, ZEURE BOTOA EMAN!
Ahalik eta jende gehienari pasa iezaiozu mezu hau. Orrialde honetan dago
Aprobetxaturik Estatu Batuetan bizi den gerra giroa eta giroa bera pizteko asmoarekin, Time aldizkariak liburu bat atera du, Time goes to war, non kontatzen diren amerikarren balentriak, parte hartu duten azken gerra ofizialetan: Bigarren Munduko Gerra, Korea, Vietnam, Golkoko Gerra eta Terrorismoaren Kontrako Gerra, horrela deitzen baitiote 2001eko Irailaren 11 ezkeroko kanpainari.
Azken hilabete pare honetan izugarri berotu da gerraren aldeko giroa AEBetako hedabideetan. Salbuespenak salbu, esan liteke Bushen gobernuak jotzen duen musika bera dantzatzen ari direla hango hedabide handiak. Eta horrek eragina du, jakina, herritarrengan.
Frantziak eta Alemaniak, egurra
Garbi ikusten da hori Gallup enpresaren azken galdetegi batean, non itauntzen zaien amerikarrei zer iritzi duten munduko herrien gainean. Harritzekoa da nolako astindua hartzen duten Frantziak eta Alemaniak. Lehenak %37 galdu du amerikarren begietan; eta bigarrenak %22. Zergatik? Beste irtenbide bat bilatu nahi diotelako Iraken arazoari.
Italia eta Espainia, aldiz, hirugarren eta laugarren daude zerrendan, Erresuma Batua eta Kanadaren atzean. Hau da, jarri dituzte amerikarren aliaturik minenen taldean. Hau ere garbi dago zergatik den: itsu-itsu jarraitzen diotelako Bushen aginduari.
Beldurra ematen du ikusteak zein erraz manipula daitekeen iritzi publikoa eta zein den hedabideen egitekoa manipulatze horretan.
/cache/Loraldia-Eskola_II_TOPAKETA_RRSS-POST_1_small_content.jpg)
Mundu guztia gerraren kontra manifestatuko da otsailaren 15ean, eta mobilizazioetan Eduardo Galeanoren berbak irakurriko dira, berak egindako gutun txiki batean bilduak.
Berbok, euskaraz ere badaude, Indymedia Euskal Herrian . Euskaldunon ahotsa ere entzuna izan dadin.