Oraintxe aukeratu du Kutxak aurtengo ekintzailerik onena

Jende dezente batu da orain dela 20 minutu amaitu den ekitaldian. Mahaian iazko jendea oraingoan ere: Xabier Alkorta, Fernando Sapagnolo, Jose Ramon Beloki eta Aitor Cobanera. Hauek ere aurkezpen eta elkarren laudoriotara mugatu diren arren, aurkezpenak egiten Barace egon da, Kutxaren izenean.

Irabazleak hauexek:

1. Emestix proiektuarekin, Raul Navas Martinez eta Ainhoa Lete (30.000 euro). Donewtech Solutions enpresan dihardu lanean Raul Navas-ek.
2. Icavinet proiektuarekin Laida San Sebastian Larzabal, Jaulian Florez eta Manuel Lobato. Hauek pertsona ezinduei eta hirugarren adinekoei Interneterako sarrera errazteko proiektu bat eraman dute lehiaketara. (24.000 euro)
3. Imagene proiektuarekin, Isabel BArrio Salaberria, Julia Kovarsakaia, Olaia Galdos eta Alberto Labarga. Hauek garapen bioinformatikoetan espezialdutako kontsultoria enpresarialaren gaineko lana aurkeztu dute. (18.000 euro)
4. Ceramikarte.com proiektuarekin, Jabier Mercader Sereno. Euskal herrian lehenengo aldizkari digital ordaindua proposatu dau, hori bai, oso espezialdua, non eta zeramikan. (12.000 euro)
5. Mobile 020 proiektuarekin, Xele Olaizola Azurmendi, Luis Cocero, Ricardo Figeroa eta Karlos Martinez. . Hauek mobile business kontsultora bat aurkeztu dute poltsikoko telefonoen marketing-ari bideratua. (6.000 euro)

Hurrengo bostak accesit-ak izan dira:

• Lets San Sebastian, Gonzalo Sanchez Larralde eta Maria Sanchez Larralderenak. Hauek Donostiako apartamendu eskaintzari begiratuta egindako proiektua.
• Virtual Shaphes, Nassouh Chehayeb Jaber-ek aurkeztua. 3D interaktiboak garatzeko proiektua. Chehayeb-ek Euskal Herria zapaldu eta enpresa bat sortu zuen. Esan duenez, orain familia ekarri eta Euskal Herrian bizitzeko lain ere izango du.
• Design By Medel S.L. Ramon Candelas Perez eta Bernard Caporossik aurkeztua, diseinu eta ingenieritzarekin zerikusia duen proiektua.
• Software de gestion. David Lawrence Simon-ena. Gestio Softwarean oinarritua eta hezkuntzara bideratua. 13 urterekin Euskal Herritik kilometro pila batera belarra mozten zegoela aitortu du gazte honek. Orain Euskal Herria du lan leku eta baita sarituen leku ere. Horregatik eman dizkie eskerrak antolatzaileei.
• Superjugones.com proiektuarekin Alberto Rincon Garciarena. On line jokatzeko webgune bat oinarri duena.

Sari hauek guztiak Miramon Digital kontsultoraren saria ere jasoko dute.

Iaz baino 7 proiektu gehiago aurkeztu dira. Oraingoan 38 izan dira epaimahaiak baloratu behar izan dituenak. Epaimahiaren buruhausteetako bat Interneten dauden enpresen eta Internet erabiltzen duten enpresen gaineko balorazioa bereiztea izan dela esan du Barace aurkezleak. Ekitaldia amaitu eta pintxoen orduan berarekin izandako elkarrizketan esan dit maila iaz hobea izan zela, baina aurten ere proiektu majoak irakurri dituztela, agian "instituzinaleagiak"edo, "serioegiak beharbada".

Aipatua, sarreran esandako moduan Jose Viteri izan da, Bic Berrilan-eko langilea bera, kontsultorea. Iaz saritutako MPHIRU.com proiektuari ere bultza egin diona behin irabazi eta gero. Aurtengoan ordea, saria jaso orduko baloratu dute beraren lana. Bai lehenengo saria atera duenak eta baita bigarrena atera duenak ere. Azken honek kale bat egin beharko lioketela ere esan du.

Fernando Spagnolok eman dio amaiera orain dela 20 minutu ekitaldiari. Broma antzean, ezagutzen ez duen "Viteri hori" ere zoriondu du estradutik. Goitik beherakoan ere mahakide guztiek eman diote eskua. Viterirekin egon gara gu ekitaldia amaitu bezain pronto eta umil-umil eskertu du zoriondu izana. Kasualitatetzat jo du lehen bi sarituak berak bultza egin dituen proiektuak izatea.

Zorionak guztiei!