Idazkuntza eta itzulpengintza ikastaroa

NORENTZAT

Lanbidez nahiz zaletasunez idazteko premia izan eta EGA titulua edo maila bereko ezagutza duen edonori zuzendurik dago: argitaletxeetako zuzentzaileak, unibertsitate-irakasleak, goi-mailako ikasketak euskaraz egiten ari diren ikasleak, euskaltegietako irakasleak, Hezkuntzako maisu-maistra eta irakasleak, aldizkari eta egunkarietako idazleak, esatariak, itzultzaileak, idazkariak, filologoak, politikariak…

EGITARAUA

Ikastaroak ardatz nagusi hauek ditu:

• a) Hizkuntz Kalitaterako Oinarriak. Lau atal nagusitan banatua. Araua: Azken urteotan euskara baturako eman diren arau eta gomendioak aztertuko dira, bai eta zenbait konbentzio ere. Puntuazioa: Zeinu guztien erabilera ohikoenak, arazoak eta aukerak ikusiko dira. Argitasuna: Esaldien ulermena eragozten edo zailtzen duten arrazoiak jorratuko dira, batez ere sintaxizkoak. Aberaskuntza: Lexikoa zabaltzeko bideak ikusiko dira.
• b) Ahoskera eta Prosodia. Ahozko adierazpidearen hizkuntz ezaugarriak azaldu eta landuko dira: lege fonetikoak, azentua, intonazioa eta intentzioak.
• c) Idazkuntza-teknikak. Lehen urrats batean, testuaren kalitatea bermatzen duten alderdiak aztertu eta erabiltzen irakatsiko da: egokitasuna, koherentzia, kohesioa. Bigarrenean, berriz, paragrafoak garatu eta testu osoak sortzeko teknika lagungarriak landuko dira.
• d) Itzulpengintzaren hasi-masiak. Eguneroko jardueran ikasleak euskaratu edo gaztelaniaratu behar izaten dituen testu-mota ohikoenen itzulpen gidatua egiten lagundu eta horretarako behar diren teknika eta ezaguera teorikoen azalpena emango da.
• e) Kontsulta-bideak: Idaztean nahiz itzultzean erabil daitekeen material lagungarriaren berri emango da: ohiko hiztegiak, hiztegi elektronikoak, gramatikak, datutegiak… IDAZKUNTZA ETA ITZULPENGINTZA ikastaroa

Lehenengo zikloa: Idazkuntzaren oinarriak

SARRERA-HITZALDIA: Xabier Mendiguren
ARAUA: Mila Garmendia
AHOSKERA ETA PROSODIA: Julia Marin
ARGITASUNA: Patxi Petrirena
PUNTUAZIOA: Mila Garmendia
ABERASKUNTZA: Mila Garmendia

Iraupena:

• Hurrengo urteko urtarrilaren 9tik 2003ko ekainaren 19ra.
• Ordu-kopurua guztira: 140 ordu (120 presentzialak; 20 ez-presentzialak).
• Ordutegia: Astearte eta ostegunetan, 16:30-19:45
• Ikasle-kopurua: 20 lagun gehienez, 15 gutxienez.
• Matrikula-prezioa: 1.150 euro.

Bigarren zikloa: Idazteko eta itzultzeko teknikak

KONTSULTA-BIDEAK: Hiztegiak eta Ordenagailu bidezkoa. Xabier Mendiguren eta Gotzon Egia
IDAZKUNTZA II Julia Marin
ITZULPENGINTZAREN HASI-MASIAK Patxi Petrirena

Iraupena:

• Hurrengo urteko irailaren 18tik 2003ko abenduaren 18ra.
• Ordu-kopurua guztira: 130 ordu (81 presentzialak; 49 ez-presentzialak).
• Ordutegia: Astearte eta ostegunetan, 16:30-19:45
• Ikasle-kopurua: 15 lagun gehienez, 12 gutxienez.
• Matrikula-prezioa: 900 euro.
• Oharra: 1. zikloa gaindituta izan behar da 2. zikloa egin ahal izateko.