Herri erakundeen kudeaketa masterra
Mankomunitate, fundazio, partzuergo edo kontsortzio, irabazi asmorik gabeko erakunde... horiei denei dago zuzendaua UEUk antolatutako ikastaroa. Erakunde hauek guztiak duten kudeaketa beharrei dago zuzendua ikastaroa. 300 orduko ikastaroa da, urriaren 30etik hasi eta ekainaren 21a bitarte.
Lehenik eta behin argitu beharrekoa da zer den edo zer uler daitekeen herri-erakunde kontzeptupean. Hori aipatzean, nagusiki, unitate politiko bateko biztanleek osaturiko elkarteez aritzen gara, hau da, Administrazio Publikoaz. Baina badira Administrazio Publikoak bete ezin edo bete nahi ez dituen arloak, eta, beren interes soziala dela eta, beste erakunde batzuen esku uzten du arlo horien kudeaketa. Multzo honetan sartuko genituzke mankomunitateak, fundazioak, partzuergoak edo kontsortzioak, irabazi-asmorik gabeko erakundeak, etab.Hauek guztiak ere Herri Erakunde kontzeptupean kokatuko genituzke.
Erakunde horien guztien garrantzi sozial eta ekonomikoa denen ahotan dago, baina, harrigarria baldin bada ere, horien kudeatzeko beharrezkoak diren tresnen analisia ez dago behar bezala jasota Unibertsitateetako ikasketa-planetan, zeren, gaur egun Euskal Autonomia Erkidegoan kokaturiko unibertsitate bakar batek ere ez baitu era horretako titulaziorik eskaintzen.
Ikastaroan nortzuk hartuko duten parte:
- Herri-erakundeen kudeaketan lanean ari diren profesionalek.
- Alor honetan jakintza-maila hobetu nahi duten profesional edo/eta lizentziatu edo diplomatu berriek.
Ikastaroaren ezaugarriak
*Non: UEUko Ikastetxe Nagusian, Eibarko Markeskoa jauretxean.
- Iraupena: 300 ordu, urriaren 30etik ekainaren 21era.
- Kredituen osaketa: ikasleak 30 kreditu lortu beharko ditu.
- Ikastaro-moduluak: 3 kredituko 8 ikastaro.
- Mintegiak: 0,3 kredituko 10 mintegi.
- Ikerketa-proiektua: graduondokoaren titulua lortu ahal izateko,ezinbestekoa da 3 kredituko ikerketa-proiektua gauzatzea.
- Egutegia eta ordutegia: orokorrean, 6 saiotan banatuko dira modulu bakoitzaren 21 ordu teorikoak; asteazken arratsaldetan 16:00etatik 19:00etara (3 ordu) eta larunbat goizetan 9:30etatik 13:30etara (4 ordu).
Aldi berean, moduluarekin erlazionaturiko mintegiak tartekatuko dira.
- Hizkuntza: euskara.
- Ikasle-kopurua: 20 gutxienez eta 30 gehienez.
- Prezioa: 1515 euro.
- Titulazioa: UPV-EHUk graduondoko titulua eta UEUk ziurtagiria emango dio ikastaroa gainditzen duen ikasleari.
Informazioa:
- UEUko Ikastetxe Nagusia. Otaola hiribidea z/g . 20600 Eibar
- Telf. 943821426
- j.akademikoak@ueu.org / markeskoa@ueu.org
Informazio gehiago, hemen.
Erantzun
Sartu