Teknologia albisteak

Beste artikulu bat, alperrikakoa

Dick Turpin - Izaro

2002-09-27 : 13:09

Euskal Herriko bederatzi idazlek, tartean Bernardo Atxagak eta Anjel Lertxundik, iritzi artikulu bat argitaratu dute gaur, gaztelaniaz, El País egunkarian. Artikuluak gogor kritikatzen du Espainiako gobernuak azken aldian Euskal Herrian hartu dituen neurriak.

Idazle hauek sinatzen dute Otro artículo inútil izeneko artikulua: Ana Arregik, Bernardo Atxagak, Jorge Giménezek, Josemari Iturraldek, Anjel Lertxundik, Inazio Mujikak, Jabier Muguruzak, Iban Zalduak eta Patxi Zubizarretak. Artikulua agertzen da El País egunkariaren 20. orrialdean, baina ez dago modurik irakurtzeko sarean, ez baitute hor jarri.

Idazleek harrituta daudela diote, ikusita nola ari den zanpatzen alderdi politiko baten, Batasunaren, jarduera politikoa, okerreko bidea bake egoera bilatu nahi bada. Konturatzen dira, hala ere, arazorik berehalakoa dela nola irauten duen ETAren eta bere inguruaren indarkeriak eta gogor salatzen dute PPko eta PSEko kargu publiko askok bizi duten jazarpen egoera.

Sinatzaileek uste dute Aznarren gobernua bultzatzen ari den neurriak antidemokratikoak direla eta ez dutela ezer konponduko, aitzitik, Espainiako presidenteak berak aurreratu duen moduan, oinaze gehiago ekarriko dutela. Horien atzean ikusten dute ahalegin bat aldatzeko Euskal Herriko hauteskunde mapa eta mendekua hartzeko.

Garbi ikusten dute 2001eko irailaren 11k ekarri duela nazioartean aukera militaristak indartzea, baita Espainian ere. Espainiako gobernuak, ordea, erabiltzen du auzi hau beste arazo batzuk estaltzeko eta Espainiaren ideia erabat unitarista ezartzeko.

Batasuna legez kanporatzea ez da etorri berez, diote. Aurretik bazeuden hainbat arazo konpondu barik: ETAko presoen eta hauen familiartekoen arazoa, tortura salaketak, zigor neurrigabeak kale borrokan harrapatutakoei, eta orain Nafarroako euskaldunek pairatzen duten bazterkeria. Hauek guztiak salatzen dituzte idazleek.

Gogoratzen dute nola Francok lehenengo eta ETAk gero, landatu dituzten gorrotoaren haziak eta zein ondorio larri izan dituen bide horrek. Horregatik, gaitzetsi egiten dute idazleek Estatuak ere bide hori hartu izana.

Erantzunak

editorea

2002-09-27 : 14:42

Artikulu originala El Pais-en online edizioan, hemen

Atxaga eta Lertxundi barik, sinatzaile nagusi gisa Iban Zaldua eta Patxi Zubizarreta ageri dira.

patsi o'hara

2002-09-27 : 16:11

Gure idazleek idatzitako artikulu horretatik, koherenteena, zinez, titulua iruditu zait.

Erretolika hutsa. Alde bat eta bestea kritikatu, ondo, eta bitartean? zer?

Zer egiteko prest dago gutako bakoitza, egoera honi irtenbide bat aurkitzeko?

Zer egin behar dugu, Euskal Herriarentzat, Euskal Herriak berak, nahi duen eskenatoki bat topatzeko.

Euskal Herriak bakea behar du. Ados. Euskal Herriak askatasuna behar du. Ados. Baina horretarako, testu hutsak, adierazpen hutsak eta kondena hutsak baino beste zerbait behar dugu.

Gaztea naiz. Baina azken 25 urteak ezagutu ditut. Gaztea naiz, eta ez nituen Txiki eta Otaegiren heriotzak gertutik ezagutu. Baina oraindik, Txiki eta Otaegiak ezagutzen ditut, hilda batzuk, hiltzeko prest asko. Burgosko epaiketak egunero burutzen dira hemen, ilegalizazioaren nazioarteko erantzuna ikusi dugu...

eta irteerarik? konponbiderik?

Euskaldunok hartu beharko dugu hitza. Noizbait.

Intelektualak bitartean idatzi eta agiriak sinatu baino zerbait gehiago beharko dute proposatu, ezta?

Galdera asko ditut, kezkak bezainbeste.

Bitartean, zuei begira geratuko naiz. Pantailatik erantzuten ote didazuen edo...

pakenutzi

2002-09-27 : 16:43

Ez dut artikulua oraindik leitu, baina halakoak "alferrik" datozenik ez dut uste.

Xabier Letek behinola kantaturiko hura datorkit burura: "Eta poeta etxean gelditu da ateak itxita". Bada, bejondeiela idazleoi etxean itxita gelditzeko asmorik ez dutela argi dago eta.

Badea gainera euren esku idaztea baino ekintza eraginkorragorik? Ez dut uste.

Halako pertsonek hausnarketa sakonerako jana eskeiniko digute. Politikeria, alderdikeriak, estrategia traketsak etxekalte ditugu, Aznarrek edo ETAk guretzako erreserbatzen dituztuen infernuez aparte.

Gogoratzen dut Joseba Sarrionaindiak eta Benito Lertxundik esaterako azpimarraturiko ideia. Idatziz jaso nuen eta oroimenean gorde:

Euskaldunok estrategia amankomun, zurrun eta argia falta dugu.

Eta Xenpelarrek botatakoak botata ... (idatziz jasoa berriro) gu lehengo berean egonik ere... gogoeta ez zen alferrikakoa izan. Gogoetarik ezean jai daukagu. Argirik ez dugu ikusiko. Arrazoi zuen Xenpelarrek "iya guriak egin du" zioenean.

Baina erreparatuiozue bertsopaper berean hain ezaguna ez den estrofa honi. Gorde ongi gogoan, euskal deiturak dituzuenok: Ibarretxe, Balza, Legarda, Egibar, Otegi, Salaberria, Urrutikoetxea, Iparragirre, Antza... zuei dedikatua, hauxe bait datorkigu:

Gaitzak gerade umiltzen

eta pakian unitzen

Ez da erraz ibiltzen

anayak alkar iltzen

Zer dan entenditu gabe

ortan galduko gerade

Kike

2002-09-27 : 17:30

Ez dakit intelektualenak hautsak harrotuko dituen. Ibarretxek gaur bota duenak beharbada bai. Hautsak harrotu, esan nahi dut, hortik aurrera ikusi egin beharko da.

EITBko albiste honetatik jaitsi daiteke lehendakariaren hitzaldia PDF batean:

http://www.eitb.com/euskara/albisteak/albistea.asp?id=142575

Axier

2002-09-28 : 23:43

Ba ze esango dizuet nire uste apalean bai el paiseko artikulu horretan adierazitakoa bai PNVren asmakuntza berria berdina iruitzen zaizkit.

Betiko leloaren betiko leloa, alegia.

Atzera ere PNV, bere autonomia maitea eskutik joaten ari dela ikusirik eta jendearen grina lasaitu nahian botatzen du ordagotxo hau. Bitartean jendea lasaitu, eta dena pasatzen denean garaiak aldatu direla edo esanez, adio ordagoari.

Zenbat eta 12 hileko epearekin!! 25 urte hain esku egon gara autonomi ustel honetan eta oraindik ere epeak jartzen zeozer egiteko. Aurpegia behar da gero!

Eta El paisen argitaratutakoaz ba betiko, 3.bide magiko eta ezezagun horren bila dabiltza oraindik ere batzuk, antza. Gainera, PNVren mezu xinple berbera erabiliaz, batzuk oso txarrak dira eta besteak ere askoz maltzurragoak. Guk ordea erdian harrapatutako biktima txintxo batzuk baino ez gara.

Benetan nazka nazka eginda nago zentzurik gabeko mezu hauekin. 23 urte baino ez dauzkat eta iruditzen zait 24 urte eman dudala halakoak entzuten. Bitartean benetako arazoari heldu gabe, noski.

pakenutzi

2002-09-30 : 12:05

> Benetan nazka nazka eginda nago zentzurik gabeko mezu hauekin. 23 urte baino ez dauzkat eta iruditzen zait 24 urte eman dudala halakoak entzuten. Bitartean benetako arazoari heldu gabe, noski.

Ño. Ez horrela ernegatu, gizona! Zeure gaztetasunean konponbide sekretuaren jabe bazina, guztiokin partekatzeko eskatuko nizuke. Ez halere pentsatu orain PPSOEren egoitzak eta mitinak bonbardatzera doazenek hemen ezer konponduko digutenik, naiz eta euren odola ere ausardia handiz eskaini.

Nik ezin diet etarrei (zergatik arbuiatu Arestik berak ere erabilitako hitza?) agur eta ohorerik egin: Aitortzen dut halere euren sakrifiziorako gaitasuna, eta zenbaiten (nire) epelkeriaren aldean zer pentsatu ematen du horrek, ezen zazpi euskal herrien ideia elbarritu eta Trebiñoko zuloa duen CAV Euskadi dela sinesten utzi baitiogu abertzale omen zen askori.

Baina joder! Norbaitek esan zuen

ETAren komunikatuek Iturgaizek idatziak ziruditela... Gori-gori dagoen giltzari oratuz atea zabaldu... Ez aixkire!! Aterik zabaldu ez, eta gainera eskua erre-erre eginda, inoiz aterik zabaltzeko ezagauza geratu...

ETAk ezer konpondu ez eta aukerak hondatuko dizkigu, horretan bat dator eskal populuaren hamarretik bederatzi. Asier, izan zaitez hasiera, ez akabera!!!

zigor

2002-09-30 : 16:49

Adina jarri behar al da eantzun ahl izateko? neoni jesukriston adina izateko bidian naiz. Eztet uste zileitasunian ezer galtzeunik gazte, heldu zein zahr izateatik.

Beno, nei etzait gaizki iruitzen idazleek in dutena. Kontua da denok ematia zeozer, batzuk dena eman eztezaten. Hortxe dao koxka! bakoitzak hausnartu al du zer in dun, zer itten ai dan eta zer ittekoprest daon? etarrei "aitzakiak" kentzeko bide eokiena abertzale omen den herriak herria eta euskalduna izan nahi dula erakustia da. Bestela, zer dala ta utziko dio egurra ematiai dana galduta dunak? haien etorkizun hurbila zuloa, espetxea eo ihes einda bizitzea da. Besteik ikusten eztuten artian eurra gogotik ematen jardungoute, egoera muttur mutturrera eamaten (ba al litteke?). Irtenbidek ordun azaltzen omen (Mao).

Neoni kokoteaino nao euskaran alde lanian eta borrokan betikook aitzeaz azken aspaldion. Tartian eztao inposaketaik, ezta armaik e, baina...Ta holaxe gabiltza, autonomiak dana konponduko diula entzunaz baina euskaran alde ai dianak (AEK,adibidez) kakan truke lanian azken 30 urtetan! Hoi bai, ostialian Ibarretxei entzundakoekin seko harrittu nitzan. Egia ote? Bai zeeeaaaa! Ez omen deu aitzakiik oain. Azala behar hoi esateko...Beraz, 23 urteotan arrazoi izan al deu?

editorea (el paisetik hartua)

2002-10-10 : 14:40

Gaur beste artikulu bat irakurri dut antzerako titulua duena: Inutiles articulos vascos

Esaten direnean artean: Buena parte de los escritores firmantes, por cierto, pueden proclamarse tales porque al arrimo de la recuperación del euskera ven sus obras publicadas, subvencionadas, promocionadas en el sistema educativo, beneficiados en suma, por esa especie de clave de acceso para vivir fenomenal en que están convirtiendo al euskera.

Egilea: Vicente Carrión da, filosofia irakaslea Gasteizen.