Kale Gorria sareratu egin da
Kale Gorria aldizkaria nahiko ezaguna egin da Euskal Herrian. Bi hizkuntzatan kaleratu izan dute informazioa paper formatuan. Orain sareratu eta mundu guztira zabaltzeko asmoa dute. Momentuz, Interneteko bertsioa ere bi hizkuntzatan dago.
Kalegorria webgunean hainbat gauza aurki ditzakezu, baina oro har, informatibo bat dela esan dezakegu. Azken orduko berriak emateko modu bizkorragoa dela ezin ukatu. Orain notiziak kargatu eta kargatu jardutea besterik ez dago.
Hemeroteka ere garrantzitsua izango da on-line edizio honetan. Dakizuen moduan, hemerotekan berriak bilatzeko modurik erosoena Internetek eskaintzen du. Momentuz, gune berri honetan ez dago bilatzailerik, ordea.
Artzainak fundazioaren berri ere jasoko duzu webgune honetan. Zer da Fundazioa?
Entzutegi Nazionalak Ardi Beltzaren kontra hartutako errepresio neurrien ondorioz batzar bat egin zuten zenbait intelektualek eta abertzale eta ezkerreko gisa ibilbide politiko luzea duten pertsonak, izan ere, Baltasar Garzon epaileak aldizkaria ixteko asmoa zuela iragarri zuen. Han bildutakoek, une hartatik bertatik jazarritako argitalpenaren hutsunea beteko zuen beste aldizkari bat sustatzea eta planteamendu independentistekin, ezkerrekoekin eta internazionalistekin sortutako argitalpen ororen bermatzaile bihurtzea erabaki zuten.
Artzainak Fundazioak kide gehiago izango ditu laster, eta idazkaritza egonkorra izango du bere eginbeharren garapena bermatu ahal izateko, webgunean bertan esaten denez.
Bi hizkuntzatan dago gunea eta paperezkoaren lekua hartuko ez badu ere bere lekutxoa egitera dator sarera. Ikusi egin behar zenbaterainoko dinamikotasuna eskaintzen duten.
Erantzunak
Sustatu.com-ek era jatorrean argitaratutako "Kalegorria sareratu egin da" artikuluan, akats batzuk daude. Hemendik, hutsuneak betetzen saiatuko gara:
1) Kalegorria.net-ek urte bat bete du sarean dagoeneko. Data zehatza bilatu barik, 2001eko irailean izan zen gure web orrialdeko "jaiotza".
2) Biziki estimatzen dugu Sustatu.com-ek gure web orrialdeari buruz esandakoa, hots, "informatibo bat" dela. Dena den, guretzat edukin informatibo batetik nahiko urrun dago oraindik Kalegorria.net.
3) Albistez beteriko egunkari digitala izango da hemendik hamar egunetara Kalegorria.net, datorren irailaren 27an, formato berriarekin azalduko baikara Interneteko amaraunean.
3) Kalegorria.net bi hizkuntzatan izan bada ere, hemendik aurrera hizkuntza gehiago hartuko du bere gain. Alegia, galiziera eta katalana, euskara bezala, beren lekua izango dute, hizkuntza bakoitza bere arlo geografikoko berrietara mugatua egongo bada ere.
> 1) Kalegorria.net: 2001eko irailean izan zen gure web orrialdeko "jaiotza".
Barkamenak. Editoreak izandako "txibatazoa" ez da izan ona. Baliteke gaizki ulertu izatea ere... Zorionez, weblog-ek ematen dute hanka sartutakoan konpontzeko modua. Eskerrik asko zuen argibideegatik.
> 3) Albistez beteriko egunkari digitala izango da hemendik hamar egunetara Kalegorria.net, datorren irailaren 27an.
Espero dugu zuen kaleratze berria hurrengoan behar den moduan agertzea Sustatun. Badakizue nortzuk garen eta tresna ere ezaguna duzue dagoeneko. Gune berria daukazuela gurean anuntziatu gura baduzue idatzi notizia BWEB (Beste Webgune Euskaldun Bat) atalean. Zuzen zuzenean egin dezakezue zeuk idatzi atala erabilita. Besteala sustatu@sustatu.com helbidean gaude.
Iban (editorea)
/cache/Udako-Ola-2024_1_small_content.jpeg)
Portadan jarri dituzten irudi ziztrinak 320 k eta 180 k eta holako astakeriazko tamaina batekoak dira... Ordu erdi behar da orria ikusteko konexio arrunt batekin.