Teknologia albisteak

Front Line Compilation. Euskal Herria - Ipar Irlanda Arte topaketa

Eneko

2002-07-10 : 10:07

Front Line Compilation Ipar Irlanda eta Euskal Herriaren arteko arte topaketa bat da. 2002.ko Martxoan hasi zen eta uztailean bukatuko da. Beraz, hilebete honetan zehar Arte Ekimen honen azkenengo montaiak ikusi ahal izango ditugu.

DAE-ren esanetan Front Line Compilationek garrantzi berezia ematen dio arte garaikidea ekoizten den testuinguruari. Zentzu honetan, Ipar Irlanda eta Euskal Herriaren arteko kasuetan, erresoluzio politikoen gainetik, egunerokotasun gaitzat duten esperientzia kultural xumeak esperientzia berriak dakartzate; garagardo pinta bat hartzea, graffiti bar marraztea edo argazki bat ateratzea.

Front Line Compilation artea egitura politiko pisutsuetan etenaldi bat egiteko abiapuntutzat hartzen du eta identitate nazionala, gazteen azpikulturak, lurraldetasuna eta gizarte memoria bezalako gaiak aztertzen saiatu da.

Arte gertaera honetan, Irlanda Iparreko kasua eredutzat hartzea proposatu da, "case study" deituriko konparazio batean, baina hau ez bakarrik erreferentzia xinple baten moduan baizik eta ispillu deformante bezalako identifikazio prozesu batean. Horrela "lekuan" egiten den ekoizpen kultural bereziak, artea garaikidea eta artxiboko materialen bitartez aztertuko dira, sozio-politikoko testuinguruetan elkarrizketa berriak saiatzen.

DAErekin batera Arteleku, Donostia Kultura eta British Council aritu dira Front Line Compilation -en ekoizpenean.

Uztailerako programa:

5ean Goierri Konpeti Iñaki Garmendia eta Asier Mendizabal
10ean Ainara Garciaren Haircutting/Orrazkerak/Friseuren Fancine Aurkezpena
11tik 14ra, Susan Philipsz-en Wild of the Wind
12an Anni Fletcher & Daniel Jewesbury-rekin solasaldia, Artelekun, 18:00etan
13an Eoghan McTigue-ren Always La Equitativa eraikuntzan, 24:00etan.