Pirinioetako Atlas Estatistikoa
Euskal Estatistika Erakundeak (Eustat) Pirinioetako Atlas Estatistikoa argitaratu berri du. Lan horrek Pirinioetako hainbat alor aztertzen du, eta, besteak beste, gai hauei buruzko datuak biltzen ditu: demografia, produkzio-sistema, lurraldearen antolaketa, turismoa, enplegua, etab.
Eustatek aktiboki parte hartu du atlas horren lanketan eta argitalpenean, beste erakunde batzuekin batera: Akitania, Midi-Pyrenées eta Languedoc-Roussillon-eko INSEErekin, alde batetik, eta Nafarroa, Katalunia, Aragoi eta Andorrako estatistika-erakundeekin, bestetik.
Lanaren egiturari dagokionez, aurkezpenean (1. kapitulua), Pirinioetako perimetroa eta azterlanean erabiltzen diren analisi-unitateak zehazten dira. Izan ere, Atlas honek jorratzen duen Pirinioetako mendigunearen mugapenak 583 udalerri hartzen ditu Espainiako estatuan, 1.182 Frantziakoan, eta Andorrako 7 parrokiak. Horietarik, 84 udalerri Euskal AEri dagozkio. Pirinioetako mendikateak milioi bat biztanletik gora ditu, eta haren ezaugarri nagusiak 2. kapituluan aztertzen dira.
Biztanleria aktiboa eta biztanleriaren osaera (adinka, sexuka eta enplegu-motaka) 3. kapituluan aztertzen dira. Jarduerarik zaharrena, jakina, nekazaritza-abeltzaintza da, eta oraindik ere presentzia aipagarria du mendigunean (4. kapitulua).
Produkzio-aparatuko gainerako atalak establezimenduen motaren eta kokapenaren arabera aztertzen dira, horrek aukera ematen baitu lurralde-unitate bakoitzaren espezializazioa aztertzeko (5. kapitulua).
- kapitulua turismoari eskainita dago; garrantzi eta etorkizun handiko jarduera da mendikatean. Eta, azkenik, 7. kapituluan, Pirinioetako bizi-baldintzen askotarikotasuna erakusten duten adierazle batzuk jorratzen dira.
Erantzunak kargatzen...
