Autonomi erkidegoan 54 KZgune daude

Ekainean hasi ziren KZguneak txanpinoien pare jartzen. Ordutik 45 herritan 54 gune jarri dituzte. Nabigatu besterik egitea gura duenak ere egin dezake doan, baina espero ez bezalako ezustea ikastaroetan apuntatzen den jendeak eman du. Asko dira Informazioaren Gizartean txertatzeko nahiarekin hurbiltzen direnak. El Pais egunkariak jasotako elkarrizketan ikus daiteke edade ezberdinetak jendea gerturatzen dela KZguneetara.

Isidro Urtzelai Legazpiarrak, esaterako, 77 urte ditu eta bera baino askoz gazteago den jendearekin elkartrukatzen ditu mezuak. E-posta nola dabilen ikasi du, nabigatzaileak ere erabiltzen ditu, eta Windows pakete osoa nola erabili erakutsi diote. Ez dakit esan dioten Microsoft-ko produktuez gain beste gauza batzuk ere badaudela, baina en fin, Microren Macroan bizi gara eta... Windows, Explorer eta Outlook erabiltzen ikasi du.

Baina helburua betetzeko asko falta da oraindik. 2003 amaierarako 250 herrira gerturatu gura da Internet, gehiengoak ezagutu dezan ahalegina egin eta 36.000 herritarrek oinarrizko Internet erabiltzaile txartela lortu dezaten animatu.

Gune hauetan nabigatzen irakasten da, baina non nabigatzen du jendeak? Zein edukitara jotzen du? Euskarazko guneak non dauden erakusten zaie? Zein egunkari irakurtzen du KZ guneko ikasleak? Edo laburtuz, euskarazko edukiak non dauden lantzen dute irakasle horiek?