Errigora: auzolana, euskara, elikadura burujabetasuna

Errigoraren "Nafar hegoaldeko uzta eskutik eskura" kanpaina martxoaren 29ra luzatuko da, Nafarroako hegoalde eta erdialdeko produktuak erosteko aukera emanez. Oliba-olio birjina estra, kontserbak, arroza, pasta, lekaleak eta fruitu lehorrak. Kontsumitzeko beste eredu bat bultzatzeko asmoz, Errigora Balioak identifikatzailea sortu dute bertako elikagaien alde egiteko, euskara indartzeko, auzolana bultzatzeko eta ekoizpenean bidezko harremanak sustatzeko.