Argazkialdia 2013 Andoainen larunbat honetatik aurrera

Urko Vallejo: Gipuzkoa mailan argazkigintza sustatzeko jaialdi handi baten hutsunea sumatu izan dugu, eta bageneukan horrelako zerbaiti heltzeko gogoa, Getxon egin ohi dutenaren antzera, esaterako. 

Egitasmoa gauzatzen joan ahala, konturatu gara jaialdiak balore eta ezaugarri jakin batzuk hartzen joan dela, hasieran uste genituen helburuak baino handiagoak betetzen dituela. Azken batean, helburu ugari bete, edo behintzat ukitu nahi ditugu: besteak beste, argazkigintza sustatzea jendearengana iristeko aukera gutxi daukaten argazkilarien eta baita besterik gabe argazkizale direnen artean, Andoainen kultur giroa sortzea, Andoaingo taberna eta dendariak sustatzea horiek argazki galeriak bihurtuz...

 

U.V.: Gure artean lanerako eta gauzak partekatzeko gogo handia sumatzen da. Orain hiru urte sortu genuen elkartea, eta egun hogei bat bazkidek osatzen dugu. Gurea ez da elkarte tipiko bat, adiskide edo ezagunek sortzen dutena, baizik eta mundu ezberdinetatik abiatuta argazkigintzarako zaletasunak bildu gaituena. Nork bere abilitateak ditu eta lanbide ezberdinak jorratzen ditu (publizitatea, ikuskizunen muntaiak, gestioa...) eta hori dena jaialdiaren mesedetan jarri da. Era horretan, denok ere musutruk jardun arren, antolakuntza profesionala dauka aurtengo Argazkialdiak.

Hori bai, hainbat erakunde publiko eta pribaturen babesa bilatu dugu, eta eskerrak eman behar dizkiegu erakutsi duten prestutasunagatik. Hain zuzen ere, erakunde publikoengana jo dugunean erabat harrituta geratu dira egitarauak daukan dimentsioagatik eta guzti horrek daukan aurrekontu murritzagatik.

U.V.: Argazkia kalera atera nahi izan dugu, batez ere. Horrekin lortu nahi genuke jendea argazkira, artera, kulturara... erakartzea. Argazkia abiapuntutzat hartuta, kulturaren ikuspegi zabalera gerturatzea nahi genuke. 

Izan ere, Andoainek badauka gabezia alde horretatik. Esaterako, Basteroko erakusketa gela daukagu, baina apenas hurbiltzen den inor bertara. Moises argazkilariaren erakusketak erakutsi zuen jendeak baduela interesa, baina ohitura falta da.  

Andoainen gauzak nork bere bidetik, bakarka egiteko joera dago, eta gure irudipena da herrian giroa sortzeko, jendea kulturara erakartzeko errazagoa dela eragileak batzea eta ahaleginak horrelako jaialdi handietara bideratzea.  

 

U.V.: Aurtengoa frogatzat hartu dugu, ea herrian funtzionatzen duen ikusteko. Hala ere, gure asmoa jaialdia bi edo hiru urtetik behin antolatzea da. Egiten ez den urtetan, gustatuko litzaiguke jaialdia Gipuzkoara zabaltzea, beste argazki elkarteekin batera.

 

U.V.: Argazkialdiak eta Olatu Talkak gizarte eta kultura balio berak partekatzen ditu, hala nola, auzolana eta kultura ez elitista sustatzea, eta alde horretatik, zenbait ekitaldi (tailerrak, solasaldiak, argazki rallya...) elkarrekin antolatzea erabaki dugu.  

 

U.V.: Argazkilaritzaren sustapena bultzatzen dugu printzipioz, eta esango nuke argazkigintzan gutxi-asko sakondu duen horri begira antolatu direla, pittin bat teknikoagoa den Aitzol Arruabarrenaren tailerra ez beste guztiak. Argazkigintzan erakusteko asko daukan jendea etorriko da. Sona handikoak, eta sariak jasotakoak dira horietako asko: Alejandro Castellote, Pablo Artetxe, Iñigo Royo, Aitzol Arruabarrena, Maider Kuadra, Eduardo Ulanga, Eduardo Arreseygor... 

Egitaraua

• 10:30 Zumea Plaza. Erraldoi eta buruhandiak dultzaineroen laguntzarekin.
• 11:30 Goikoplaza. Altxorraren bila 10-12 urte bitartekoentzat.
• 18:00 Bastero. Irekiera ekitaldia.
• 23:00 Gaztetxea. Kontzertua: Wilhelm & The Dancing Animals, Oreindik.

• Kalez kale (Urigain Etxean, Goikoplazan, Zumea Plazan, Kale Nagusian eta Juanita Alkain Plazan):  “Andoain Atzo eta Gaur” (Eduardo Ulanga), “Leitzaran Bailarako Altxorrak” (Sergio Vallejo), “Herri erakusketa. Jar ezazu zure argazkia!”. 
• Bastero Kulturgunea: “Still Life-Irudi Isilak” (Jose Badia), Ferrotipoak. “Euskal Herriko Jantzi Tradizionalak” (Maider Kuadra), eta, “Enigma” (Eduardo Arreseygor).
• Urigain Etxea: “Idemtitas” (Gorka de Mateo eta Óscar Oliva), “Donostiako Jazzaldia” (Jose Ignacio Unanue), “Inguruko tokiak” (J.Mari Igarategi).
• Tabernaz taberna: Gipuzkoako argazkilarien erakusketak.
• Dendaz denda: “Andoain Atzo” herri lehiaketa. Oinarriak: argazkialdia.com
• Gaztetxea: “Gaztetxeko kontzertuak”.

• Maiatzak 18, larunbata. 16:30 Bastero: Ferrotipoei buruzko solasaldia Maider Kuadra.
• Maiatzak 24, ostirala. 18:00 Bastero: Andoain Atzo.

• Maiatzak 25, larunbata. 10:00-13:00 / 16:00-18:00 Bastero: Alejandro Castellote, XXI. mendeko argazkigintza.
• Maiatzak 26, igandea. 10:00 Gazte Lokala. Pablo Arteche, “Argazkilaritza estenopeikoa”. 12-18 urte bitarteko gazteentzat. Doan.