Teknologia albisteak

Shareak eta ColaBoraBora elkarlanean Eutokiako Hondartzan

Erabiltzailearen aurpegia
2012-12-20 : 18:08

Amaste taldeak, euren ColaBoraBora ekimenaren bitartez, Ondare komunaren eta herritarren arteko kolaborazioa sustatzeko dinamikak sortzen dituzte, kontzeptu hauek praktikara eraman ahal izateko zubiak eraikiz. Honela, ezagutu ginen momentutik, ColaBoraBora eta Shareak proiektuen arteko erlazioa ikusi, eta jakin genuen arinago edo beranduago elkarrekin lan egiteko aukera izango genuela, ondare komunaren irla multzoan dagoen ekonomia kolaboratiboaren irlatxoa ezagutu eta bere kalak eta amildegiak arakatzeko. Momentu hori pasa den asteartean izan zen (2012/12/18), Eutokian, Bilboko berrikuntza sozialaren elkargunean, egindako Hondartzan_15 ekitaldian.

20121218_181856

Egun honetan, ColaBoraBorako irletara etortzen diren ohiko bisitariekin, eta baita ekonomia kolaboratiboan interesaturik daudenekin batera, irla honek ezkutatzen dituen altxorrak bilatzeari ekin genion eta hauek eskuratzeko saiestu behar diren oztopo eta amarruak ekiditeko behar ditugun tresnak diseinatu genituen.

Hondartzan lanean

Zerk oztopatzen digu kolaborazio osoa lortzeko bidea? besteenganako urruntasunak? teknologia barrien garapenarekin etorri diren pertsonen arteko erlazio inpertsonalak beharbada? edota besteekiko aurreiritzietan sustraitutako konfidantza faltak? galdera gehiegi datortik burura. Baina beti ere galdera guztiek dute azkenean konfidantza kontzeptua atzetik.

Ezin dezakegu esan kolaborazioraren inguruko mamu guztiak usatzeko balio duen formula magikoa asmatu dugunik, baina ziur gaude astearteko ibilaldi hau oso baliotsua izan dela, gurekin egon diren abenturazale guztien laguntzarekin, irla misteriotsu honetako mapa garatzen hasteko.

Hondartzako mapa

Gure partetik, eskerrak eman behar diegu Amasteko kideei eta Hondartzan_15 ekitaldian egon zineten guztioi, espero dugu esperientzia gustatu izana eta prest gaude hurrengo batetan ere zuen gidariak izateko beste ibilaldi batetan, aurrekoan hasitako mapa hau osatzen joateko astiro astiro.

Eskerrik asko eta laster arte.

Hondartzan_15

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago