Elgoibarko Izarra

Euskarak ingurune digitalean duen presentzia eta eragina aztertuko dugu urriaren 5ean Elgoibarren. Egun osoko programa prestatu dugu eta Euskal Herriko 16 aritu eta aditu gonbidatu ditugu. Dagoeneko zabalik dago izena emateko epea. 

Gotzon Garate zenaren oroimenez urtero Elgoibarko Izarrak antolatzen duen zikloak 10 urte beteko ditu aurten. Kulturgintza izango da gai nagusia eta 21 kulturgile gonbidatuko ditugu Elgoibarrera. Urriaren 6an izango da (larunbata) eta egun osoko programa prestatzen dihardugu.

Elgoibarko Izarra Euskaltzaleon Topaguneak eta Elgoibarko Udalak euskalgintza eta feminismoa uztartuko dituen zikloa prestatu dugu elkarlanean. Urriaren 4tik 28ra izango da. Hitzaldiak, elkarrizketak, rap musika, erreportajea eta bertso-bazkari literarioa antolatu ditugu.  

Bost kronikatan jaso dugu Elgoibarko Izarra Euskaltzaleon Topaguneak eta Elgoibarko Udalak elkarlanean antolatu dugun Gure imajinarioa kantagintzaren bitartez ikastaroak eman duenaren laburpena. 10 orduko ikastaroa izan da, eta irakasleak Gotzon Barandiaran eta Rafa Rueda izan dira; idazlea eta musikazale amorratua lehena, eta musikaria bigarrena.

10 orduko ikastaroa izango da, eta kantagintzak euskaldunon imajinarioa eraikitzeko izan duen, eta duen, garrantzia landuko da. Elgoibarko Izarra Euskaltzaleon Topaguneak eta Elgoibarko Udalak elkarlanean antolatu dute ikastaroa, eta irailaren 30era arte eman daiteke izena. Animatzen zaretenok Elgoibarko Izarrara deitu edo idatzi behar duzue: 943 741 626 / elgoibarkoizarra@elgoibarkoizarra.eus.

Lorea Agirrek (Beasain, 1968) Bagara nor hitzaldia eskainiko du Elgoibarren, otsailaren 24an (asteazkena), Kultur Etxeko hitzaldi-gelan, arratsaldeko 19:00etan hasita.

Larunbat honetan, azaroak 14, Ederlezi pastorala ikusteko aukera izango da Elgoibarren. Pastoral honek XVII. eta XXI. mendeen artean Euskal Herrian bizi diren ama baten eta bere zazpi alaba ijitoen istorioa kontatzen du. Familia bati jarraituko diogu, mendez mende eta herriz herri, Bizkaitik Zuberoara, Lapurdiko sorginen ehizan edo Bigarren Mundu Gerran sortzen duten miresmenaren edo gorrotoaren testigu.

Etsita eta mutu geratu zen euskal jendea Francoren diktadura gure gainera jausi zenean. Euskal Herriko paisaia iluna zen benetan, eta erdara gero eta toki zabalagoa hartzen hasi zen, euskararen kaltetan. Hala ere, 1960ko hamarkadan, berriro esnatu zen euskaldunak izateko nahia. Horixe izan da "Euskara jendea" ikastaroaren azken saioko gaia. Bai, amaitu da Elgoibarko Izarra Euskaltzaleon Topaguneak eta Elgoibarko Udalak elkarlanean antolatu dugun ikastaroa. Eskerrik asko Xamar zure laguntzarengatik. 

Bagoaz, poliki-poliki, gure hizkuntzaren historia hobeto ezagutzeko bidean, Xamar bidelagun hartuta. "Euskara Jendea" ikastaroaren bosgarren kapitulura iritsi gara, eta seigarrena baino ez zaigu falta ikastaroa amaitzeko (ikus aurrekoen laburpena). Azken-aurreko kapituluan, gerra artean bere burua altxatu nahian dabilen Euskal Herria ikusi dugu.