Emakumeak Zientzian: egitarau zabal bat otsailean

Hasiera ekitaldia otsailaren 6an egingo da Bilbon. Bertan, bideo bat aurkeztuko da, testigantza gehiago partekatuko dira, eta boluntario guztiak eta erakunde batzuetako ordezkariak elkartuko dira. Ekitaldi horretan, Maitena Salinasek Emakumek Zientzian ekimenaren hazia nola sortzen den erakutsiko du, hainbat eragileren parte-hartzearekin.

Gero, batik bat otsailaren 7tik 14ra bitarteko astean egingo dira Emakumeak Zientzian 2025 ekimeneko jarduerak. 60 ekintza baino gehiagoko egitaraua hemen kontsulta daiteke. Programa zabala eta askotarikoa diseinatu dute, ekintza kolektibo txikiek, denboran zehar irauten dutenek, eragin eraldatzailea sortzen dutela azpimarratzeko. “Zientzialari baten lanetik hasi eta neskato batengan pizten den jakin-minaren txinpartaraino, ekarpen bakoitza aldaketa erreal, sakon eta jasangarri bat elikatzen duen hazia da”, azaldute dute Emakumeak Zientzian ekimenaren antolatzaileek asteartean Bilbon emandako prentsaurrekoan.

Egitarauan azpimarratzeko:

• Publiko orokorrarentzat, Donostian, Bilbon eta Gasteizen, Emakume Zientzialariak Atzo eta Gaur zientzia-ekitaldiek hainbat ikerketa-arlotan lan egiten duten emakumezko zientzialariak bilduko dituzte.
• Ikasleek ikerketa-zentroetara egin ohi dituzten bisitez eta tailerrez gain, aurten Eskolara itzulera jarduera egingo da. 60 emakume ikertzaile baino gehiago joango dira ikastetxeetara beren esperientziak kontatzera eta ikasleen artean bokazio zientifikoa pizten laguntzera
• Esperientziaren boterea izenburua duen jarduerari esker, 55 urtetik gorako emakumeek  kulturaren transmisioan duten zeregina nabarmenduko da.

Dagoeneko irekita dago ekintzetan izena emateko epea EmakumeakZientzian.eus  webgunean.