Teknologia albisteak

Baserritarren produktuen azokak, azkenean baimenduak

Erabiltzailearen aurpegia
Sustatu
2020-04-11 : 16:06

Astean albiste zurrunbiloa izan da: Eusko Jaurlatitzak baserritarren produktuen azokak debekatu behar zituela... herri batzuetan, guztiarekin, egin egingo zituztela. Azkenean erabakian atzera egin du Jauraritzak, eta azoka hauek baimenduta geratu dira. Koronabirusari buruzko eguneroko agerraldian egin du iragarpena gaur Estefania Beltran de Heredia Eusko Jaurlaritzako Segurtasun sailburuak.

Hain zuzen ere, nekazaritzarekin lotutako hainbat elkartek sinadura bilketa hasi zuen larritasunez asteon, merkatu eta azokak irekita izatearen alde.

Pandemiaren garai hauetan, nekazari txikien egoeraz kezka handia dago. Ekimenak egon dira martxoaren erdialdetik neurriak eskatuz. Apirilaren 8tik #SosNekazariak kanpaina ere abian dago, eta Espainiako agintariei zuzendutako gutun batean zentratzen da. Hor nabarmentzen da, besteak beste, azoka hauek zelako garrantzia duten:

"Ekoizpen txiki eta agroekologikoetako elikagaien komertzializazioaren adierazpen aberats, dinamiko eta seguruetako bat hurbileko merkatu ez-sedentarioak dira. Horietan, denboran maiz egiten diren hitzorduen bidez, nekazariek, abeltzainek eta artisau-ekoizpen eta -eraldaketa txikiek zuzenean, bitartekorik eta ia desplazamendurik gabe, elikagai freskoak, osasungarriak eta ingurumena, klima eta pertsonak errespetatzen dituztenak merkaturatzen dituzte".

Pandemia garai hauetan, abantaila hauek dituzte merkatu hauek:

  • Normalean, aire librean edo hornidura-azoka bezalako leku handietan egiten dira, espazio itxietan egin beharrean, non errazagoa da segurtasun-tarteak mantentzea.
  • Bitartekarietatik pasatzen ez diren elikagaiak eskaintzen dituzte, askotan baratzetik erosketa-otarreraino zuzenean doazenak, kutsadura-aukerak gutxituz, merkataritza-katearen mailak handitu ahala handitzen baitira.
  • Hurbileko merkatu ez sedentarioetako elikagaiak ez daude ehunka bezeroren eraginpean, kutsadura-iturri izan baitaitezke.
  • Hurbileko merkatu ez-sedentarioak ekoizleek eurek kudeatzen dituzte. Ekoizleek, legez, prestakuntza handia dute higienearen eta osasunaren arloan, eta, beraz, prest daude ekoizpenak baldintza ezin hobeetan saltzeko eta eskakizun berrietara egokitzeko.
  • Nahitaezko konfinamendu-une hauetan ezinbestekoak diren elikagaiak eskaintzen dituzte, nutrizio-kalitate handiagokoak, pertsonen immunitate-sistema indartzeko garrantzitsuak.

Honako irudi honetan baserritarren erreibindikazio horietarik asko:

Erantzun

Twitter ikonoa  Facebook ikonoa  Sartu