Teknologia albisteak

Jarduera teknologiko produktibo euskaltzaleak itxialdia aprobetxatzeko

Erabiltzailearen aurpegia
Sustatu.eus
2020-04-05 : 19:58

Joxe Rojas teknofilo euskaltzaleak artikulu sorta interesgarria osatu du aste honetan Teknopata bere blogean. Denborapasa teknologiko produktibo euskaltzaleak proposatu ditu zazpi egunez, "itxialdia arintzeko". Bildumatxo praktikoa egin dugu guk.

  1. Zuzentzaileak. Xuxen ordenagailurako, baina baita teklatu prediktibo egokiak mugikorretarako.
  2. Firefox instalatu. Nabigatzaileen artean euskarazko nabigazioa ziurtatzeko onena (interfazea osoki euskaratua egoteaz aparte, jakina). Eta software librea da.
  3. Android mugikorra euskaratu. Eskuzko konfigurazio batzuk gomendatzeaz gain, LehenHitza.eus webguneak eskaintzen dizun sistema automarizatua ere gomendatzen du Rojasek.
  4. Ordenagailuko sistema eragilea euskaratu. Windows eta Linux-erako aukera xehetuak, baina MacOS sisteman dagoen ezintasunaren aurrean, gutxienez ezarpenetan euskara hizkuntza lehenetsi hisa ezartzeko modua.
  5. Kolaboratu Common Voice proiektuarekin. Ahots errekonozimendua euskaraz (eta hainbat hizkuntzatan) egiteko proiektu librea da Common Voice. Hemen Sustatuk atera zuen tutoriala, nola elikatu Common Voice.
  6. Libre Office jarri eta erabili. Ez baitago inolako beharrik Microsoft Office paketea erabili behar izateko, bere osagai guztiak dauzkate parekideak euskaraz eta libre: Powerpoint? ez, LibreOffice Impress bestea bezalakoa da. Eta LibreOffice Writer, noski, edozer idazteko behar den guztiarekin (baita Xuxen zuzentzailea bertan integratzeko moduarekin).
  7. Ausartu Linux euskaraz instalatzen. Erronka zailena, beharbada, baina Rojasek hiru distribuziorekin saia gaitezkeela esaten digu:

Eskerrik asko, Joxe Rojas. Bilduma ederra egin duzu.

Erantzun

Twitter ikonoa  Facebook ikonoa  Sartu