Gure planetak jarraitzen du berotzen: 2017 izan da neurtu den 2. urterik beroena, El Niñorik gabeko beroena #AldaketaKlimatikoa

Nazioarteko Meteorologia Erakundeak (WMO), NOAAk eta beste zenbait erakundek eman dituzte azken datu ofizialak, urtean zehar aurreikusten zena baieztatzera datozenak: aldaketa klimatikoak eta berotze globalak ez du atsedenik. Historiako 2. urterik beroena izan da iazkoa, eta El Niño fenomeno atmosferikorik gabeko beroena. Ozeanoen tenperaturari dagokionez ere, gorantz jarraitzen du eta inoiz baino tenperatura altuagoa izan dute 2017an zehar.

Errekorrak metatzen jarraitzen dugu, gainera. Historiako 3 urterik beroenak azken hirurak izan dira (2015-2017), eta 2001. urteaz geroztik igaro diren 17 urteak izan dira sekula neurtu diren beroenak. WMOren iritziz, datu hauek berresten dute aldaketa klimatikoaren aurka hartu diren neurriek ez dutela oraingoz eraginik lortu eta planeta gero eta beroagoa dela. 

Berotze hori planeta osoan nabari da eta, bereziki, Artikoan. Goiko irudian azaltzen dira 2017ko tenperatura, 1981-2010 tartekoekin alderatuta. Artikoko eskualde batzuetan ohikoa baino 5-6 gradu gehiago izan dituzte iazko urtean zehar.

NASAren Twitter kontuan bota dituzten bi animazio hauek aski argigarriak dira. 

2017 was Earth's second hottest year since global estimates became feasible in 1880. The year continued a decades-long warming trend – 17 of the 18 warmest years have now occurred since 2001. pic.twitter.com/PrEyOINNVs

— NASA GISS (@NASAGISS) 2018(e)ko urtarrilak 18

The five warmest years on Earth have all occurred since 2010. pic.twitter.com/p4TUJ8uqNY

— NASA GISS (@NASAGISS) 2018(e)ko urtarrilak 18