Teknologia albisteak
1

Itzultzaile berriak Gencat webgunean

Erabiltzailearen aurpegia
Inaki Irazabalbeitia - Eleka Ingeniaritza Linguistikoa
2008-11-13 : 09:11

Kataluniako Generalitateak itzulpen automatikorako duen webguneak hizkuntza-bikote berriak ipini ditu erabiltzaileen esku Opentrad partzuergoak garatutako kode irekiko Apertium teknologia usatuta

Aranera, Aran haranean mintzo den okzitanieraren aldaera ofiziala da Katalunian. Horrek ondorio praktikoak ditu eta horien artean Generalitatek hiritarrei eskaintzen dien itzulpen automatikoko webgunean hizkuntza horretarako baliabideak integratu izana. Joan den astean publiko jarri ziren aranera-katalana, aranera-gaztelania, okzitanera-katalana eta okzitaniera-gaztelania.

Sistemaren garatzaile nagusiak Alacanteko unibertsitateko bi enpresa izan dira Taller Digital eta Prompsit Language Engeniering. Unibertsitate horrek berak eta Pompeu Fabra unibertsitateak garatutako baliabide linguistikoak ere erabili dira.

Lana ez da noranahikoa izan. Okzitanierak ez du aldaera estandar onarturik eta horrek arazoak sortzen ditu ingeniaritza linguistikoko baliabideak garatu nahi direnean. Aranera okzitanieraren aldaeretako bat da, gaskoiaren, zein okzitanieraren dialekto nagusienetako bat den, aldaeretako bat da hain justu. Bestetik, itzultzaile automatikoan okzitaniera moduan izendatutako hizkuntza-moldea berariaz garatutako estandar bat izan da. Estandar hori definitzeko jatorri dialektal desberdineko aditu-talde baten laguntza izan dute garatzaileak. Okzitaniera estandarrak languedocera du oinarrian. Ikustear dago okzitaniera estandar horrek lortzen duen onarpen-maila, baina dudarik ez dago arrakastarik izango balu, lagungarria izango litzatekeela okzitaniera teknologia berrien trena eroso hartzeko eta hizkuntza beraren iraupenerako.

Erantzunak

Mikel L. Forcada
2008-11-13 : 15:35

Apertium plataformaren garapena 1999an interNOSTRUM.com espainiera-katalana sistemaren teknologiarekin hasi zen Alacanteko Unibertsitatean. Geroago, 2004an, Opentrad partzuergoaren barruan, kode irekira pasatu zen eta Apertium izenarekin argitaratu zen. Gaur egun, Apertium proiektuak berezko bizitza du (euskaratik espainierarako itzultzailea argitaratu zen atzo, ikus www.erdaratu.eu), eta bai Opentrad-eko eta bai Opentradetik kanpoko garatzaileak ditu mundu osoan. Apertium plataforma irekia izanez gero, edonork parte har dezake garapenean.



Apertium-en egiten ari dena ezagutu nahi duenak, www.apertium.org webgunea bisita dezake.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago