Teknologia albisteak
3

BasqueCamp2, ekitaldi elebidun baten kronika

Erabiltzailearen aurpegia
Bruno Bord 'No' - BasqueCamp2
2008-10-20 : 17:10

BasqueCamp2 bukatu da. Hogeita hamar partehartzaile baino gehixeago, dozena bat inguru aurkezpen, eta giro ezin hobea egin osoan zehar. (Urriaren 18an izan zen ekitaldi hau, eta Bruno Bord 'No'-ren kronika euskarara itzulita dakarkizuegu hona, haren blogeko edukien lizentziari esker).

Nire aldetik bi gai aurkeztu nahi nituen, eta gustura geratu naiz. Ikusi nahi badituzu, hemen dituzu, nire aurkezpenen orrian. Batean, bost lagun izan nituen entzule, bestean hamar. Pertsona interesgarriak, eta interesatuak; polita da aurrez aurre ehun geek budin-jale izatea.

Kezka nuen joan aurretik, elebitasuna nola irtengo zen, aurkezpenen erdiak euskaraz izan baitzeren, baina erran behar dut oso sorpresa atsegina izan zela niretzat aldi bereko itzulpena zein erraz egin ahal izan zen. Areto nagusiko hizketaldietan, kaskoetatik Juan Etxenikeren itzulpen primerakoa erretransmititu ziguten. Hizlaria frantsesez ari ala euskalduna izan, aurkezpen guztien jarraipena egin ahal izan dute partehartzaoleek.

Segur naiz era honetako bilkurek etorkizuna dutela, nahikoa da partehartzaileek jokoan apur bat sartzea, eta harri bat jar dezaten eraikinean. Webgune baten sorreraz hitz egin zen, aldi berean izan zedin BasqueCamp-en erakuslehio publikoa, eta hurrengo ekitaldien antolakuntzaren giltzarri. Maukak bildu beharko ditugu (eta aukeratu beharreko eduki-kudeaketarako sistemaren eztabaida antzua albo batera utzi, ezagutzen baititut proiektuak huskeria horrengatik hil izan direnak), eta publiko zabalago batentzat hurrengo ekitaldia antolatu, hau bezain aberats eta funtsezkoa, gutxienik. Ondo ikusiko nuke gai baten gaineko atelierrak egitea, aplikazio garapenari emaniko sprintak, denetarik... Eta zergatik ez bi eguneko ekitaldi bat, gainerako Barcamp-etan egiten den bezala?

Eguneko nire argazkiak Flickr-eko nire galerian ditut. Beste batzuenak ere azalduko dira.

(Eta honenbestez utzuko dut, uste baitut Ttirritt ikaraz izango dela hurrengo hilabeteetarako utzi diogun lanarekin)

Erantzunak

haritz rodriguez
2008-10-20 : 20:47

Gorka Juliok eskainitako hitzaldien inguruko pare bat bideo ere sareratu dituzte: Etorkizuneko sarea eta USB bidezko irrati emisioak


Sustatu
2008-10-21 : 10:41

Beste bi kronika, bat Gorka Juliorena berarena euskaraz, eta beste bat frantsesez.


xa2er
2008-10-21 : 11:17

Nire iritziz Basquecamp2-ean hizkuntzekin sortu zitezken arazoak gogo eta borondate onez gainditu genituen. Ni frantsesarekin larri-larri nabilelarik, Brunoren hitzaldia CCei buruz eta Juan Etxenikek Joomlari buruz emandakoak jarraitzeko moduan izan nintzen nire aldamenean Jacques eta Thierry itzulpen lanak egiten izan bainituen. Azkenean, horrelako "arazoak" jendearen artean sortzen diren sinergia/konplizitate/giro onaren bitartez konpontzen dira ta aurreko larunbatean horren adibide bat izan genuen.



Bestalde, Basquecamp2ak bai bete zuela nire iritziz beste funtzio bat eta hau han bertan lagun batzuei aipatu nien.



"Saltsa" teknologiko hauen inguruan elkarretaratzeak egin direnean, edo behintzat nik parte hartu ditudanetan, nagusiki Gipuzkoa eta Bizkaiko partehartzaileak izan dira, alegia, gai hauen inguruan Lapurdiko eta orokorrean Iparraldeko kiderik ez dut ikusi. Zentzu horretan, Basquecamp2ak bai bete duela gai hauen inguruan interesa duen jendea elkar ezagutzeko, esperientziak partekatzeko... funtzioa.



Giroa primerako eta jende jatorra, lan fina egin du Thierryk. Ea Basquecamp3an elkar ikusteko aukera dugun!

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago