EHUX: GNU/Linux banaketa EHUrako

Zergaitik GNU/Linux banaketa berri bat? Beti gauza berbera gertatzen da: agintariek, dominaren bila, beraien banaketa proposatzen dabe, jendia pozik, baina... GNU/Linux erabiltzen dogunok gure banaketeekin jarraituko dogu, eta erabiltzaile berriek banaketa hori erabiliz isolatuta geratuko dira.



Ubuntu-a edota Debian-a euskaratzea erabat hobeagoa izango litzateke, baina urrezko domina lortzeko EHU edo Euskal jarri behar ;-(

> Hispafuentes enpresa madriltarrak Ubuntun oinarritutako GNU/Linux banaketa egingo du Euskal Herriko Unibertsitate publikorako. Banaketa EHUX deituko da.



Gauza bat, hemen Euskal Herrian ez dago jendea egiteko distribuzioa edo?



> Gazteleraz izango da, baina gaur egun euskaraz dauden itzulpen guztiak gehituko ditu.



Gainera hori. "EHUX" erderaz. Hobeto izango zan itzulpena egitea, beste distribuzio berri bat baino.

Ni behintzat ados nago banaketa gehiegi egiten direla, bakoitza izen ezberdinarekin ondoren agintariek dominak jartzeko. Espainiako autonomi erkidego askok eta askok atera dituzte banaketa ezberdinak, denak antzekoak baina izen eta gaiak aldatuta.



Oso polita irudituko zaio EHUri banaketa propio bat izatea. Baina benetan beharrezkoa al da? Erabiltzaile arruntak erraz nahas daitezke hainbeste banaketa-izen ikusita eta ikaratu ere bai, zenbait intentzio atzera botaz. Honen ondorio izan daiteke norbaitek gnu/linux banaketa bat probatu nahi ez izatea, adibidez.

Gainera, banaketa gazteleraz izango da. Euskaraz dauden itzulpenak gehitzeak ez du aparteko esfortzurik eskatzen. Arduradunei seguraski ez ziela lan gehiago suposatuko itzulpen frantsesak edota alemanak gehitzeak.



Hortaz, nik uste dut itxura besterik ez dela euskarazko itzulpenak gehitzearena. Denbora eta inbertsio gehiago egin zezaketen itzulpenak egiten, hortan beharra egon badagoelako.



Bestalde, 2004-2005 ikasturtean ikasle talde batek egindako banaketa bat aurkeztu ziguten klasean. Ez dakit lan hori ere aintzakotzat hartuko zuten.



EHUk zer lortu nahi du banaketa honekin? Zerbait egiteagatik egitea? (beste askok egin dutelako?) Oso polita bai... baina gero ea EHUko zenbat ordenagailutan ikusten dugun gnu/linux banaketa bat ezarrita. Nik oraingoz ez dut bat bera ere ikusi (zerbitzari pare bat kenduta), eta dena windowspean egoteaz gain aplikazio guztiak erdara hutsez daude.



Seriotasun pixkatekin har dezatela ba euskararen kontua banaketan (eta ondorioz, aplikazioetan), itxura kontua besterik ez dela ematen baitu. Eta ez daitezela besterik gabe itzulpenak egiten dabilen jendeaz baliatu euskara lehenesten dutenaren itxura egiteko.

> Hispafuentes enpresa madriltarrak Ubuntun oinarritutako GNU/Linux banaketa egingo du Euskal Herriko Unibertsitate publikorako. Banaketa EHUX deituko da.



Ez al dago EHU ko ikaslerik distribuzioren bat egiteko asmoakin? Ez al zegoen talde bat jada lan hori prestatzen? Ez al da karrera bukaerako proiektu interesgarria?



> Gazteleraz izango da, baina gaur egun euskaraz dauden itzulpen guztiak gehituko ditu.



Zergatik ez alderantziz?



> Gainera, Hispafuentes enpresak aholkularitza eskainiko dio EHU-ri zenbait alorretan: formakuntzan eta, besteak beste, ·itzulpenerako erraminta libreen erabilpena, EHUX-en euskarazko lokalizazioa jarraitzeko."



EHUX-en lokalizazioa? zer da hau, ile-hartzea ala? ez al dira aplikazioak berak lokalizatu behar ala? ez al da interesgarriagoa hau, ez etxea teilatutik astea baino? ez al dago euskalherrian (euskalgnu, librezale, ...) lokalizatzen dakien eta egiten duen talderik ala?



Arren, norbaitek ba al daki EHUko zeinek eskatu eta baimena eman duen lan hau prestatzeko? Nik printzipioz atzerapausu bat bezala ikusten dut EHUan honelako gauzak gertatu behar izatea...