Plazaratua ARGIAren 2005eko Euskal kulturaren urtekaria

ARGIAren erredakzioak eta ARGIAren kolaboratzaileek urtero taxutzen duten liburuak hogeita batgarren edizioa du aurtengoa, eta ohi legez, aurreko urtean euskal kulturan gertatutakoa biltzen du.

Bi zati nagusi ditu urtekariak bata da Kulturaren aurkibide eguneratua, elkarte zein pertsonen helbideak, weguneen helbideak... 8.000 erreferentzia baino geiago eta kontsultagarri www.argia.com webgunean ere. Bestea, sailez sail:

Hamazazpi atal nagusitan sailkatua, bakoitzari dagozkion kronologia, iritziak, datuak, infogramak, elkarrizketak eta arloa ezagutzen duen kolaboratzaile baten sarrera orokorra aurkituko ditu irakurleak. Ondoren, Anjel Lertxundiren eta Jon Alonsoren 2004ko kronika bana, “Urte zahartu berriaz” eta “Gurpilaren erradioak” hurrenez hurren.

Laburpen-sarrera artikulua idatzi duten adituak:

. Administrazioa (Iñaki Arruti)
. Antzerkia (Eneko Olasagasti)
. Artea (Ismael Manterola)
. Bertsolaritza (Igor Elorza)
. Dantza (Oier Araolaza)
. Euskalduntze-alfabetatzea (Sagrario Aleman)
. Euskarri elektronikoak (Jose Antonio del Moral)
. Hizkuntzalaritza (Alvaro Rabelli)
. Irakaskuntza (Ainhoa Azpiroz)
. Kulturgintza (Elixabete Garmendia)
. Literatura (Eider Rodriguez)
. Musika (Gorka Urbizu)
. Normalizazioa (Malores Etxeberria)
. Prentsa (Xabier Letona)
. Telebista-Irratia (Edorta Arana)
. Unibertsitatea (Iñaki Zabaleta)
. Zinema (Xabier Portugal).

Sareari dagokiona jaso dugu laburpen modura: Del Moralek eginiko errepasoa urteari

Google, telendro...

• "Googleren famak oihartzuna izan zuen Euskadin, bereziki enpresetan, beraiek baitira hitzen bidezko kontsultetan emaitza onak lortzeko interes handiena dutenak. Arabako internauta batek iturri oparoa aurkitu zuen hor, Espainian zehar gaiari buruzko ikastaroak emanez, eta bizkaitar batek ateratako posizionatze lehiaketak Latinoamerika guztiko konpainiak erakarri zituen. Googlen "Telendro" hitza idatzita konpainia lehenengo postuan ateratzea lortu behar zuten lehiaketako parte-hartzaileek".

Egunkari digitalak

• "Sarean dirua irabazten hasi direnak egunkari digitalak dira, tokiko publizitatearen garapenak lagunduta. EITB.24 eta Hator.com-en berrikuntzak salbu, euskarazko Internetek ez du apenas aldaketarik jasan 2004an zehar".

Soft librea

• "Software libreari dagokionez, urteko gertakaririk garrantzitsuena bolondresen elkarteen bilera izan da, orain arte probintzietan zatikatuta eta gutxi koordinatuta".

Explorer, Mozilla, Firefox

• "Orain arte merkatua ia guztiz monopolizatzen zuen Internet Explorerrek beheraka egin du Mozilla Firefox nabigatzailearen mesedetan"