Erregea sustatun. Erregea sustatuz.

Ez da lehenengo aldia erregea Euskal Herrira datorrela. Sustatutik ez zaio jarripenik egin sekula, ezta kulturarekin lotutako inaugurazioak egin dituenean ere. Eta hori Sustatuk, teknologia, ekonomia eta kultura dituela goiburutzat.

Hau blog bat da eta jakin badakizu(e) Sustatuk ateratzen dituela Sustatuk idazten dituenez gain artikulu asko. Horra! Agindutako moduan sarean hau ere.

Goiena.net-en bai, goiena.neten agertu da erregea, adibidez, albiste honetan Ibarretxe eta Cataniarekin-eta batera. Lehenengo aldia da Debagoienera datorrena. Goienkarian lau orri, GOIENA telebistako albistegian minutu asko, irratian zuzeneko konexioak eta goiena.net-en ere bi albiste eta atzoko portada denbora askoan, hamar bat erretratu... Erregeak nahikoa lan :-)

Patxi, merezi duten errespetu guztiarekin, bisita horiei buruzko komentarioak ez dira blog serio baterako, etxekoandren orduak betetzeko baino ez dute balio: ileapaindegian, ogitegiko kolan, ...

Ikusi bestela Etxekoandreak OI ! blogean:

Boboiak datozela

Borboiak pasa dira

aio.

Erregearena ileapaindegiko gaia dela diozu. Barkatu, baina bera da Espainiako agintari nagusia. Zerbaitegantik gonbidatu dute.

Atzo greba egin zuten lagun askok Arrasaten, ikurriñak ikusten ziren balkoietan, polizi indar ezberdinak izan dira aste guztian fabriketan bertan. Lantegi batzuetan lan orduak aldatu egin dizkiete, langileak etxera joatera gonbidatu zituzten, eta lanuzteka, manifestazioak eta helikopteroak ikusi nituen nik neuk Arrasaten.



Ileapaindegian ere komentatu zezaketen, bai. Nik neuk itxita ikusi nituen atzo eguerdian Arrasatekoak.



Fribolidade hori blog serio batean diozu. Euskal Herria da gure blog serio hori, gura baduzu. Ez da txantxetarako gaia. Ulertuko duzulakoan.

Hona Gasteizko horma eta telefono kabinetan jarri dugun erre(t)kordatorioa, Arrasaterako ere balio duena.

ERRE(t)KORDATORIOA

Berba gutxiago eta ekintza gehio.Mesedez, merezi duen diosala eta gorazarrea "gure" Estatu-buruari.

Ala zer uste duzue pentsatu duela berak honakoan, atzerriko herrialde batera zihoala? Kar kar... Ejertzituko estatu nagusiko burua. Erreberentziaz (eta aurreskuz, prefosta.. laxter Hiperretako seguratek ere aurreskuz zabalduko digute ate mekanikoa, o ze aspergarria!!) tajuz egin behar zaio agur.

Etxekoandreentzako gaia dela dio norbaitek, penagarria iruditzen zait horrelako tratamendua ematea horrelako gai bati,.



Are gehaigo gertaera hau nola jazo dugun ikusita, aurrena MCC Mondragon CORPORACION cooperativa (Corporacion cooperativa baino gehiago) delakoan buruzagi batzuk koopetatibista mordo baten izenean gure herriak mendeetan jasan duen errepresioaren gaur egungo Lehen arduraduna gonbidatzen du, eta , agian atzo norbaitek esan zidan moduan zenbakiak eskutan egingo zuen gonbidapena, baino gonpidabena ez da izan onartua kooperatibisten inongo biltzarretan.... eta hori, ba ez da oso eredugarria ez eta koerentea kooperatibismoaren filosofiarekin......



Bagenekien Arizmendiarretak ezarritako eredutik at zebilela MCC azken urteotan baino.... hau.



IBAN aranzabalek dio ez dela egin inoiz berbarik errege espainolataz ezta kultur kontuetara azaldu denean gure lurretan..... Egunkariaren itxieratzan hitzengin bada blog honetan, edo eta Aralarreko zuzendaritzara sartu baino hiru egun lehenago Kazetari batek Xirika eta Matraka aldizkariei buruzko artikulu benenoso bat argitaratzen badu min egiteko asmoz agian? zergatik ez dugu hitzegingo erregeatzan gure herriaren arazoaren muinean dagoen pertsonai bat bada, eta blog honen gaiak guztiz ikutzen baditu, eta gainera GOIENA bada sustaturen sustatzaile nagusitako bat.....



Onartu ezazute patxiri eranzun diezuenok, Oso komodoa da guruaren egiten ibiltzea Blog batean konpromezu minimoa eskatzen duten gaietan.... baino gero noski zergatik hitzegingo dugun erregeataz???? Etxeko andreen kontua da ......



Horrela jendearekin, Erregeak etorri zaizkigu hemendik 200 urtera ere....

Ironia, adierazi nahi denaren kontrakoa esatean datza. Aldrebesa gertatzen da batzuetan. Barkatu ez bada ondo ulertu aurrerago esandakoa.

Bidebatez, aurkitu dudan blog berri bat plazaratu nahi nuen, ez gehiago.

>
> Fribolidade hori blog serio batean diozu. Euskal Herria da gure blog serio hori, gura baduzu. Ez da txantxetarako gaia. Ulertuko duzulakoan.

Dena den, informazioa tratatzeko era asko daude. Ezkontza baten inguruan, egunkari askok orriak eta orriak betetzen zituzten bitartean, Egin-ek ohartxo bat baino ez zekarren 1997 urtean: El famoso balonmanista vasco Iñaki Urdangarin se casará con una princesa madrileña (edo horrelako zerbait). Urte bete beranduago Egin itxi egin zuten... ez albiste horregatik, noski.

ondo izan

Mundrauen erregie hotz hartu dou.

Txaloka nik ikusi dittudanak ibili badie, 40 bat lagun ibili die. Mundrauek 23.000 bizilagun dauko.

Manifestaziñuen be ez jende larrei.

Kalietan sekule baño gutxiau.

Hori guztioi bada esanguratsue.

Gurie dan zerbaitti hori baño jaramon gehixau eitten dutsau, eta berotasune erakusten dutsau.

Bistan dau atzoko egunez ez geukela ezer zelebretako.

Inguruen entzun dittuten alkarrizketetan, barrez, jentie kritiko agertu da eta gehixenok ez dou inundik be ulertu hori gizonori zertan ekarri dauen gu ikustera.

Espainiako Erregearen Arrasatera bisitak bazterrak astindu ditu egun hauetan. Batzuk kontra, beste batzuk alde eta bisitaren hartzaileak, MCC-ko agintariak, ixil-ixilik, bisitaren zergatiak, nondik norakoak etabarrei buruz inongo azalpenik eman gabe. Euskal Herriko enpresarik garrantzitsuena eta, komunikatzeko orduan, kaka fraketan.



Baina gauza bitxi asko bizi izan dira egunotan Arrasate inguruan, baina niri deigarrienetako bat ezker abetzalea marketinaz duen aurreritzia iruditu zait. Batasunako hainbat kidek komunikabide ezberdinetan eginiko adierazpenak entzuten baditugu, berehala konturatuko gara HBko jendearentzat marketina zerbait satanikoa dela, zeozer berez oso oso gaiztoa dena.



Errepasatu ditzagun prentsan eta irratian eginiko hainbat adierazpen:

"Estatu espainolean negozioa egiteko marteking kanpaina erraldoia besterik ez dela salatu zuen Pernando Barrena mahaikideak" (Gara, 2004-12-08, nik hitz hauek irratian entzun nizkion Barrenari eta ez dakizue zelako tonu zakarra erabiltzen zuen Marketin berba aipatzerakoan); eta "Batasuna afirma que MCC persigue una operación de marketing al invitar a los Reyes" (DV, 2004-12-08).



Noski marketin operazio bat izan zela, hau aurkikuntza! Baina zergatik da hain salatagarria gehiago saldu nahi izatea?; enpresak ez al dira dirua irabazteko eratzen, ba?

Bisita honen inguruan mila gauza diskutigarri egon daitezke, baina marketing operazio izan dela akusazio bezela leporatzea ez dauka inongo zentzurik.



>

>

MCCren zuzendaritzaren aldetik, txulerixa eta prepotentzia haundixakin eindako "jugadia" izen dala uste dot, ez dauelako kontuan hartu:



- Euskal herrixan bizi dogun egoera politikua



Azken hilabeteotan egin diren ekarpen politikoek esperantza eta aire berriak ekarri dituzte euskal herriko gizartera. giro berri horrekiko mespretxua erakusten dau MCCk, ezin dogulako ahaztu Espainiako erregia Frankoren oinordekua dala, eta bizi dogun zapalkuntzaren sinbolo nagusia, eta bera ekartzeak, espainiako ideologia atzerakoi eta faxistenari keinu bat eitxia suposatzen dauela.



-Arrasateko herrixa



Jakina zan Arrasateko herrixan giro txarra eta tensiñua sortuko euela gonbite honek. hala ta be, MCCren zuzendaritzak erregia ekarri dau, arrasateko herrixarekiko errespetu minimoa adierazi barik.



-MCC



MCCren zuzendaritzak ez dau kontaun hartu Makrokorporazioa osatzen dituen milaka langile, gainera, operazio honen atzian irudi garbiketa bat dauela plantau daue.



irudi garbiketa?, beraz, Fagor espainiako boteretsuen menpe dauela onartzen daue? akusaziño faltsu eta kanpaina zikiñen aurrian, edozein gauzak balixo al dau irudia garbitzeko? zein izengo da hurrengo akusaziñua? eta Fagorren erantzuna? Bush ekarriko al daue?

gainera, MCCren irizpide bat (politika kontuetan ez nahastea), hautsi daue, gainera, gutxi batzuen artian, 70.000 bazkide-kideen iritzia kontuan hartu barik.



ba horixe, bukatzeko, planteamendu gaizto bat jarriko dot mahai gainian (deabruaren abokatu gisa):



- parte hartuko dou aurtengo kilometroetan? gogoratu, Arizmendi MCCn dauela eta bere gogoz kontra (espero dot) bada be, euran izenean etorri dela arrasatera Frankon oinordekua dan erregia... ta ez dot uste euskaran lagun haundixa danik...

Ezin dut ulertu hemen irakurtzen ditudan gauzetako asko...
Nire ustez, gauza garbi dago: ni Fagorreko bazkidea naiz. Egia da ez digula inork galdetu erregearen bisitari buruz, eta pertsonalki, inoiz ez dit inolako graziarik egin, pertsona hori gure Herrira etortzeak. Baina bisitaren aurreko astean, langileongana etorri zitzaigun gure nagusia eta bisitaren arrazoiak azaldu zizkigun. Eta ulertu nituen. Zeintzuk dira? denok jakingo duzuen bezala (edo jakin beharko zenuketen), gure markak, FAGOR-ek, Eroski eta Kaja Laboralak bezala, kriston kanpainak jasan ditu Espaina mailan ETArekin lotuz. Honen ondorioak zeintzuk izan dira? Ba gure bizibidea sostengatzen duen merkatuan jeitsiera handiak izan direla. Ez dute gure markarekin zerikusia duen edozer gauzarik nahi (estatuko komertzial gehienek diote hori). Eta zer egin dezakegu horren aurka? ETArekin zerikusirik ez daukagula esan??? nola biziko ote gara, nondik aterako dugu gure bizimodua, gure merkatu oinarrizkoa galtzen jarraitzen badugu??

Etor dadila Espainako erregea, Inglaterrako erregina etorriko balitz bezala; baina guk bitartean, gure Herria aurrera eramango dugu gauzak eginez, aberastasuna sortuz, eta horrela gero eta indar gehiago izanaz, lortuko dugu gure Herriaren askatasuna eta independentzia. Ez kontedoreak erreaz, ez birziklatzeko materialak erreaz, ez!!! Ea noiz ekiten diogun gauzak sortzeari, sortu, ez desegin!!! Ea behingoz uzten diogun gure buruai harriak botatzeari!!

>
> Erregea Arrasaten, MCC-k gomitaturik.
>
>Goiena.net hartu nuen lehenbizi, Arrasateri buruz, orain arte bederen ondoen informatu nauen agerkari digitala. Deus gutxi, lehen albisterik ez behinik behin. Goizegi agian.
>
> Sustatura jo nuen ostean. Deus ez. Beranduegi behar bada.
>

Eztabaida piztu da, ez ordea nik gura nukeenaren harira. Eztabaida erregearen etorrerak berak sortu du. Ez da gutxi. Informazioa da hori ere, eta gogotsu jarraitzen ditut hemen idatzitakoak. Erregea kanpora! eta txaloak erregeari! baino zerbait gehiago aipatu dugu. Ez da hain fazila.

Informazioaz aritu gura nuen nik. Zer esan dugun, zelan esan dugun. Eta editorearen aipamenak ikusi ostean, uste dut kritikoak izan beharko genukela gure buruagaz be bai. Sustatu, zerbait bada, komunitate bat izango da. Atzean ekimen bat -enpresariala eta kooperatibista kasu honetan- euskara elkarte bat, lagun talde bat edo dena delakoa egonik ere, Sustatuk erakutsi du bere barne mugak gainditzen dituen zerbait dela. Alegia, ez dela Deba Goienakoa bakarrik, edo editore eta teknikari batzuen gailua soilik.

Komunitate birtual bat da, eratzen dagoen antolakunde-sare-blog komunitario-auzo(lan)elkarte. Berdin du. Eta ez du berdin. Nik neuk neure burua Sustatukotzat daukat. Eta ez naukate inongo staff ofizialetan. Baina komunitate bat osatzen ari garela iruditzen zait. Hori ere badu Internetek. Eta ez du txarra izan behar.

Horregatik, neure kritikak, horra ere bideratu gura nituzke. Zergaitik ez dugu gehiago parte hartzen? Zer falta zaigu gure ikuspegia agertzeko? Entzun gura genituzkenak, beti besteen eskutik etorri behar al dute? DIY (do it yourself) musika garaikoa naiz, atsegin handiz, eta filosofia hori bizitzara eroatea plazer handia da (ez soilik sexuala, baita ekonomikoa, jateko orduan, pentsatzeko orduan, ekiteko orduan). Autogestio ereduak behar ditugu, baita informazioaren aroan ere.
Kazetaritzaren kongresuan gutxi ikasi nuen, baina argi geratu zitzaidan maxima bat: Zu ere kazetari. Alegia, edonork publikatu, iritzia eman, argitaratu eta informazioa sortu dezakela. Ez dezagun aukera hori gal.

Nire kezkok hor darraite. 5 galdera dira. Ez dizkidazue erantzun. Parte hartuz, argituko ditugu. Orain ere, isiltasuna ez da aterpe.

> Ihes egin diogu albisteari. Ez dugu gogoko. Kezka sortzen du. Zer esango, nork. Zelan. Zergaitik. Bost w. who, what, where, why, when. Ezer, inor, inon, inoiz, baina zergaitik?
>

Joxe Aranzabalek artikulu bat idatzi du gaur Faroan, eta bertan bere iritzia azaldu du Espainiako errege-erreginen bisitaren gainean.

Patxi Gaztelumendik ere, igandean artikulu bat idatzi zuen Berria egunkarian.
Gaur, bere blogean topatu dugu. Larrabetzutik Arrasatera izenburukoa. Niri behintzat irakurgarria egin zait. Kezka zaharrak eta kezka berriak. Irakurri duzue?