Atxagaren poema berri bat
Eskerrak emanez, eta ez dakit zergatik ze ez dago zerik, osasun eta bizitzeko gogo beroa izatea opatuz , oraindik amaitu gabeko poema bat bidali digu Bernardo Atxagak. "Soinujolearen semea", liburuarekin batera etorri zela esaten digu. Atxaga Nobel Sarirako, artikuluaren kariaz izango da, gure artikulu hori ez zuela gaizki ikusi esan nahiko du. Argitaratzeko baimena badugunez, ahalik eta jende gehiagorengana iristea nahi dugunez, jeniala dela begitantzen zaigunez, pazientziri ez dugunez, opari gisa, erositako prezioan saltzen dizuet, hor doa.
"Hitzen Heriotza"
Holaxe hiltzen dira
Antzinako hitzak:
Elur malutak bezala,
Airean zalantza eginez
Instant batez, eta lurrera eroriz
Kexurik isuri gabe.
Esan beharko nuke: ixil ixilik.
Non ote dira tximeletari
Deitzeko ehun era haiek?
Biarritzeko itsasertzean
Jaso zuen Nabokovek
Izenetako bat: `miresicoletea´.
Begira orain, maskor puxketa
Bezala dago hondarpean.
Eta ezpainak, mugitzerakoan
Hara hor miresicoletea
Arrosaren gainetik hegan
Esaten zutenak,
Aspaldiko ume haienak,
Gure gurasoen gurasoenak,
Lo daude betiko.
Zuk diozu: Greziako
Harrien gainetik nenbilen oinez,
Euri lanbroa ari zuen;
Tenpluetako gidariek
Xira horiak zeramatzaten
Mickey Mousen marrazkiarekin.
Jainko zaharrak ere lo daude betiko.
Eta diozu, gainera, hitz berriak
Gai baldarrekin eginak daude,
Eta plastikoa aipatzen duzu,
Poliuretanoa, kautxo sintetikoa.
Zabortegian bukatuko dute, diozu
Ez ote zabiltza triste xamar
Pentsamendu horiek buruan.
Baina begira egiezu
Etxe atarian garrasika
Jostatzen ari diren umeei.
Entzun zer esaten duten:
Zaldia Garatarera joan zen.
Zer da Garatare?, diot.
Hitz berri bat, diote.
Beti ez dira hitzak, beraz,
Industria eremu bakartietan
Edo propaganda bulegoetan sortzen;
Sortzen dira barre artean ere
Txikori belarraren ilaunak bailiran:
Begira nola doazen zerurantz,
Begira nola ari duen elurra goraka.
Erantzunak
>
> > "Atxaga Nobel Sarirako", artikuluaren kariaz izango da, gure artikulu hori ez zuela gaizki ikusi esan nahiko du.
>
> Eta zer egin behar da, zein da prozedura, Nobel sarirako proposatzeko? Inor zerbait egiten ari da, Atxagaren kasuan?
> Atxikimenduak jasotzeko hain zaletasun handia duen herri honetan, ez da egin behar halako zerbait, kasu honetan?
Nire ustez, norbait arduratu beharko litzateke. Eta ez dakit badagokion, baina Euskal Idazleen Elkarteak proposa lezake, ezta? Sustatun idatzi dugunon/duzuenon aurrekaria hor dago eta batzu-batzuk bagara. Nork proposatzen dio EIEri?
...helbide honetan:
http://www.nobel.se/help/faq/nominations.html
Aurten berandu da: nominazioak otsailaren 1a baino lehen egin behar dira beti.
Datorren urteari begira agian...
> ...helbide honetan:
>
> http://www.nobel.se/help/faq/nominations.html
>
>
> Aurten berandu da: nominazioak otsailaren 1a baino lehen egin behar dira beti.
> Datorren urteari begira agian...
Eskerrik asko informazioagatik. Baina ze ajola zaigu aurtengoan, bizitza dagoen bitartean... hurrengo urtean edo hurrrengoaren hurrengoan garaiz gabiltzan artean, modurik badago, gorde ideia datorrenerako eta orduan moduak egin...
> Eskerrik asko, Jon, guztiokin konpartitzeagatik gorantz mara-mara egiten duen hitzezko edur zoragarri hau.
Eta eskerrik asko Bernardo. Eskari bat: Ez zaitez Obabatik joan. Ez gaitzazu homeless utzi. Ez itzazu abandonatu Paulo, Lubis, Ubanbe, Carlos, Pantxo, Virginiaren txakurra...
> Alkimia-edo. Hitzak nahasi eta sentimendu zaparrada bat pizteko.
> Zorionak.
> X.
Horixe Alkimia! Atzo irakurri nian hirea eta zahartzen arituko gaituk eta erreflejuak falta. Irakurri al zenuten Azpeitiko Euskara Patronatuaren foroan-edo Bernardok idatzi zuena joandako Gabonen inguruan Txantxangorria Txantxate kantuaren inguruan? Hura bai izan zela hitzak nahasi eta sentimendu zaparrada pizteko modukoa! Nire ustez, behar hainbat jende ez zela enteratu Atxagak idatzi zuenaz. Egunkariko orri osoa betetzeko modukoa zuan. Nik uste Sustatukoek bere orrira ekarri beharko luketela Azpeitikoen foroan idatzi zuena eta e.h. guztiko jendeek egin zituzten aportazioak (mirabilosoa izan huen) edota esteka bat erantsi, ez zekiat nola diren gauza hauek, baina polita izango huke. Eskerrik asko hiri ere hire "parte hartzaide" izateagatik (halako garbizaletasunkeria bat irakurri diat), Xabier, eta zorionak, "Arbelaren gainean" liburuagatik ere bai, eta inork ez dezala pentsa hemen jaboia ematea eta portzulo ematea dagoenik
/cache/Udako-Ola-2024_1_small_content.jpeg)
> "Atxaga Nobel Sarirako", artikuluaren kariaz izango da, gure artikulu hori ez zuela gaizki ikusi esan nahiko du.
Eta zer egin behar da, zein da prozedura, Nobel sarirako proposatzeko? Inor zerbait egiten ari da, Atxagaren kasuan?
Atxikimenduak jasotzeko hain zaletasun handia duen herri honetan, ez da egin behar halako zerbait, kasu honetan?