Urtebete Egunkaria gabe
Otsailaren 20an, ostirala, beteko da urtebete Espainiako Auzitegi Nazionaleko Juan del Olmo epaileak aginduta Guardia Zibilak Egunkaria itxi zuenetik. Egunkaria-k itxita eta Iñaki Uria kontseilari ordezkariak espetxean jarraitzen duela salatzeko, Andoaingo Martin Ugalde Kultur Parkean ekitaldia egingo da egun horretan, arratsaldeko 18:00etan.
Otsailaren 20an, ostirala, urtebete beteko da Espainiako Auzitegi Nazionaleko Juan del Olmo epaileak aginduta Guardia Zibilak Egunkaria itxi zuenetik.
Hamabi hilabeteren ostean Egunkaria-ren ateek zerratuta jarraitzen dute eta Iñaki Uria Egunkaria-ko Kontseilari Ordezkariak preso jarraitzen du.
Egoera salatzeko, Egunkaria-ko langile ohiek deituta, bi protesta ekitaldi egingo dira otsailaren 20an:
- 12:00etan Kontzentrazioa Donostiako Bulebarreko kioskoan
- 18:00etan ekitaldia Andoaingo Martin Ugalde Kultur Parkean
Hizlariak:
- Martxelo Otamendi
- Gunther Grautz (MIDAS)
- Joan Mari Torrealdai
- Xabier Mendiguren (Kontseilua)
2003ko otsailaren 20an eta ondorengo hilabeteetan Egunkaria-ri babesa eman dioten eragile guztiak batu nahi dira Egunkaria-ko atarian egingo den ekitaldian.
Erantzunak
Urtebete pasa da jadanik eta atzo izan balitz bezela dut nik gogoan. Astakeria honen aurrean egon ziren kokatze politikoak, egunkari españiar guztien borroka ideologiko itzela...
Alderdi abertzaleek gogor kritikatu zuten egoera hau eta argumento andana botatzen ibili ziren, honek zerbaitetarako balio izango balu bezela.
Urtebete pasatu da eta niri iruditzen zait edozein egunean antzeko zerbait gerta daitekeela (atxiloketa-inkomunikazioa-tortura binomioa ez da sekula gelditu). Antzeko zerbait edo okerragoa ere bai. Euskaldunok ez dugu babestuko gaituen lege edo konstituziorik, apartheid antzeko baten aurrean aurkitzen gara izatez. Badira eskubide unibertsalak, baina ez guretzat. Apartheid egoera normaletan behintzat idatzirik dago eskubide batzuk ez dagozkiola populazioaren zati bati. Guri ez digute hori ere eskaitzen. Dugun eskubide piloa aurpegiratzen digute alde batetik, izatez eskubide horiek ez dauzkagunean.
Egunkariaren ixtea, euskal kulturaren aurkako genozidioaren monumentua baino ez da. Eta Iñaki Uria, gure elkartasun osoa merezi duen heroi bahitua.