Euskara Nafarroako webgune ofizialetan, hobekien gordetako sekretua

> Gaitzerdi! Nafarroako Gobernuak hori ere ez du egiten.



Honi buruz, lotsagarria iruditzen zait, berriki atera duten Nafarroako Gobernuko web orria erdara hutsez egotea. "Administrazioa herritarrei gerturatzeko" ideia erabiltzen dute diseinu berrirako, inprimakiak deskargatu daitezkelarik.

Baina bai informazio guztia, bai inprimakiak erdara hutsez daude, herritarrek administrazioarekin euskaraz komunikatzeko duten eskubidea oztopatuz.

> Bai, Iruñeko Udalaren helbidea idatziz gero ( "www.pamplona.net":http://www.pamplona.net ) erdarazko orri bat irekiko zaizu. Han ez zaizu inondik inora agertuko euskaraz ikusteko aukerarik badagoenik.



Ez naiz izango ni Iruñeko Udalak euskararen alde egindakoak goraipatuko dituena, baina oraingoan oker zaudelakoan nago. Ondo begiratzen baduzu ikusiko duzu Iruñeko armarriaren azpian lista zabalgarri bat badagoela, euskara eta ingelesa hizkuntz bezala ezartzeko aukera ematen duena. Noizean behin segundu batzuk egoten da zerrenda kargatzen, agian horrek nahastuko zintuen.

> Ondo begiratzen baduzu ikusiko duzu Iruñeko armarriaren azpian lista zabalgarri bat badagoela,



Egia da, Explorer nabigatzailearekin tartetxo baten buruan agertzen da.



Berriz, Mozilla nabigatzailearekin, nire makinatik behintzat, ez da kargatzen menu hori, eta ezin da hizkuntza aldatu menu bitartez.

> Berriz, Mozilla nabigatzailearekin, nire makinatik behintzat, ez da kargatzen menu hori, eta ezin da hizkuntza aldatu menu bitartez.



Hala da, bai, Netscape Navigator 7-rekin ere ez da ondo kargatzen, nahiz eta orrialdean irakurri daitekeenaren arabera IE 5.5 eta Netscape 6.2 edo berriagoentzako moldatua dagoen.

>> Ondo begiratzen baduzu ikusiko duzu Iruñeko armarriaren azpian lista zabalgarri bat badagoela, euskara eta ingelesa hizkuntz bezala ezartzeko aukera ematen duena.

Egia da. Explorer erabiltzen baduzu leiho hura agertzen da. Nik, ordea, normalean mozilla erabiltzen dut, hori baita euskaraz dagoen bakarra; eta bertan ez da agertzen, leihoa bai baina hutsik dago. Horregatik nahastu nintzen.

Bakoitzari berea eman behar zaionez zuzenketa eginen dut: Iruñeko Udalak bai agertzen die euskaraz ikusteko aukera explorer erabiltzen dutenei.

Euskalduna izateaz gain gutxiengoen programak erabiltzen ditut! Zer espero nuen, bada?

2.en helbide horrekin izandako aferaren gainean idaztera nator ni.

Sustatun irakurri nuen gertatutakoa eta segituan baieztatu eta beraiei email bat idaztea erabaki nuen esanez ea zergatik egiten zuten hori, gero euskarazko bertsioan inor sartzen ez zela argudiatuz bertsio hau kentzeko ea egiten zuten, eta gaur jaso dut erantzuna esanez ez dela halako bertsiorik existitzen. Falta zena. Erantzuna bidali diet euskarazko helbide eta guzti. Ea zer dioten orain. Beraien erantzuna berriz iristean jakinaren gainean jarriko zaituztet.





lang=eus":http://sitna.cfnavarra.es/navegar/?lang=eus

Aspaldi agertu zitzaigun Sustatun webgune batzuen jokaera bitxi hau argitara ematen zuen testua (berez euskarazko bertsioa eduki izan, baina inongo loturarik ez dutena, horrela euskarazko bertsioan ezin sartu geldituz). Berehala SITNA webgunearen ordezkariekin jarri nintzen kontaktuan arazoa konpon zezaten eta beren jarreraren zergatia azal ziezadaten. Hiruzpalau email bidali genizkien elkarri eta azkenean, esan zidan eztabaidatuko zutela beren webgunearen hizkuntza politika.



Urtebete baino gehiago pasa denean, email bat iritsi zait esanez webgunea euskaraz ikusteko aukera erantsi dutela. Orain ez da inolako aldrebeskeria informatikorik egin behar euskaraz nabigatzeko, nahikoa da orri nagusian sartu eta "euskaraz" loturaren gainean klik egitea.



Ez du mundua aldatuko berri honek, baina nire ustez beste pausu txiki bat izan da euskararen alde. Presioa egiten jarraitzen badugu noizbait lortuko dugu euskara hizkuntza normalizatu bat izatea. Eutsi goiari eta jarrai dezagun horrela!







http://sitna.cfnavarra.es