Euskaltel eta Elhuyar Fundazioa, euskara normalizatzeko elkarlanean
Euskaltelek EAEko operadore global nagusia hizkuntz aholkularitzako hitzarmena sinatu du Elhuyar Fundazioarekin. Urte bukaera arte iraungo du akordioak.
Euskaltelek EAEko operadore global nagusia hizkuntz aholkularitzako hitzarmena sinatu du Elhuyar Fundazioarekin. Urte bukaera arte iraungo du akordioak. Honako eginkizun hauek izango ditu Elhuyar Fundazioak tarte horretan: itzulpen teknikoak egiten lagunduko dio Euskalteli, terminologia finkatzeko eta egokitzeko aholkularitza eskainiko dio eta, azkenik, Telekomunikazio Hiztegia egingo du.
Elhuyar Fundazioa
Elhuyar 1972an jaio zen, honako helburu honekin: zientzia eta euskara elkarrekin uztartzea. Hasierako helburu hari jarraiki, pauso garrantzitsu bat eman berri du: Elhuyar Fundazioa sortu du. Hauxe da Elhuyar Fundazioaren xedea: zientzia eta teknologiaren esparruan, dibulgazio, sustapen, ikerketa, garapen eta berrikuntza-jarduerak sustatzea, euskaraz betiere.
Euskaltel
Bestalde, bosgarren urteurrena du aurten Euskaltelek. Nazioarteko erreferentzia bihurtu da bost urte hauen buruan Euskal Telekomunikazio Operadorea: % 40ko merkatu-kuota bereganatu du Euskadin (mundu osoan % 10ekoa izaten da, batez beste, bigarren operadoreen kuota). Euskal enpresa izaki, euskararen normalkuntzan lagundu nahi du Euskaltelek, baita euskal kultura lau haizeetara zabaldu ere. Horrexegatik, hain justu, izenpetu du hitzarmena ELHUYARrekin.
Iñaki Irazabalbeitiak Ibarretxe planarekin bat egin zuenetik, gora egin du berak kudeatzen duen Elhuyarrek....
Egia esan, bi ondorio atera daitezke horretatik gutxienez:
bata) Ibarretxe planak euskara laguntzen duela, eta ibarretxetarrek kudeatzen dituzten enpresa publikoek, euskararen gizarte erakunde, enpresa eta antolaketa oro lagundu dezaketela.
bestea) Ibarretxe plana sustengatzen dutenek, laguntza izango dutela.
Niri zer pentsatua ematen dit horrek.
Ni kezkatua nago.
Iñaki Irazabalbeitiaren agerpen horrek mesede egin ote dio zientziaren dibulgazioari?