Sukaldeon: webgune goxo-goxo berria

Aurkezpenean dioten moduan, Sukaldeon.org -ren asmoa, kulturaren ikuspegi zabala hartuta kultura gastronomikoaren alde egitea eta, bereziki, hemengo jan-munduan —jatetxeetan, argitalpenetan, produktuetan— euskararen erabilera maila normalera iristen laguntzea —bultzatzea, eragitea, lortzea— da.

Oinarrizko irizpidea

Kalitatezko zerbitzuak nahi ditugu euskaldunok ere eta kalitate-parametrotzat hartu behar da hizkuntzaren erabilera, beste zeinahi bezalaxe. Halako jatetxeak harrera eta komunikazioa euskaraz izatea ahalbideratzen ez badu, erabateko kalitatedun ez dela erakusten du, gutxienez.

SukaldeOn Ateneoa elkarteak (webgunea sortu duenak) hiru helburu finkatu ditu:

• Euskal Herriko kultura eta jarduera gastronomikoaren alde egitea euskal ikuspuntutik abiatuta.
• Gastronomiarekin zeri ikusia duen arloan —jatetxeetan, argitalpenetan, produktuetan— euskararen erabilera maila normalera iristen laguntzea.
• Gastronomiaren alorreko zerbitzuetan kalitatea sustatzea eta kalitate-parametroetan hizkuntzaren erabilera indikadore garrantzitsutzat hartua izan dadin eragitea.

Aurkezpenean Edorta Agirrek zioen moduan, Nik etxetresna gehienak Fagorrenak ditut eta horiek erabiltzeko arauak zortzi hizkuntzatan jartzen dituzten arren, euskararik ez dago. Elikagaiekin ere gauza bera: etiketarekin, eta baita jatetxe askotako menuarekin eta harremanetako hizkuntzarekin ere.

Euskara agertzen den produktuen berri ematen, webgunean sail bat zabaldu dute ekolingukalitatezko produktuak Hor daude esnekiak, kontserbak, freskuak... eta aipatzen direnetan bai, hor ageri da euskara.

Jatetxeak puntuatu ere egingo dira webgune honetan irizpide batzuri jarriki, noski: giroa, gustua, zerbitzua, kalitate-prezioa, euskara...

Webguneak eduki asko du: errezetak, gastroetnografia, hainbat argitalpenen berri, kalitatez gida ...

Atariak jendeak parte hartzea da garrantzitsua, horrela, bai jakien produkzioan, eraldaketan zein kontsumoan euskara bultzatuko da-eta.

Webguneko aurkezpenaren sinatzaileak euskaltzale hauek:

Edorta Agirre, J. Inazio Marko Juanikorena, Josu Esnal, Joxe Mari Ibarburu, Julen Arexolaleiba eta Martxelo Otamendi.