Sarean ere badago Egunkaria: Egunero.info
Ez bakarrik paperean. Sarean ere azaldu da. Atzo indargabetuta zegoen Egunero.info helbidean dago Egunero edo, beste modu batean esanda, Euskaldunon Egunkaria , horixe baita azken batean hor irakurri dezakeguna, derrigortuta izena aldatu izan dioten arren.
Hemen irakurri dezakezue:
Era berean, Indymedia sarearen bidez PDF formatuan ere ikus dezakezue Egunero, esku artean izan gabe bere formatu originalean inprimatu nahi baduzue. Hementxe:
Egunero-k berak argitaratu duenez, Eusko Alkartasunak bi domeinu-izen erosi zituen atzo, eta haietako bat, egunkaria.org, eskaini dio Euskaldunon Egunkariari.
Erantzunak
Plazagunea enpresari egoitza itxi diete, eta zerbitzari nagusia bahitu. Baina lanean ari dira beren webgunea eta beren bezeroenak (adibidez, Kontseilua.org gunea) berreskuratzeko. Animo!
Hauxe diote www.plazagunea.com helbidean:
----
Bisitari agurgarria:
Honezkero jakingo duzunez, Euskaldunon Egunkariak miaketa bat izan du bere egoitzan eta itxi egin dute. Gure lantegia ere miatu duten arren ez dute itxi,
baina web zerbitzari nagusia, gure web gunea orain arte zerbitzatu duena, eraman egin digute. Une honetan, gure eskuetan ez dauden arrazoi hauengatik,
web guneko edukiak ezin dira ikusi Internetetik.
Alabaina, ahalegin guztiak egiten ari gara lehenbailehen arazoari konponbidea jartzeko. Espero dugu
beranduenik bihar berriro ere zerbitzua normalduta edukitzea.
Ezbehar hau inolako errurik gabe nozitzen ari zaretenoi, erakusten ari zareten eroapenagatik, eskerrak eman nahi dizkizuegu.
Plazagunea, S.L.
MEDIABERRI.COM webguneak Egunkariarekiko elkartasunean eta epaileen operazioaren protestan, gaurko edizio berezia prestatu du. Egunkariak jaso ez dituenez gaurkoak izan behar zitezkeen ohizko albisteak, Mediaberrik albiste horiek euskaraz plazaratu ditu.
Epaile eta agintari espainiarren euskal kulturaren kontrako gurutzada horretan euskaldun asko topatuko dituzte bidetik. MEDIABERRI webgunetik elkartasuna adieraztea nahi izan dugu, baina era aktiboan. Egunkariako langileek lan egin dute goizean kioskoetan egoteko, baina interneten nahiz eta berriro agertu, ezin izan dute gaurko kazetetan agertu beharreko albiste gzutiak jaso.
Euskal adarreko kazetaritza ikasleak gara Mediaberri taldea osatzen dugunok, beraz, gure kontrako erasotzat hartzen ditugu atzoko gertaerak. Horregatik, erabaki dugu gaur ere euskaldun irakurleriak bere hizkuntzaz informatzeko eskubidea izan behar zuela.
Beraz, plazaratzen zaituztet egindako lana bisitatzera.
Jarraipena egiteko erreferentziazko guneak HAUEK dira:
- Egunero, noski, Euskaldunon Egunkaria-ko lantaldeak egiten duena: www.egunero.info
- Hacker euskaldun eta italiarren arteko ekimena: http://www.inventati.org/egunkaria
- Indymedia Euskal Herria
- Sareko Argia, Haria zerbitzuaren bidez, prentsa-errepaso sakona: www.argia.com (aupa Pello!!)
- Gara egunkaria jarraipen sakona egiten: http://www.gara.net/egunkaria/index.htm
Horiekin batera, Sustatu.com-etik gure apurra egiten saiatzen ari gara.
Euskaldunon Egunkariak berak eman du, Egunero gaur argitaratuaren bidez, elkartasun mezuak idazteko helbidea: egunkaria@wanadoo.fr