Behatokia: Giza eskubideen urraketak ezagutarazteko

Horrela azaltzen dute Euskal Herriko Giza Eskubideen Behatokia zer den

Euskal Herriko Giza Eskubideen Behatokia, beste erakunde batzuk bultzatua sortzen den ekimena da, hala nola TAT (Torturaren Aurkako Taldea), Etxerat (euskal errepresialatuen senitartekoen erakundea), Eskubideak (euskal abokatuen erakundea) eta Gurasoak (errepresio poliziala jasan duten gazteen gurasoen elkartea).

Talde hauen helburua BEHATOKIA bultzatzeko orduan, arlo ezberdinetara bideratzen da. Alde batetik, Nazioarteko Erakunde, Gobernuz Kanpoko Erakunde eta giza eskubideen arloan lanean aritzen diren taldeekin interlokuzio zentro bat eratzea, eskubide hauen bortxaketa ezagutzera emateko modu orokor eta berezituan. Bestalde, BEHATOKIAk nazioarteko instantzi eta auzitegien aurrean egingo du lan, oinarrizko eskubideen urraketa eman dela ikusten dugunean eta espainiar eta frantses instantziek horiek bermatu ez dituztenean.

Webgune honetatik, Euskal Herriko Giza Eskubideen Behatokiko hamabost egunez behingo aldizkari elektronikoa jaso ahal izango da, buletina Buletin hau, behatikikoek esan dutenez, 4.000-5.000 laguni banatzen hasiak dira. Hamabostean behin argitaratuko da.

Infoak deituriko atala ere badute. Infoetan, talde hauek arduratzen dituzten gai zehatzen inguruko informazio puntuala aurkitu ahal izango duzu, baita oso une zehatzetan hartutako neurri berezien inguruan ere. Informazio hori, ahalik eta modu zehatz eta sakonean eskainiko dute baliabide honekin, beraien esku dauden elementu guztietaz baliaturik.

Ateratako liburuen bilduma da webguneak eskaitzen duen beste baliabide bat. Onena, dena den, Beste Webgune Euskaldun Bat badagoela eta hemen klik eginez ikusi ahal izango duzula aipatzea da. Sartu eta zerorrek ikusi.