Almodóvar euskalduna da edo?
Gaur euskal periodikoak irakurtzen aritu naiz, baina egia esan ez dakit euskal diren, vasco diren, zein esparrutan duten jardunbidea... Almodóbar izan da horretarako aukera eman didana. Jode, Almodóbar hau nongoa da?
Egunero ohi dudan legez, Euskaldunon Egunkaria irakurri dut lehenengo. Han enteratu naiz Chicago musikalak Oscarretarako hamahiru izendapen jaso dituela, Gangs of New York-ek hamar, The hour-ek bederatzi eta The Pianis-ek zortzi. Horra arte, ondo, ez diot aparteko denborarik eskaini artikuluari, zine zalea banaiz ere, normalean ez dira egoten eta nire gustuko filmak oso errepresentatuak Oscar horietan. Artikulu guztian aipamenik ez Almodóvarri eta Egunkariako azalean Oscarri ere ez..
Gainontzeko periodikoak ere irakurtzen ditut eta ia egunero ditut eskuartean Gara, Deia eta Diario Vasco. Inoiz edo behin baita El Mundo eta El Pais ere, baina gaur, hasieran aipatu ditudan hirurak gainbegiratu ditut.
Garako portadan Almodovarren hitzik ez. Ezta erretraturik ere. Oscarrak aipatuak bai eta erretratua ere bai, baina Almodóvar? galduta nonbait! Barruan, Espainolez idatzitako artikuluan bai, hor eman diote beltzago dagoen titulartxoa: Almodóvar consigue dos. Han enteratu naiz "Hable con ella" fima bi Oscarretarako dagoela izendatua eta Almodóvar lehenengo espainola dela zuzendari onenaren Oscarra jasotzeko hautagaitzara heldu dena.
Hartu ezazue orain Deia. Nik Gipuzkoako Deia irakurtzeko aukera izan dut. Mantxetaren ondoko titularra, erretratu trazatua, kolore gorriko titularrak eta egunkari horrek duen zatirik baliotsuena titular honek hartu du: Almodóvar, nominado a los Oscar al mejor director y el mejor guión. Digitalean ez dute erretratua jarri, baina zin dagit askoz ere kantosoagoa dela paperekoa. Kontrazalean ere aipagarri izan da Almodóvar, erretratu eta guzti. Baita beste 2 orrialde barruan ere.
Eta DV? Diario Vascon, ez nuen gutxiago espero, erretratu esanguratsua atera dute azalean bertan. Madrilen, "circulo de Bellas Artes"-en ateratako argazki bat ageri da, garaipenaren V-a egiten duelarik hatzaparrekin. Pedro Almodóvar hace historia con dos candidaturas a los Oscar. Barruan beste 2 orrialde. Digitalean, botoi berezitua.
Hauek irakurri eta Argia astekarian Andoni Egañaren artikulua egin dut irakurtzea. Ainhoaz, denok dakigun Ainhoaz ari da bertan. Hauxe dio: Larritu, aginte-sistemen sofistikazioaren handiak ohargabean garamatzalako hondamendira. Itsasuntzi pitzatu batekin zer egin ez dakiten berberek oso ongi asmatu dute guri pitzadurak nola eragin eta baita gure artekoak are gehiago nola arrakalatu ere. Alferrik dira jotakeirabaziarte eta libreadhesioak. Eurak irabazi dute, gure gizartean arrotz behar genukeena hain natural itsasten asmatzearekin. Horixe, ez dakigula zein den gure esparrua.
Horretan, noski, Sustatuk ere badu zer ikasia, ezin dugu gainontzekoen trapu zaharrik astindu eta geureak gorde, eta gorde, eta gorde. Guk ere atera ditugu noiz edo noiz Opercion Triunfokeriak eta baita erantzun pila bat jaso ere...
Erantzunak
> Horretan, noski, Sustatuk ere badu zer ikasia, ezin dugu gainontzekoen trapu zaharrik astindu eta geureak gorde, eta gorde, eta gorde. Guk ere atera ditugu noiz edo noiz Opercion Triunfokeriak eta baita erantzun pila bat jaso ere...
Eta zer, diot nik, Sustatun behin baino gehiagotan iaz pare bat aldiz eta aurten beste birritan idatzi badugu Operación Triunforen gainean? Beste gai asko ere jorratu ditugu hemen: Columbia espaziontzia, Linux, petrolioa eta terrorismo islamiarra, Harry Potter, Logroñes Futbol Taldea, etabar, etabar.
Zer egin behar dugu, kartolak jarri eta ustez geure-geureak diren gaiak bakarrik landu: trikitixa, herri kirolak, euskal sukaldaritza, sagardoa, meza santua eta errosarioa? Horretarako ez zegoen Sustatu asmatu beharrik.
> Zer egin behar dugu, kartolak jarri eta ustez geure-geureak diren gaiak bakarrik landu: trikitixa, herri kirolak, euskal sukaldaritza, sagardoa, meza santua eta errosarioa? Horretarako ez zegoen Sustatu asmatu beharrik.
Kontua ez da nire ustez, "gureak" diren gaiak jorratu edo ez. kontua da zein ikuspunturekin jorratzen diren. Aurrean aipatutako egunkari guztiek jorratu dituzte gai horiek. Batzuendako Almodobar Euskal Esparru Komunikatibokoa da (horrela ziren berba potolo hauek, ezta?) eta beste batzuentzat, notizia den arren, ez dauka egunkariaren azaleko tartearen laurden bat hartu beharrik Almodóvarrek: notizia Oscarrak dira, ez Almodóvar.
Eta Sustatun zer? ba, nire ustez, Sustatun ere ez dauka eman diren 3000 mezuetan 1000 mezu OT-koak izan beharrik. Neurrian emanda gustukoak ere izan daitezke. Ezin ukatu OT-ko horiek gustukoak izan ez direnik Sustatuzaleendako ( 19 erantzun ). Sustatu hiperjatorra? ez horixe, baina Euskal Herritik egindakoa euskaldunendako bai, ezta?
Galdera hori idazteaz bat konturatu naiz Ainhoa, Almodóvar, Lolita, Maria Teresa Campos... euskaldunendako ere badirela, badirela, badirela... Glub! Glub! Glub!
Zer uste duzue Sustatuzaleok?
> > Zer egin behar dugu, kartolak jarri eta ustez geure-geureak diren gaiak bakarrik landu: trikitixa, herri kirolak, euskal sukaldaritza, sagardoa, meza santua eta errosarioa? Horretarako ez zegoen Sustatu asmatu beharrik.
> Zer uste duzue Sustatuzaleok?
Ezer demostratu beharra ez al dugu inoiz ahaztuko?
Sustatuk badauka berezko interesa, ez dauka irudipen konkretu bati erantzun beharrik. Iban, neri larregi kostatu zait Ainhoari buruz ari zinela zein Ainhoataz ari zinen ohartzea, zinez (OF aipatu arte). Eta egia esan behar badut, atzerakada dexentea izan nuen Operación Fracasori buruzko lehen mezua Sustatun irakurtzean, gizartearen islada bat ere badelako. Baina jakin badakit, nere pisukideengan eta gizartearengan honek daukan eragina, eta proximitatez bada ere, baita ere almodobarren zineak. Filme hau justu, asko gustatu zitzaidan eta zin dagizut Ainhoa baino gehiago jarraituko dudala, nahiz eta oscarretako sarietan nere gustuko harri bitxirik ez aurkitu. Ez naiz egunkariko portadan argazkia duen ala ez bila hasiko. Baina gertukoagoa da hurrutikoa baino, eta gure ahotan badago, OF bezela, zergatik ez horrela azaldu?
Zentzu horretan katalanek lezioak ematen dizkidate noizean behin. Negazioaren beharra susmogarria egiten zait.
Berri bat da, eta denok dakigun bezela, komunikabideak sokatiran ibiliko dira, zeinek berria exajeratuagoa ala ignoratuagoa bota. Baina kasu hau beste anekdota bat bezela ikusten dut, hain gutxi inporta zait portadan dagoen ala ez... Normalki kultura sailera egiten dut ia zuzenean salto eta...
Zuk ainhoa aise erabili dozun bezela, pedro ez al da hori baino maila goragokoa? Notizia da inportantia. Agian ados nago zuk esaten duzunarekin, baina hortaz ohartzea anekdota bezela edo identitate gauzekin nahasten ari zaren ez dakit.
Zuk egunkaria goraipatu dozu ... nik beste bat:
Btv telebista kanala. Ikusterik bazenute... Zelako jipoia beste edozein kanaleri.
Sustatu.com honetan Ainhoa, OT, asereje eta horrelako txorradak agertzeak badute helburu bat. Google bilatzailean, jende arrunta sartzean, gure sarera erortzea... hori nabarmena da, iazko aserejeren fenomenoa ikustea besterik ez dago.
Orain, horrelako boom mediatiko ustel bat dagoen bakoitzean, sustatuzale asko hori sustatzen saiatuko da, sustatu bera bilatzaile nagusietan agertu dadin... horri trafikoa deitzen omen diote. Kioskoetan aldizkari pornoak publizitate erreklamo gisa jartzen dituztenen antzo.
Besterik da, sustatuzaleok zer diogun. Zer egiten dugun!
Niri egia esan Almodovar gure egunkari nazional, helgoaldetar edo dena delako guztietan agertu edo ez agertzeak ez dit inporta. Axola zaidana da, alde bakarreko kultura nagusi baten kontsumitzaile garela. Nik ez dakizkidala Frantziako bost zinema zuzendariren izen ere, edo bost footbal jokalarirenak.. edo bost abeslarirenak. Horrek kezkatzen nau, hemengo prentsarekin espainol arrunta izan naitekela, eta ez ordea mundutarra!
Beste guztia.... txotxikeriak!
Sustatu.com honetan Ainhoa, OT, asereje eta horrelako txorradak agertzeak badute helburu bat. Google bilatzailean, jende arrunta sartzean, gure sarera erortzea... hori nabarmena da, iazko aserejeren fenomenoa ikustea besterik ez dago.
Hara bestea...
Teoria hori, Arnaldok aipatutako Ainhoaren inguruko konspirazioarena bezalakoa iruditzen zait. Gainera, ez pentsatu milaka erabiltzaile etortzen direnik amu horien atzetik (hil honetan adibidez, bakarrik 19 pertsona Ainhoaren arrastoan). Gainera, etortzekotan ere, zer irabazten dugu euskaldun ez diren horiek erakartzen? Gastu gehiago (trafikoa ordaindu egiten da) eta kabreatzea, ez dutelako ezer ulertzen. Besterik ez.
Asereje-rena txiripa bat izan zen, Iban gure editoreak nahi gabe sortutakoa, eta berdin gertatu zen Miss Venezuelarekin.
Operación Triunfori dagokionez, inguruan afizionatu bat dugu eta hark egiten ditu gustora kronikak. Hori ere txiripa.
Ez dena txiripa da, Kilometroak, Ibilaldia edo Herri Urrats dagoenean informazioa Googlen errazago aurkitzea Sustaturen bidez webgune ofizialen bidez baino, edo marea beltza bilatzean 2. emaitza Sustaturena jasotzea. Berdin gertatu zen Euskadi Informazioaren Gizartean plana aurkeztu zenean, denbora luzean Sustatu izan bait zen lehena bilaketetan, eta beste hainbat kasutan.
Googlek badaki Sustatun informazioa egunero berritzen dela, eta informazioa zuzenean ematen da, sasibideo-joko edo marrazki bizidunen trabarik gabe eta hori bai Googlek eta bai erabiltzaileek estimatzen dutela.
Nik esandakoa indartzeko argudio gehiago. Hona hemen bilatzaileetatik etortzen den jendearen estatistikak. Hau da,
Bilatzaileetatik Sustatura etorritakoak zeren bila etorri dira? (otsaileko datuak)
1 53 5.38% sustatu
2 19 1.93% ainhoa operacion triunfo
3 19 1.93% ordenagailuak
4 16 1.62% eta james
5 16 1.62% jokin zaitegi
6 13 1.32% kale gorria
7 13 1.32% marea beltza
8 11 1.12% batasuna
9 11 1.12% sustatu.com
10 11 1.12% xabier montoia
11 9 0.91% txapapotea
12 8 0.81% amodiozko gutunak
13 8 0.81% goienkaria
14 8 0.81% historiaurrea
15 8 0.81% james taylor mp3
16 7 0.71% ainhoa
17 7 0.71% goenkale
18 6 0.61% egaztea
19 6 0.61% olentzero
20 6 0.61% santa ageda abestia
Horiek otsaileko datuak dira... oso ondo. Erakutsi urtarrilekoak ere...
Bilatzaileetako bisita gehien, otsaileko hamar egunetan, eta lau asteburuetakoak.... oso neurketa murritza iruditzen zait, 6 egun on besterik ez
Oraindik ez nauzu konbentzitu Gari!
Googlek sekulako indarra du, hori ukatzerik ez dago! eta trafiko bideratzaile onena da, ez dago google baino munipa hoberik! eta ez zaite hasarratu!
Horiek otsaileko datuak dira... oso ondo. Erakutsi urtarrilekoak ere...
Hau da nire azken mezua hari honetan. Ez dut gustoko anonimoekin eztabaidatzea. Gai interesgarria da eta jarrai genezake informazioa ematen, Sustaturen estatistikak ez bait dira zenbait partaide anonimoren izenak bezain sekretuak.
Baina ni informazio guztia ematen ari naiz (nire izena barne) eta zuk ez duzu ezer ematen, akusatu bakarrik... Hau ez dago ekilibratua.
Googlek sekulako indarra du, hori ukatzerik ez dago! eta trafiko bideratzaile onena da, ez dago google baino munipa hoberik! eta ez zaite hasarratu!
Noski, eta ahal dela aprobetxatu behar da. Askotan esan dugun moduan, orain arte behintzat azertatu dugu horretan.
Beste kontu bat da esatea, Sustatun zenbait gai Googlen azaltzeagatik eta trafiko alper hori ekartzeagatik ateratzen ditugula, eta hori ez dut onartzen.
Edonork edozer edonon esateko eskubidea ote da adierazpen askatasuna?
Agian ez horrenbeste. Dena dela, kontua ez da gaia, gaiaren inguruan bota ditzakegun txotxolokeria galantak baino.
Masibo bilakatzen dena ezin dugu sobera parametro finetatik aztertu, hor faktore krematistikoak agintzen du.
Eta hori baloratzeko orduan ere, jakina, zenbait buru, hainbat aburu.
Hala ere, konspirazio unibertsalaren ingurukoak alde batera utzita, (hagitz interesgarriak dira, eskerrikasko Iban Zaldua) derradan OT eta abarren perbertsioaz zalantzarik ez dudala.
Niretzat oso etsigarri eta esanguratsua izan zen, giza-kontrol itogarriaren sinboloa, kontzientzi ezabatze, burmuin garbiketa eta faxismorik errefinatuaren adibide gisa eskolan ikasitako
George Orwellen "Anaia Handia" Telebista guztien jostagarri bilakatuta ikustea. Hori prostituzioa baino okerrago, inozokeria sustatzea da.
/cache/Udako-Ola-2024_1_small_content.jpeg)
Hemen bueltaka izango dugu euskaltzainen bat, zuzentzaileren bat, itzultzaileak... Nola idazten da: Almodóvar edo Almodovar? sustatun Ibanek tilde eta guzti idatzi du baina Egunkarian, ordea, tilde gabe dator.