Nabarralde egitasmoa

Nola ikusten du zuen elkarteak 100 urte inguru baino ez dituen ikurrina? Diot, ikurrinaren inbento honek ez duelako nafarroakoak beste urte eta jakina baita nork sortu zuen eta nork erabili duen, batez ere.



Euskal Herriko guztion sinbolo dela dudarik baduzue? edo Nafarroako kateek eta ikurrinak osatutako sinbolo berrien beharrean gaude?



Edo, Nafarroako banderak behar luke gu guztion ordezkari?



Eta konstatazio txiki bat: ETAren azken agirian, ustez lehenengo aldiz, agertzen da Nafarroako bandera eta ikurrina ETAkide bat tartean duela. Kasualitatea?



Galdera askotxo, baina inongo intentzio gaiztorik gabe. Ongi legoke zuen elkartearen iritzia jasoz gurea aberastea.



Eskerrik asko

> Eta konstatazio txiki bat: ETAren azken agirian, ustez lehenengo aldiz, agertzen da Nafarroako bandera eta ikurrina ETAkide bat tartean duela. Kasualitatea?
>

Ba ez dakit. Baina ez da izan ETAren azken agirian, baizik eta azken elkarrizketan, urtarrilaren 15ean, Gara egunkarian. Hemen daukazue, sinboloak ageri diren argazki hori eta guzti.

> Nola ikusten du zuen elkarteak 100 urte inguru baino ez dituen ikurrina?

Ni ez naiz Nabarralde aldizkarikoa baina, oinezko nafar baten iritzia ezagutu nahi baduzu, jakin ezazu niretzat eta nafar askorentzat Ikurriña Nafarroako banderaren maila berean dagoela. Nafar askok eta askok 100 urteko "asmakizun" honi izugarrizko atxikimendua diogu. Horregatik lege bat sortu nahi dute Ikurriña gure udaletxeetako balkoietatik kentzeko.

> Diot, ikurrinaren inbento honek ez duelako nafarroakoak beste urte eta jakina baita nork sortu zuen eta nork erabili duen, batez ere.

Oker zaude eta, gainera, navarristak antzeko argudioak erabiltzen ari dira Ikurriña Nafarroan legez kanpo uzteko. Baina Nafarroako banderak berak ere 100 urte baino gehiago ez duke. Nolabait armarria eta bandera nahasten dituzula dirudi. Armarria bai, zaharra da oso, bandera, ordea, ikurriñaren garaikoa eta XIX. mende bukaerako elkarte euskaltzaleetakoek asmatua eta bultzatua gainera. Ikurriña "inbento" bat bada, bertzea ere, Nafarroak banderarik ez baitzuen. Sanferminetako zapi gorriarena ere atzo goizekoa da. Luze mintza gintezke honetaz.

> Euskal Herriko guztion sinbolo dela dudarik baduzue?

Zuk bai? Neronek behintzat ez, Iparraldean, Nafarroan eta Euskal Elkarte Autonomoan ikus baitaiteke (baita aparkalekuetako makinetan ere, euskaraz dioen teklaren ondoan). Ikurriña bat ikusi orduko euskara eta Euskal Herria hitzak datozkit burura. Nafarroako bandera ikustean, berriz, Nafarroa hitza datorkit, besterik ez (eta ez da gutxi). Beraz, ez dakit zurean baina nire kasuan bederen, Ikurriña Euskal Herriko guztion sinboloa dela duda izpirik ez daukat. Zure mezua irakurri baino lehen inork ez zuela dudarik uste nuen. Begi bistakoa zela uste nuen. Oker nengoen, bistan da. Dena den, eta ez gaizki hartu, zure zalantza berberak dituztenak gutxi izatea espero dut.

>edo Nafarroako kateek eta ikurrinak osatutako sinbolo berrien beharrean gaude?

Ez, mesedez. Ez, otoi. Zure proposamena (adeitasun osoz esaten dizut) pixka bat (hagitz ez esateagatik) nahastekaria iruditzen zait. Bertze ikur bat, zertarako? Tafallako bandera ere ez da ikurriñan jasotzen. Haserratuko ote dira Tafallako euskaldunak horregatik? Ez, ezta? Lasai orduan.

> Edo, Nafarroako banderak behar luke gu guztion ordezkari?

Oraino ere, ez. Ongi zegokeen zuk diozuna duela 100 bat urte baten batek esan izan balu, baina garai haietan inork ere ez zuen horri buruz fitsik ere esan eta inori ere ez zitzaion ideia hori burutik pasa. Horretan galdu genuen aukera. Agian, zuk esaten duzuna da, azken finean, denok buruan eta bihotzean darabilguna, arrazoia izan dezakezu hein batean baina proposamena beranduegi iritsi zaigu. Beranduegi. Duela mende bat euskararen eta Euskal Herriaren alde gehien lan egin zutenek urrats batzuk eman zituzten eta atzeraezina den historiaren zati bat idatzi zuten ikurriña bihotzean zutela eta orain denbora askotxo pasatu da horiek eraiki zuten guztia bertan behera botatzeko. Berandu da horretarako. Ikurriñak bere bidea egin du eta gure erraietan sartua dugu (gainera estetiko ere, hagitz polita da). Nafarroako banderak bere esparrua du (noski esparru hori zabaldu behar dugu eta askoz ere gehiago erabili), Ikurriñak ere bere esparrua du, Osasunakoak berea duen bezala. Eta ez da deus ere gertatzen. Eta bandera gehiagoren beharrik ez dago.

Barka eztabaidan esku hartu nahi ez izana, baina NABARRALDE, hain zuzen ere, era honetako eztabaidak sustatzeko sortua da, ez beraietan bere iritzia emateko (ukan, baduen arren).

NABARRALDE enpresa bat da. Nafarroa Osoaren kontzientzia berpizteko alor kulturalean jarduteko asmoa duen ekimena, erran dugun bezala.

Mezu hauek hedatzeko egokitzat jotzen duten hainbaten lan webgunean atzeman daitezke: www.nabarralde.com

Harreman iraunkorra ukan nahi duenari, webgunean azaltzen den fitxa betetzeko gonbitea egiten diogu (""Download Nabarralde Subscription Form").



Egin diren galderei erantzunez, azken egunotan karrikaratu den agiriren batean aipatzen zen "nada es casual" esaldia bertzerik ez dugu azpimarratu nahi.



EUSKAL HERRIA: kontzeptu kulturala

NAFARROA: euskaldunon Estatua.

EUSKALDUNAK= GIPUZKOA, BIZKAIA, ARABA, NAFARROA TA IPARRALDE; horretan dudarik ez ezta? ba orduan utzi ikurrina dagoen moduen.

> EUSKALDUNAK= GIPUZKOA, BIZKAIA, ARABA, NAFARROA TA IPARRALDE; horretan dudarik ez ezta? ba orduan utzi ikurrina dagoen moduen.



Zer daude mailak eta mailak euskal probintzien artean, ala? Edota Lapurdi, Baxenafar eta Zuberoak ez daukate probintzi bezala azaltzeko eskubiderik?

Lehenik eta behin Biarno ahantzi duzu, bertan egun oraindik euskaldunak bizi bait dira. Nik uste beste guztiek dituzten eskubide berak dituzte hauek ere. Linguistikoak eta politikoak, Nafarrak bait dira, Biarno, Nafarroako parte delako. Beste Euskaldun guztiak garen bezala. Probintzietan banatzekotan arrazoi du erantzun dizun horrek. Lapurdi, Nafarroa Beherea eta Zuberoa ahantzi dituzu. Baina problema tipi bat dago banaketa horretan. Nafarroa ez dela probintzia bat, nahiz ikusten denez askok ez dakiten. Nafarroa Euskaldunek lortu dugun Europako Estatua da. Ez dut nik esaten, ez da opinio bat, egitate bat baizik. Nafarroa konkistatu zuten estatuek ere hala errekonozitzen dute. Bestela nolatan dute bi estatu hauek, hots, Espainiak eta Frantziak bere armarrietan. Espainolen kasuan laurden bat dela konsideratzen dute (a zer probintzia berezia) eta Frantzesen kasuan erdia (oraindik bereziagoa). Guk Euskaldunok zazpiren batera minimizatzen dugu, normala al da hau? Nafarroak Errege-Erreginak zituen, Europako besteen parekoak. Korteak, Justizia propioa, Konptuen Kamara eta Armada. Eta hori ez dute probintziek. Probintzia bihurtu nahi dute hain zuzen konkistatu zuten estatuek. Eman diozaiogun Nafarroari berea behingoz.

>Nahi gabe Nabarralderen erantzuna pegatu zait, erantzuna Mendotz-i zen. Mila Esker.

Nire iritziz, ikurriñak eta Nafarroako kateek Euskal Herriko erakunde guztietan egon beharko lukete, biek batera. Ikurriñak, euskal herritarren artean onarpen zabala duelako; Nafarroako kateek, berriz, euskaldunok historian zehar izan genuen estatuaren sinboloa direlako.