Lapurdiko Euskal Irratia hartzen dut Donostiatik
Gustura hasi naiz harrapatzen Donostia ingurutik Lapurdiko euskara darabilen Euskal Irratia. Internet bidez ez, autoan bertan (105.7 FM).
Pozik nago produktu berri bat eskura dudalako, baina apur pentsatuz gero harrigarria egiten zait euskarazko komunikabideak zabalduago ez egotea:
- Batetik ikusten dut: mundu osoko telebistak ikus ditzakegu, sateliteen teknologiari esker.
- Bestetik ikusten dut irrati gutxi dira euskaraz entzun daitezkeenak, eta gainera daudenak ezin daitezke entzun Euskal Herriko toki guztietan.
Ez dakit zerbait egin zitekeen, baina era berean Bizkaia Irratiko berbak ere, adibidez, entzun nahi nituzke nik autoan Donostia inguruan. Edo Bilbon egonda 105.7 FM aukeratuta Euskal Irratia entzun nahiko nuke (autopistatik noala Zarautzetik pasata isiltzen da). Tamalez datorren urtera arte ezin diot eskatu Olentzerori.
Erantzunak
Ondo, nik izenaz ez nengoen ziur. Une batean Euskal Irratia entzun nuen eta hori zela izen uste izan nuen. Dial-eko zenbakia aukeratuta hartzen dut. Eskerrik asko.
> Hala ere, ni ez nago ados esaten duzunean irrati guztiak leku guztietan entzun beharko liratekeela. Irrati lokalak irrati lokalak dira, eta irrati nazionalak beste gauza bat dira. Normalean irrati lokaletan beste gai batzuk jorratzen dira, eta niri ez zait batere interesatzen Sarako erdigunean aparkatzeko dauzkaten arazoak (adibidez).
Nik, ostera, gustura entzungo nituzke nire herriko berriak. Ez naiz bizi nire sorlekuan eta gustoko dut hango bizitza jarraitzea. Badakit Intenet bidez entzun daitezkeela batzuk. hori da aurrerapena hori!
Hala ere, nik irratia autoan ere entzuten dut, eta aukera hori ez daukat autoan. Etorriko da, etorriko da, badakit.
Baina bitartean azpimarratu nahi nuen edozein telebista ikus dezakegula Internet gabe, baina geertuagoko diren irrati batzuk ez. Etorriko da!
Araba irratiaz ez dakit ezer baina. Agian beste baten batek?
Aterako dutenean hori ere entzuten saiatuko naiz, baina etengabe hitz egiten badute Gasteizko erdiguneko aparkalekuez beste emisora bat aukeratuko dut ;-)
Gure Irratiaren eta Euskal Irratiaren artean ez da kontraesan handirik.Donostia aldean FMko 105.7 inguruan entzuten den hori, egoitza Baionan duen Gure Irratia da, baina, era berean, Euskal Irratien parte da. Hain zuzen ere, Ipar Euskal Herrian euskaraz aritzen diren hiru irratiak Xiberoko Bozak, Irulegiko Irratiak eta Gure Irratiak Euskal Irratiak izeneko egituran daude bilduta. Albistegiak, esate baterako, elkarrekin egiten dituzte, Euskal Irratien izenean, eta beste zenbait saio ere bai.
Ildo horretatik, Gure Irratia ez da mugatzen Sarako aparkalekun berri ematera, baizik eta Euskal Irratien egituran biltzen diren horiek guztiek, badute halako bokazio nazional bat eta gai askorekiko ikuspegi zabala. Euskarazko 'irrati nazional' datekeen Euskadi Irratiak Ipar Euskal Herriari ematen dion tratamendua ikusita, zer erremedio!
Irrati horiek entzutea ez da aukera txarra hegoaldezentristontzat muga inkoszienteak apurtzeko.
> Irrati horiek entzutea ez da aukera txarra hegoaldezentristontzat muga inkoszienteak apurtzeko.
>
Hegoaldea baino larriagoa da Donostizentrismoa. Larria.
Gaur adibidez. Prestige, fuela... eta abar aritu dira aipatzen goizeko albistegi batean. Normala horrarte. Eta Gipuzkoako hondartzetan bildutako galipota eta 300 kilo, titularretan, nagusi. Eta ostean aipatu dute zelan Bizkaiko kostaldean jada 4 tona bildu dutela. Hori bai, garrantzitsua iruditu zaie Gipuzkoan bildutako 300 kiloak aipatzea, eta ez dira konturatu hamar bider gehiago batu dituztela Urdaibai, Bakio, Muskiz eta inguruko hondartzetan.
Zertaz kexatuko naiz ni bada, arabarra banintz? nafarra? Euskadi terminoz txikia da, baina mugatua. Baina jarduna oraindik laburragoa, mugatuagoa, motzagoa dela uste det, barka, uste dut.
Oker ez banago, Lapurdiko irrati horren izena ez da Euskal Irratia, Gure Irratia (www.gureirratia.com) baizik. Internet bidez entzun daiteke.
Hala ere, ni ez nago ados esaten duzunean irrati guztiak leku guztietan entzun beharko liratekeela. Irrati lokalak irrati lokalak dira, eta irrati nazionalak beste gauza bat dira. Normalean irrati lokaletan beste gai batzuk jorratzen dira, eta niri ez zait batere interesatzen Sarako erdigunean aparkatzeko dauzkaten arazoak (adibidez).
Eta Arabatik idazten dudanez... noizko Araba irratia? Duela urte batzuk "Araba Irratia"-ren aldeko ekimena sortu zen GEUren inguruan, baina dirudienez ez zen aurrera atera. Ba al daki inork zerbait horri buruz?