Teknologia albisteak
Datu irekiak, publikoak (Eusko Jaurlaritza): opendata.euskadi.net
Eusko Jaurlaritzaren itzultzaile automatikoak oinarrian erabiltzen diren datubase lexikoak askatu ditu Jaurlaritzak, Open Data Euskadi datu irekien atariaren bitartez.
Open Data Euskadin daukagun datu-multzo osoenetako bat da hauteskunde emaitzena. Ez bakarrik Eusko Legebiltzarrerako emaitzak, baizik eta beste hauteskunde prozesu guztietakoak, 1977tik, hor daude, udalerri guztietako emaitza konpletoekin. Datu horiek berrerabiltzeko demo bat aurkezten dizuegu hemen-.
Irekiak Eusko Jaurlaritzaren aurrekontuak web formatuan argitaratu ditu, datuak osorik, modu interaktiboan eta oso modu bisualean ikuskatzeko. Aurrekontuak (http://aurrekontuak.irekia.euskadi.net) aplikazioa, gainera, mugikorretarako ere egokitua dago. Datuen oinarria Open Data Euskadiko datutegiak dira, baina zifra gordinetatik bisualizazio erakargarri bat eraikita.
SPRIk, Euskadiko sustapen ekonomikorako erakunde publikoak, bere informazioa zabaltzen duen aplikazio mugikor bat garatu du. Erabiltzaileei albiste,ekitaldi eta laguntza-jakinarazpenei buruzko informaziorako sarrera eta zerbitzu eta diru-laguntzetarako sarrera errazten ditu aukera berri honek, eta SPRIren eta inguruko ekimenen berri ematen du, hala-nola Enpresa Digitala edo Euskadi+Innova ekimenen berri.
Lur Hiztegi Entziklopedia eta Lur Entziklopedia Tematikoa 1990ko hamarkadako lan mardulak izan ziren. 2009an, eduki hauek eskuratu zituen Eusko Jaurlaritzako Kultura Saileko Hizkuntza Politikarako Sailburuordetzak, eta harrezkero, argitalpen digitalerako prestatu izan ditu. Lan horien azken emaitza izan da edukiak guztiz liberatzea Open Data Euskadi webgunearen bidez.
Udan festarik festa ibili nahi baduzu, tresna interesgarria duzu Belen Saez CleverMaps enpresako kideak sortu duena: mapa bat osatu du EAEko kultura ekitaldiekin, Kulturklik webguneko APIan oinarrituz. Nahi duzun data aukeratu, eta webguneak egun horretan ekimenak dauden herri guztiak erakutsiko dizkizu. Gainean klik eginez gero, zer dagoen ikusiko duzu, baita lotura bat ekitaldiaren inguruko informazio gehiago eskuratzeko ere.
Argazkiak.org | Udako ekitaldien mapa © cc-by-sa: sustatu
