Euskarazko Wikipedia

Euskarazko Wikipediak 24 urte bete ditu joan den asteburuan, eta urteurrena albiste berezi batekin ospatu du: munduko lehen postuan kokatu da “Wikipedia guztiek izan beharreko 1.000 artikuluen zerrendan”. Une honetan, euskara da planeta osoan zerrendako artikulu guzti-guztiak 30.000 byte baino gehiagoko luzerara eguneratuta dituen hizkuntza bakarra.

Portugalgo Porto eta Miranda do Douro hirietan Wikimedia Portugalek antolatutako meeting bat, PortoMeeting, izan da maiatzean. Topaketa horretan Euskal Wikilarien Kultur Elkarteak ere parte hartu du: Koldo Biguri gure bazkide wikilaria izan da han, Txikipedia proiektuaren bultzatzailea. Iberiar penintsulako hizkuntza gutxiagotu batzuetako ordezkariekin eta Portugalgo mirandes hizkuntza gutxiagotu ofizialari buruzko aditu eta hizkuntzalariekin izan gara topaketan.

Ikas-egoera, Wikipediaren arabera, hezkuntzari lotutako ingurune batean egiten den baliabide eta jarduera didaktiko antolatuen bidez egiten den ekimen pedagogikoa da. Eta hain zuzen ere, Euskal Wikilarien Kultur Elkarteak (EWKE), euskarazko Wikipediaren sustatzaileak, ikas-egoeretan Wikipedia lantzeko programa du martxan: Wikikasi.

Euskal Wikilarien Kultura Elkartea (EWKE) Wikimedia Europa taldearen parte da, eta horregatik Pragan ospatutako 2025eko Batzar Orokorrean hartu dugu parte apirilaren 25-26an. Bertan orain arte bidea onetsi, zuzendaritza berria hautatu, eta Wikimedia Europa (WMEU) barneko sarean dauden gaitasun, ikuspuntu eta beharren diagnostikoarekin estrategia prozesu laburra abiatzea adostu dugu.

Wikimedia Estoniarekin batera, apirilean Estoniari buruz idazteko erronka eta lehiaketa abiatu dugu euskarazko Wikipedian. Otsailean Marokori buruz egin genuen, eta oraingoan Estoniari buruzko 150 gai ekarri ditugu, Wikimedia España, Amical Wikimedia eta Galipediarekin batera egindako ekimenean, geure kasuan EWKE elkartea delarik sustatzailea, Euskal Wikilarien Kultur Elkartea. 

Euskal Wikilarien Kultura Elkarteak urtarrilaren 25erako topaketa antolatu du, gaur zortzi, datorren larunbatean izango da: Euskal Wikilarion Topaketa 2025. Eibarren izango da Markeskua jauregian (UEUren ikastetxe eta egoitzan), eta goiz eta arratsaldeko egitaraua izango du. Ez da bakarrik bazkideentzako, wikilari zaletu guztientzat baizik, izena eman daiteke hemen (behean).

Aurreko hilabeteetan bezala, oraingoan ere edizio-lehiaketa dago euskarazko Wikipedian, baina 30 egunetarakoa barik, uztail-abuzturako da; beraz, abuztu osoa geratzen da parte hartzeko. Munduko hiriak izanik gaia, 300 hiriko zerrenda batean artikuluak hobetzea da koxka. Horietako bakoitzaren euskarazko azalpena luzatzen eta hobetzen baduzu, puntuak lortuko dituzu. Ikus Munduko Hiriak Wikipedia Lehiaketa.

Euskarazko Wikipediak 300.000 artikuluen muga gainditu du bart gauez. Hainbat wikilarik azken bi asteotan landutako artikulu berezia izan da 300.000. artikulua: euskararen jatorria.

Wikipediako euskarazko orri batean sartzen bazara gaur (eta baita beste hizkuntza askoetako edukietan ere), greban aurkitukpo gaituzu. Orrialde beltz batek eta agiri batek ordezkatzen du informazioa, Europako Parlamentuan copyright direktiba arriskutsu bat bozkatzen delako gaur, eta horren kontrako protesta da greba hau.

Ekainaren 26an, asteartez, egun osoko lantegia antolatu du Euskal Wikilarien Kultur Elkarteak UEUrekin batera Tabakaleran, Donostian (Hirikilabs laborategian). Doako jardunaldia izango da. Bi hitzaldi nagusi izango ditugu, Txikipediari buruzkoa bata eta, bestea, Wikiteka eta liburutegiei buruzkoa. Segidan tailerrak (oinarrizkoak batzuk eta teknikoagoak besteak). Eman izena hemen.

2018ko maiatzean langileen historiari arreta jarriko diogu euskarazko Wikipedian. Aurreko hilabeteetan bezala, artikulu zerrenda bat osatu da lehiaketa baterako, eta horrez gain, editatoiak antolatu dira hurrengo egunetan.

Euskal Wikilariok Udaberriko Topaketa & Tailerrean elkartuko gara datorren ostiralean, hilak 20, Donostian. Urteko batzarrean Euskal Wikilarien Kultur Elkarteak (EWKE) erabaki zuen bi edo hiru hilean behin edizio edo ikasketa topaketak antolatzea, euskarazko wikipedia hornitzen laguntzeko, hasiberri zein beteranoagoentzat, eta hauxe dugu lehen aukera.

2010ean Herbehereetako wikilari talde batek “Wiki Loves Monuments” lehiaketa jarri zuen martxan. Helburua, herrialde horretako monumentu eta ondarearen inguruko argazki libreak jasotzea zen, mundu guztian zehar libreki erabili ahal izateko. Lehen urte horretan 12.500 argazki jaso zituzten eta, arrakasta ikusita, antolakuntza hedatzen hasi ziren: Europa mailan 2011n eta mundu mailan 2012tik aurrera. Orain, Euskal Herrian ere.

Wikipedian kartografia sortu eta hobetzea sorreratik bertatik egin den lanetako bat izan da. Aldi berean, OpenStreetMapen mapa libreak sortzen aritu dira milaka boluntario. Orain Kartographer luzapenari esker Euskarazko Wikipediako artikuluetan OSMko mapa interaktiboak txertatzeko aukera dugu. Wikidatako datuekin batera, lana inoiz baino errazagoa da wikilariontzat.

Euskal Wikilarien Kultur Elkarteak administrari eta idazkaritza lana egingo duen pertsona bat bilatzen du laster hasiko den proiektu batean lan egiteko. Langilearen eginkizunen artean egongo dira: langileen nominak kudeatzea, egon daitezkeen beka ezberdinen prozesua aurrera eramatea, kontabilitate lanak zein instituzio ezberdinentzat kudeaketa txostenak idaztea. Hitzarmenen erredakzioa eta hitzarmenek egin beharreko tramitazioak ezagutzea. Proiektu honetan nazioarteko lanketa ere egingo da, Wikimedia Foundationekin eta abarrekin kontaktua eginez. Gainontzeko langileen agenda eta kontaktuak kudeatuko ditu, esparru zabal batekin, enpresa zein boluntarioekin lan eginez.